Басып алынган Кашмирден ачык кыйкырык!
Басып алынган Кашмирден ачык кыйкырык!
Пакистан 5-февралда «Кашмир менен тилектештик күнү» деген спектаклге даярданып, кайра-кайра ураандарды айтып, адам чынжырларын түзүп жатат. Бирок, ал көрсөтмө ызы-чуудан арылып, Кашмир өрөөнүндөгү муунткан жымжырттыкка кулак салышы керек. Медиа жана чалгын отчетторунда «тынчтык» деп көрсөтүлүп жаткан бул көрүнүш чыныгы тынчтык эмес, элдин денесин, акылын жана ыйманын бутага алган кылмышкер башкаруу түзүмү көзөмөлдөгөн түрмөнүн бир канаты. Пакистан жетекчилери «жашоо тамыры» деп ырдап жатышса, жердеги вакыйлык системалуу жок кылууну көрсөтүүдө. Өлгөндөр мүрзөлөрүнөн, тирүүлөр үнүнөн ажыратылууда. Алар тилектештик эмес, аскерий кийлигишүүнү жана куралдуу күчтөрдүн реалдуу аракетин күтүп жатышат.
Кашмирдеги «туруктуулук» жана «кадимки жашоо» деп аталган нерсе – бул көрүстөндүн жымжырттыгы гана. Бул заманбап тарыхтагы эң катуу административдик курчоонун натыйжасы. Индус мамлекети жерди басып алуудан ашып, мусулман адамды талкалоого өттү. Анын денесин, фикратын, экономикасын жана динин бутага алды. 2019-жылдын 5-августунда Кашмирди бир тараптуу аннексия кылуу жана пакистан жетекчилигинин багынып бериши менен «Жаңы Кашмир» долбоору өнүгүү долбоору эмес, Кашмир өрөөнүнүн исламий өзгөчөлүгүн өчүрүүгө багытталган колонизатордук отурукташтыруу болду. Сандар калп айтпайт, бирок пакистан жетекчилиги аларды же көз жаздымда калтырат, же тар саясий максаттары үчүн колонизатордук рухта пайдаланат.
2019-жылдагы кыянаттан бери Кашмир тикен зымдардын артында, ар бир адамдын демин аңдыган 900 миң жоокердин көзөмөлүндө калды. Каршылык көрсөткөндөрдү жуткан көрүстөндөр, кыйноонун жаңырыгы толгон түрмөлөр… Өткөн кылымдын токсонунчу жылдарынан бери он миңдеген адамдар шахид болду. Кунан жана Бошпорада ар-намыстар тебеленди. Кыйнап жок кылуу абактарында бүтүндөй үй-бүлөлөр жок кылынды. Кандын баары сууга айланып, баасын жоготту. Анткени бул – дүйнө жүзү жүзүн буруп койгон мусулмандардын каны.
2019-жылдагы аннексиядан кийин Кашмир эли 550 күндөн ашык толук байланыш изоляциясында жашады. Бул – каршылык рухун сындырууга багытталган жамааттык жаза болду. Сот системасы туруктуу жазалоо куралына айланды. «Мыйзамсыз иш-аракеттерге каршы мыйзам» боюнча «процесстин өзү жазага» айланды. Айыптоо пайызы 0,6%дан төмөн болсо да, миңдеген адамдар рухун сындыруу үчүн түрмөлөрдө чирип жатат. Ал эми «Коомдук коопсуздук мыйзамы» – «айланма эшик» режимине айланып, кармалгандар жылдардан кийин бошотулуп, түрмө дарбазасынан кайра жаңы чечим менен камалат. Бул түрмөлөрдө кыйноо ыкмасы системалуу түрдө – моюнга алдыруу үчүн гана эмес, эркти талкалоо үчүн да колдонулат.
Мусулман жигиттердин денелери электр тогу жана бургулар менен тешилип, кыйноо алдында же жасалма кагылыштарда «орден» жана «кызматтык көтөрүлүү» үчүн өлтүрүлүүдө. Бул жөн гана ашыкча аракеттер эмес, «Өзгөчө ыйгарым укуктар мыйзамы» менен толук иммунитет берилген сектанттык армиянын күнүмдүк ыкмалары.
