Дакка шаарындагы мыкаачылык менен өлтүрүү секулярдык саясаттын натыйжасы

Басма сөз баянаты

Дакка шаарындагымыкаачылыкмененөлтүрүүсекулярдыксаясаттыннатыйжасы

Дакканын эски бөлүгүндөгү Митфорд районунда өлкөдөгү эң ири секулярдык партия — Бангладеш улуттук партиясына караштуу «Жубо Далдын» жергиликтүү лидерлери темир-тезек сатуучу 39 жаштагы Сухаг аттуу соодагерди мыкаачылык менен өлтүрүштү. Алар аны бычактап, андан кийин чоң таш менен кайра-кайра ургулашкан. Буга Сухагдын төлөм («талап-тоноо акчасы») берүүдөн баш тартканы себеп болгон. Күбөлөрдүн айтымында, кылмышкерлер аны өлтүрүү менен эле токтоп калышкан эмес, ал жан бергенден кийин да жапайычылык менен токмоктошкон. Канга боёлгон сөөгүн жолдун ортосуна таштап, кылмышкерлер анын мурдун, оозун жана көкүрөгүн бир нече жолу тепкилешкен.

Мындай жапайы кылмыштар жана жинди болуп калгандай жоруктар секулярдык саясаттын көлөкөсүндө ондогон жылдар бою күнүмдүк көрүнүшкө айланды. Сухагдын өлтүрүлүшү — бул бузулган системага каршы элди ойготушу керек болгон кезектеги мисал. Секулярдык саясаттын флагманы болгон «Авами лига» партиясы акыркы он беш жыл ичинде качкын Хасинанын жетекчилиги менен канкордук жана акылсыздыкка толгон көптөгөн окуяларды көрсөттү, анын ичинде Бисважит менен Абрар Фахаддын муздак кандуу өлтүрүлүшү да бар.

Бүгүн болсо, Бангладеш Элдик партиясы (Бангла Шоможадол) өзүнүн жиндилик кылган саясий жолунда Хасина сыяктуу багытта бара жаткандай көрүнүүдө. Себеби Батыш таңуулаган секулярдык саясат негизи акча, күч жана бийликке негизделет, мунун өзү акыл-эстен, динден ажыраган бузуку жырткычтар үчүн ылайыктуу жер болуп калды. Секулярдык саясат өзүмчүл, пайдапарастык кызыкчылыктарга негизделген саясат. Ал жерде Алладан ﷻ коркуу да, эсеп күнү үчүн даярдануу да, бейишке жетүү же Алланын ыраазычылыгына умтулуу да жок. Мына ошондуктан, ондогон жылдар бою бийликтеги жүздөр өзгөргөнү менен, элдин абалы өзгөргөн жок.

Секуляризмдин тарапкерлери элди алдап, секулярдык саясаттын жийиркеничтүү жүзүн жашырууга аракет кылып келишет. Мисалы, азыр алар Бангла Шоможадолду «жаңыча фашизм» деп атап, муну өз саясий кызыкчылыктары үчүн пайдаланууда. Бирок негизги суроо мындай: бул партиянын светтик түзүлүшү Авами лига партиясынын светтик түзүлүшүнөн эмнеси менен айырмаланат? Эгерде экөө тең ошол эле бузулган негизден чыкса, анда бул партия кантип башкача болушу мүмкүн?

Чын-чынында, эл Авами лига менен Бангла Шоможадол партияларынын саясаттарынан эч кандай реалдуу айырманы көргөн жок. Атүгүл белгилүү журналисттердин бири Сухагды өлтүрүүнү «партия ичиндеги тиреш» катары мүнөздөп, элдин нааразылыгын көмүскөдө калтырууга аракет кылды. Бул кылмышты жалпы үммөткө эмес, бир партиянын ички иши катары көрсөткүсү келди. Ал эми партиянын өзү бул окуяны «жеке адамдын аракети» катары айыптады. Бирок болгону бир жыл ичинде бул партиянын жетекчилеринин жана мүчөлөрүнүн жүздөгөнү бийлик талаштын айынан өлтүрүлдү.

Жетекчилерин жана тарапкерлерин бириктире албаган партия үммөттү кантип бириктирет? Же болбосо ахлаксыз, аманатсыз бузуку лидерлерди чыгарып жаткан партия элдин кызыкчылыгын кантип ойлойт? Мына ушундайча секулярдык саясатчылар жана интеллигенттер өздөрүнүн кулап түшкөн, ийгиликке жетпеген саясий философиясынын кыйроосун жашыргысы келишет.

Эл канкор Хасинаны зор курмандыктар менен кулаткан, эми болсо Исламга негизделген саясий чечимди талап кылууда. Бул чечим элдин кызыкчылыгын коргоп, өлкөнүн эгемендүүлүгүн сактап калышы керек. Бирок ошол эле учурда Батышка баш ийген саясатчылар менен «акылман» интеллигенттер ошол эле бузулган секулярдык чечимди “саясий реформанын” атынан кайра таңуулоону улантып жатышат. Ал эми Аллах Таала ﷻ мындай дейт:

﴿وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ﴾

«Аларга: “Жер бетинде жамандык-бузукулукту жайылтпагыла”, – деп айтылса, алар: “Биз болгону түзөтүүчү-оңдоочубуз”, – дешет». (Бакара сүрөсү, 11-аят).

Исламдагы саясат — бул ыйык милдет. Ал сийасатул-шаръия (шарияттык саясат) деп айтылат. Анын максаты Ислам өкүмдөрүн колдонуу аркылуу элдин иштерин көзөмөлдөө, адилеттик орнотуу, үммөттү аскерий, экономикалык жана сакафий жактан колонизатор державалардын үстөмдүгүнөн коргоо, ошондой эле Исламды бүткүл дүйнөгө жаюу. Пайгамбарыбыз Мухаммад ﷺ мындай деген:

«كَانَتْ بَنُو إِسْرَائِيلَ تَسُوسُهُمُ الأَنْبِيَاءُ، كُلَّمَا هَلَكَ نَبِيٌّ خَلَفَهُ نَبِيٌّ، وَإِنَّهُ لَا نَبِيَّ بَعْدِي، وَسَيَكُونُ خُلَفَاءُ فَيَكْثُرُونَ»

«Исраил уулдарынын саясий ишин пайгамбарлар жүргүзүшчү. Ар бир пайгамбар өлгөндө, анын ордун башка пайгамбар басчу. Ал эми менден кийин пайгамбар болбойт. Бирок халифалар келет жана алар көп болот» (Бухари жана Муслим риваяты).

Ал эми колонизатор каапырлар бизге таңуулап жаткан светтик саясат Ислам үммөтү үчүн чоң балээ. Анткени, Сухагга окшогон бир туугандарыбыздын мыкаачылык менен өлтүрүлүшү ушул балээнин ачык далили. Ошол эле учурда биз Аллах Тааланын ﷻ каарын өз башыбызга тартуудабыз.

Ошондуктан үммөт ишенимдүү партия болгон Хизб ут-Тахрир менен биригип, Халифалыкты тикелөө жолунда саясий иш алып барышы керек. Мусулмандарды зомбулуктан, кан төгүүдөн, талап-тоноодон жана өзүмчүл кызыкчылыктардан куткара турган нерсе – Аллах түшүргөн шарият менен башкаруу. Так ушул башкаруу үммөттү бириктирип, ага чыныгы камкордук көрө ала турган жалгыз жол.

13.07.2025