Санкт-Петербургда Хизб ут-Тахрирге байланышы бар деген айып менен тажик аял кармалды

Санкт-Петербургда Хизб ут-Тахрирге байланышы бар деген айып менен тажик аял кармалды

Жаңылык:

Санкт-Петербург шаарынын Петроград райондук соту тажик улутундагы аялды 40 күнгө камакка алуу чечимин чыгарды. Санкт-Петербургдагы биргелешкен басма сөз кызматынын жетекчиси Дарья Лебедеванын маалыматына ылайык, бул аялды мекенине өткөрүп берүү маселеси каралууда. Лебедева өзүнүн Telegram каналында:

«Шаарыбыздын Петроград райондук соту Нагура Самиевага карата тергөө маалында камакка алуу чарасын колдонуп, ага Тажикстанда кылмыштуу топту уюштуруу жана экстремисттик ишмердүүлүктү уюштуруу айыбын такты», — деп жазды.

Нагура Самиева буга чейин Большая Монетная көчөсүндө кармалган. Сот аны Тажикстандын укук коргоо органдарынын өтүнүчү менен Интерпол аркылуу эл аралык издөөдө жүргөн деп тапты. 2025-жылдын март айында ал кылмыш иши боюнча айыпталуучу катары тартылган.

Тажикстандык укук коргоо органдарынын маалыматына ылайык, кармалган аял Түркия аймагында жүргөн маалда Тажикстанда тыюу салынган Хизб ут-Тахрир исламий партиясынын пикирлерин жайылтып, анын материалдарын интернет аркылуу тараткан.

Комментарий:

Тажикстандын атайын кызматтары диний ибадаттарын аткарып жүргөн адамдарды куугунтуктоону улантууда. Андан тышкары, бул катуу кысым айрыкча Тажикстандын сыртында да жүргүзүлүүдө. Тажикстандык атайын кызматтар Түркия, Украина жана Европа Биримдигинин өлкөлөрүндө жашаган тажик мигранттарынын ишмердүүлүгүн көзөмөлдөп, аларга барып, Ислам ибадаттарын токтотууну жана бийлик менен кызматташууга өтүүнү талап кылышууда. Маселен, Германияда тажик консулдугунун кызматкерлери тажик диаспорасы ачкан мечитке барып, уюштуруучулардын Тажикстандагы туугандарына оор кесепеттер болорун эскертип, мечитти жабууну талап кылышкан. Натыйжада диаспоранын жетекчилиги бул талапка баш ийүүгө аргасыз болгон.

Белгилей кетсек, Тажикстанда жоолук салынууга чектөөлөр киргизилген. 2024-жылы «улуттук баалуулуктарды» жана өлкөнүн секулярдык багытын коргоо жүйөсү менен «маданиятка жат» деп эсептелген кийимдерди, анын ичинде хижаб жана толук жабуучу кийимдерди (сатр) коомдук жайларда кийүүгө, ошондой эле аларды импорттоого жана сатууга тыюу салган мыйзам кабыл алынган.