Индус баскынчылыгы күрөштү өлтүргөнгө чейин улантууда, ал тирүү мужахидден көрө шахидден көбүрөөк коркот. 2020-жылдан бери шахиддердин сөөктөрү үй-бүлөлөрүнө берилбей, Бониярдагы алыскы, белгисиз көрүстөндөргө, өз мекенинен алыс жерге көмүлүүдө. Парвина Ахангэр сыяктуу энелер, дайынсыз жоголгон аталар ассоциациясынын негиздөөчүсү болуп, дайынсыздарды каттоого аракет кылганда, алардын кеңселери басылып, документтери конфискацияланууда. «Жаңы Кашмир» деп аталган түзүмдө өлгөндөрдү эскерүүнүн өзү да жазага тартылуучу кылмышка айланды.
Индия мамлекетинин желеги Хазратбал даргасындагы ыйык мечиттин үстүнө илинип, бул мусулмандарды басынтуу максатындагы агрессивдүү кадам болду. Шринагардагы Жамиа мечити жума күндөрү жабылып, хатибдердин үнү басылууда, имамдар жана дааватчылар көзөмөлгө алынууда. Бул козголоңго каршы кампания эмес, бул Исламга каршы согуш.
«Бажва доктринасы» жана тынчтык иллюзиясы:
Кашмир жашоо шартын жөнгө салган мыйзамдар менен муунтулуп, ыйык нерселер тебеленген учурда, Пакистан жетекчилери башка нукка бурулду. 2021-жылдын март айында генерал Бажва саясат «геосаясаттан геоэкономикага» өтөрүн жарыялап, сооданы ачуу үчүн өткөндү көмүү тууралуу айтты. Бирок көмгүсү келген «тарых» – бул Кашмирдин өзү эле. Бул мамлекет жетекчилиги эмес, мусулмандардын сөөгүнүн үстүндө соода кылган эки жүздүү соодагердин акылы.
Кашмир маселеси Финансылык аракеттер тобунун (FATF) «боз тизмесинин» шарттарына жана Эл аралык валюта фондунун басымы алдында туткунга алынды. «Каржылык туруктуулук» деген баа менен боштондук иши сатылды. Пакистан өзүн өзөктүк держава деп мактанганы менен, Индиянын Кашмирди жутушуна тоскоол боло алган жок. Анын жообу болсо – элдин ачуусун басуу үчүн гана уюштурулган «отуз мүнөттүк нааразылык» деген шылдыңга айланды. Билдирүүлөр жасалды, Ислам Кызматташтык Уюму жыйын өткөрдү, анан баары өз дасторконуна кайтып кетти. Ал эми Кашмир мусулмандары бул спектаклди ок тийип сокур болгон көздөрү менен түрмөлөрдөн, абактардан жана жымжырт көрүстөндөрдөн карап турушту.
Бүгүн, 5-февралдагы «Кашмир менен тилектештик күнү» да кезектеги улуттук ырымга айланды: анда ураандар ырдалып, адам чынжырлары түзүлөт.
Ташталган туткундун чакырыгы:
Кыянатка жана баскынчынын зулумуна карабастан, Кашмирдеги мусулмандын руху басып алынган жерде калган жалгыз эркин элемент бойдон калууда. Индус режими 370-беренени жокко чыгарып, аймакты индус бюрократиясына толтуруу менен жердин өзгөчөлүгүн «кайра калыптандырабыз» деп ойлоду. Бирок ал өзүнүн эле моюнга алуусу менен ийгиликке жете алган жок. 2025-жылдын май айында Пакистан күчтөрү менен индус мамлекетинин армиясы ортосунда болгон кыска согуш учурунда Кашмир калкы колдорун көтөрүп, Пакистандын учактарына жеңиш тилеп дуба кылышты. Алар майдандагы кагылыштарды стадиондогу жеңиштердей кубануу менен тосуп алышты, бул баскынчынын өзгөчөлүгүн четке кагуунун белгиси эле.
Бирок 2026-жылдын 5-февралы мурункулардан көп деле айырмаланбайт. Ошентсе да, бул үммөттүн ичинде Аллах алдында жоопкерчилигин сезген ыкластуулар бар. Аскердик күч ээлеринин арасында да сөз эмес, иш кылууга ниетин жүрөгүндө сактагандар бар. Бул чакырык батыш дипломаттары менен гольф ойногон генералга эмес, түн ичинде сажда кылып, убада менен жихадды эстеген офицерлерге багытталган.
