Ливан президенти яхудий түзүмү менен нормалдашуу тууралуу сүйлөдү
Ливан президенти яхудий түзүмү менен нормалдашуу тууралуу сүйлөдү
CNN Arabic, 2025-жылдын 11-июлунда Ливан президенти Жозеф Аун өз өлкөсү менен яхудий түзүмү ортосундагы мамилелерди азырынча нормалдаштыруу мүмкүн эместигин билдирип, бул маселени жакынкы келечекке калтырды.
Ал Ливандын яхудий түзүмү менен АКШнын шарттарына ылайык нормалдашууга даярданып жатканын айтып, «куралды мамлекеттин көзөмөлүнө өткөрүү чечими кабыл алынганын жана артка кайтарылбай турганын» белгиледи. Анын айтымында, бул чечим мамлекеттин кызыкчылыктарын жана коопсуздугун камсыз кылууга, ички тынчтыкты жана улуттук биримдикти сактоого багытталган. Ал ошондой эле «ливан тараптын кызматташуусу өлкөнү коргоо, чыңдоо жана ага каршы даярдалышы мүмкүн болгон кутумдардын алдын алуу үчүн зарыл фактор» экенин кошумчалады.
Нормалдашууга даярдык тууралуу айтканда, Ливан президенти «региондо болуп жаткан өзгөрүүлөр ливандыктар туш болгон курал маселеси сыяктуу татаал маселелерди чечүүгө ылайыктуу шарттарды түзүп жатат» деди. Ал «согуш же тынчтык чечими Ливандын кызыкчылыгын эске алуу менен чыгарыларын жана чечим министрлер кабинетинин ыйгарым укугунда» экенин белгиледи.
Жозеф Аун делегация мүчөлөрүнө Түштүк Литани аймагында БУУнун 1701-резолюциясын аткаруу милдетин Ливан армиясы эл аралык күчтөр (ЮНИФИЛ) менен биргеликте ишке ашырып жатканын» айтты. Башка суроого жооп берип жатып, президент Аун тынчтык менен нормалдашуу ортосунда айырма бар экенин айтып, «Тынчтык — бул согушсуз абал, азыр Ливан үчүн маанилүүсү дал ушул. Ал эми нормалдашуу маселеси учурда Ливандын тышкы саясатында каралган эмес» деди.
Бул сөздөрдөн көрүнүп тургандай, ал куралсыздандыруу сыяктуу шарттарды түзүүгө аракет кылып, андан кийин яхудий түзүмү менен нормалдашууга жол ачууга умтулууда.
