Пайгамбарыбыздын мөөрү

Бисмиллаахи рахмаанир рахиим

Асыл хадис менен

Пайгамбарыбыздын мөөрү

Урматтуу бир туугандар “Асыл хадис менен” берүүбүздүн жаңы чыгарылышын жакшы салам менен баштайбыз. Аллахтын тынчтыгы, ырайымы жана берекеси сиздер менен болсун.

Бул тууралуу Сахих аль-Бухаринин шархы Ибн Хажар аль-Аскаланинин Фатх аль-Барисинде “илимдүү адамдардын илимди өлкөлөргө жеткирүүсү жана кат жазуусу” деген бөлүмдө айтылат.

حدثنا محمد بن مقاتل أبو الحسن المروزي أخبرنا عبد الله قال: أخبرنا شعبة عن قتادة عن أنس بن مالك قال: كتب النبي صلى الله عليه وسلم كتابا أو أراد أن يكتب فقيل له: إنهم لا يقرءون كتابا إلا مختوما، فاتخذ خاتما من فضة، نقشه محمد رسول الله كأني أنظر إلى بياضه في يده فقلت لقتادة: من قال نقشه محمد رسول الله؟ قال أنس.

Бизге Мухаммад ибн Мукаатил Абу аль-Хасан аль-Марвази Анас ибн Маликтен риваят кылды: Пайгамбар, ага Аллахтын салам-салаваттары болсун, кат жазган же жазууну ниет кылган учурда, ага мындай деп айтылды: Алар катты мөөр басылмайынча окушпайт. Ал күмүш шакек алып, ага “Мухаммад, Аллахтын элчиси” деп чегип жаздырды. Мен анын колундагы актыгын дээрлик көрүп турам. Ошентип, мен Катададан: Ким айтты, анда Мухаммад, Аллахтын элчиси деп чегилгенби? – деп сурадым. Ал: Анас, – деди.

Урматтуу бир туугандар:

Хадисте баса белгиленген жагдайлардын бири – бул биздин урматтуу элчибиз, ага Аллахтын салам-салаваты болсун, мамлекет башчысы катары кат жазгандыгы. Ал ошол учурда мамлекет башчыларына кайрылгысы келген, ошондуктан бул катта ошол өлкөдө бийликке ээ болгон жана чечим кабыл алган адамдын колу жана мөөрү болушу керек болчу. Ал элдин атынан сүйлөгөн, алардын кызыкчылыктарын караган жана башка өлкөлөр менен ушул кызыкчылыктардын негизинде мамиле түзгөн адам.

Эй мусулмандар:

Бүгүн силердин атыңардан ким сүйлөйт? Бүгүнкү өлкөлөр менен силердин кызыкчылыктарыңарга негизделген мамилени ким түзө алат? Ким каапыр элдерге кайрылып, “Исламга моюн сунгула, аман каласыңар” деп кат жаза алат? Ким силердин атыңардан өзүнүн сөздөрү жана мөөрү менен кол коё алат? Албетте, эч ким, анткени муну жасоого ыйгарым укуктуу жалгыз адам жок. Анткени муну кылууга ыйгарым укуктуу адам – бул силердин халифаңар, каапыр мамлекеттер тарабынан кулатылып, жогорку кызматынан түшүрүлгөн халифа. Ошондуктан, силер алардын дасторкондорунда жетим, сарайларынын босогосунда качкын, цивилизациясынын күкүмдөрүн сураган кайырчы болуп калдыңар. Алар силерге буйрук беришет, силер баш иесиңер, алар силерди өлтүрүшөт, силер болсо унчукпай турасыңар. Ошондуктан, эй мусулмандар, силердин атыңардан сүйлөп, силер үчүн жеңишке жеткен халифаны калыбына келтирүү үчүн чын жүрөктөн эмгектенгендер менен бирге иштегиле.

Оо, Аллахым, бизге мусулмандарды бириктирип, азап-тозоктон арылтуучу, пайгамбарлык үлгүгө ээрчиген туура жолду көрсөткөн халифалыкты курууну тездет. Оо, Аллахым, жер жүзүн Өзүңдүн даңазалуу жүзүңдүн нуру менен жарык кыл.

Аллах буйруса, келерки “Асыл хадис менен” берүүбүздөн жолугушканга чейин сиздерди Аллахтын камкордугуна, коргоосуна жана коопсуздугуна калтырабыз. Сиздерге Аллахтын тынчтыгы, ырайымы жана берекеси  болсун.

1448-х, 7-жумаадил уула.

2026-ж, 18–октябрь.