Эй, Пакистан армиясындагы ыкластуу офицерлер! Силер колонизатордук чек араларды тааныбаган адамдардын урпактарысыңар. Мухаммад бин Касым Синд жээктерине келгенде тагут кеңешинин чечимин күткөн эмес. Анда силер эмне үчүн Коопсуздук кеңешинин уруксатын күтүп жатасыңар?! Ал экономикалык көрсөткүчтөрдү сураган эмес, залим Ража Дахирдин зулуму алдында жардам сураган мусулман аялды коргоо үчүн кыймылга өткөн. Бүгүн болсо Кашмирде төрт миллион мусулман эже-карындаш кыйкырып жатат! Аллах Таала айтат:
﴿وَمَا لَكُمْ لَا تُقَاتِلُونَ فِي سَبِيلِ اللَّهِ وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَذِهِ الْقَرْيَةِ الظَّالِمِ أَهْلُهَا﴾
«(Эй момундар), силерге эмне болду, Алла жолунда жана: «Раббибиз, бизди тургундары заалим болгон бул шаардан азат кыл»,- деп жаткан эркектер, аялдар ошондой эле балдардан турган бечаралар (ды азат кылуу) жолунда согуш кылбай жатасыңар?!» (Ниса: 75).
Силерди майда жетекчилер сатып кетти. Алар Вашингтондун буйруктарына баш ийип, санкциялар тизмесинен Аллахтан корккондон да көбүрөөк коркушту. Силерди колонизаторлор сызып берген чек аралардын кароолчусуна айландырышты. «Исламдын кылычын» Американын калканына айлантышты. Жетимиш жылдан бери «Кашмир – Пакистандын тамыры» деген ураанды кайталап келишет, бирок аны чындык катары эмес, жөн гана ураан катары айтышты. 2025-жылдагы Бехлгам чыңалуусунан кийин Нью-Дели Инд дарыясынын суу келишимин токтоткондо, бул чын эле өмүр менен өлүм маселеси экени ачыкка чыкты. Алар соода тамырын «жашоо тамырына» алмаштырып жиберишти. Денеде тамыр болбосо, соода кылбайт, ал кансырап өлөт.
Эй, ыкластуу офицерлер!
Туруктуулук – жалган. «Тынчтык процесси» – тузак. Алар жарнамалап жаткан тынчтык – көрүстөндөрдүн тынчтыгы. Тарых Пакистан Кашмирди согушта жоготту деп жазбайт. Тескерисинче, ал жабык бөлмөлөрдө карыздар жана дипломатиялык жылуу мамилелер үчүн өткөрүлүп берилди деп жазат.
Силер Раббиңердин алдына барганда, эч кимиңерден наамы же айлыгы жөнүндө суралбайт. Тескерисинче, бир туугандарыңар жардам сурап кыйкырганда эмне үчүн унчукпай турдуңар деп суралат. Аскердик формаңарды карагыла: ал парад үчүн кийим эмес, үммөттү коргоо үчүн белги. Тарых силерди «жашоо тамыры» кесилип жаткан учурда жазалоочуну куттуктап тургандар катары жазбасын. Вашингтон саясатын четке каккыла. Канга караганда сооданы жогору койгон «Бажва доктринасын» талкалагыла. Силерде күч бар. Силерде дин бар. Силерге шарияттык милдет жүктөлгөн. Силер Аллахка саясий кагаз менен эмес, Анын жолундагы мужахиддин кадамдары менен, жихаддын чаңы менен булганган кадамдар менен барасыңар.
Саткын жетекчилер үммөттү чынжыр менен байлашты. Хизб ут-Тахрир силерди бул чынжырларды үзүүгө жана нубувват минхажы негизиндеги рашид Халифалыкты тикелөө үчүн өзүнүн ыкластуу жетекчилигине нусрат берүүгө кайра-кайра чакырып жатат. Силер күчтүн ачкычын кармап турасыңар. Аны үммөттүн түрмөсүн бекитүү үчүн эмес, жеңиштин эшигин ачуу үчүн колдонгула. Бул доордун ансарлары болгула жана Пайгамбарыбыз ﷺ сүйүнчүлөгөн Халифалыктын калканын кайра орноткулa.
Бул – басып алынган Ислам жеринен чыккан ачык кыйкырык.
Роя гезити
Устаз Мухаммад Абдулла
