Күйөөсүнө ыраазы болбосо чоң күнөө

Бисмиллаахи рахмаанир рахиим

Асыл хадис менен

Күйөөсүнө ыраазы болбосо чоң күнөө

Урматтуу бир туугандар “Асыл хадис менен” берүүбүздүн жаңы чыгарылышын жакшы салам менен баштайбыз. Аллахтын тынчтыгы, ырайымы жана берекеси сиздер менен болсун.

Бул тууралуу Сахих Муслимдин шархы Имам Нававиде  “күйөөсүнө болгон ыраасыздык” деген бөлүмдө айтылат:

حدثنا عبد الله بن مسلمة عن مالك عن زيد بن أسلم عن عطاء بن يسار، عن ابن عباس قال: قال النبي صلى الله عليه وسلم “أريت النار؟ فإذا أكثر أهلها النساء يكفرن، قيل أيكفرن بالله؟ قال يكفرن العشير ويكفرن الإحسان، لو أحسنت إلى إحداهن الدهر، ثم رأت منك شيئا قالت: ما رأيت منك خيرا قط“

Абдулла бин Маслама, Ибн Аббастан риваят кылат: Пайгамбар (ага Аллахтын салам-салаваттары болсун) айтты: “Мага тозок көрсөтүлдү жана мен анын тургундарынын көпчүлүгү шүгүрсүз аялдар экенин көрдүм. Андан: Алар Кудайга шүгүрсүзбү? – деп суралды. Ал: Алар күйөөлөрүнө шүгүрсүз жана жакшылыкка шүгүрсүз болушат, – деди. Эгер сен алардын бирине өмүр бою жакшылык кылсаң, анан ал сенден бир нерсе көрсө, ал: Мен сенден эч качан жакшылык көргөн эмесмин, – дейт”.

Урматтуу бир туугандар:

Аль-Асмаи мындай дегени риваят кылынат: Мен бир бедуинге кирдим, ал жерде жүзү эң сулуу аялдардын бири болгон бир аялды көрдүм, ал эң жаман жүзү бар (куник) эркектин астында отурган эле. Мен ага: Оо, аял, сен анын  астында болууга ыраазы болосуңбу? – дедим. Ал: Оо эркек, унчукпа, анткени сен жаман сүйлөдүң, – деди. Балким, ал Жаратуучусу менен болгон мамилесинде жакшы иш кылгандыр, ошондуктан Аллах  мени анын сыйлыгы кылып койгондур, же балким, мен Жаратуучум менен болгон мамилемде жаман иш кылгандырмын, ошондуктан Аллах аны менин жазам кылып койгондур. Аллах мага ыраазы болгон нерсеге мен ыраазы болбоймунбу? – деп, ал менин үнүмдү басты.

Урматтуу мусулмандар:

Бул көз караш аялдар арасында өзгөрдү. Бул көз караш азыркы учурда сооп жана жаза менен байланыштырылбай, тескерисинче, өзүмчүлдүк, пайда жана кызыкчылык мамилелеринин негизине айланды. Аял күйөөсүнүн жакшылыктарына шүгүр кылбай, аларды четке кагып, ага ыраазычылык билдирбей калдв. Тескерисинче, Пайгамбарыбыз (ага тынчтык жана береке болсун) бул мамиленин катаалдыгын баса белгилөө үчүн муну шүгүрсүздүк катары тозокко алып бара турган жол экенин билдирди. Бул жөн гана күйөөсүнө болгон сабырсыздык менен чектелген жок. Балким ал ыраазычылык билдирбөөгө жана алар чогуу өткөргөн жакшы учурларды этибарга албоого чейин жетип барды. Мунун ислам өкүмдөрүнө кандай тиешеси бар? Мунун сабырдуулукка кандай тиешеси бар? Албетте, бүгүнкү күндө сабырдуулук жана адеп-ахлак түшүнүктөрү жоголуп, алардын ордуна пайда, кызыкчылык жана өзүмчүлдүк түшүнүктөрү келди. Бул Куранды жана анын өкүмдөрүн жер бетинде ишке ашырган Халифалыктын нуру өчкөндөн кийин болду.

Оо, Аллахым, биз үчүн пайгамбарлык үлгүгө ылайык, мусулмандарды бириктирип, аларды азап-тозогунан арылта турган, жер жүзүн Өзүңдүн даңазалуу жүзүңдүн нуру менен жарык кыла турган Халифалыкты тикелөөнү тездет. Аамиин, аамиин.

Аллах буйруса, келерки “Асыл хадис менен” берүүбүздөн жолугушканга чейин сиздерди Аллахтын камкордугуна, коргоосуна жана коопсуздугуна калтырабыз. Сиздерге Аллахтын тынчтыгы, ырайымы жана берекеси  болсун.

1447-х, 24- жумадил уула.

2025-ж, 15-ноябрь.