Давра суҳбати анжумани ва шу турдаги бошқа йиғилишлар саҳродаги сароб кабидир: чанқаган одам уни сув деб ўйлайди

بِسْمِ اللهِ الرَّحْمٰنِ الرَّحِيمِ

Давра суҳбати анжумани ва шу турдаги бошқа йиғилишлар саҳродаги сароб кабидир: чанқаган одам уни сув деб ўйлайди

2025 йил 11 сентябр куни Истанбулнинг тарихий Чираған саройида «Ғазо ва муқаддасотлар масаласига бағишланган халқаро давра суҳбати» бошланди. Анжуманда жаҳоннинг 20 га яқин мамлакатидаги диний, сиёсий ва фикрий раҳбарлар кенг тарзда иштирок этиб, тадбирга ҳақиқий халқаро тус берди. Туркия номидан «Ҳидоят» партияси раиси Закария Япижиўғли, Янги «Рафоҳ» партияси раиси Фотиҳ Эрбакан, Дин ишлари бошқармаси раиси Али Эрбаш ҳамда йирик уламолар ва мутафаккирлар иштирок этдилар.

Конференциянинг биринчи куни учта асосий йўналишга бағишланди: Иброҳим келишувларини қайта кўриб чиқиш ва ҳақиқий «Иброҳимий ҳамкорлик»ни йўлга қўйишга даъват, Масжидул-Ақсо ҳамда Масжидул-Иброҳимийни ҳимоя қилиш, шунингдек, Ғазода кескинлашиб бораётган гуманитар вазиятни муҳокама қилиш. Чиқишларда яҳудий вужудининг бузғунчиликлари очиқ баён этилди ҳамда халқаро ҳамжиҳатликни мустаҳкамлашга даъват этилди. Шу билан бирга, АҚШ яҳудий вужудига сиёсий соябон бўлиб тургани учун жавобгарликка тортилиши зарурлиги қайд этилди ва тажовузни тўхтатиш мақсадида БМТнинг фаол аралашувига чақириқ йўлланди.

Анжуманда иштирок этганлар Фаластиндаги фожиа инсоний қадриятларга жиддий таҳдид солаётганини таъкидлаб, фақат оғзаки норозилик билдириш даври тугаганини кескин ифода этдилар. Улар муқаддас масканларни муҳофаза қилишга, Қуддус ва Халилнинг тарихий ҳамда маънавий ўзлигини асраб қолишга, ишғолни тугатишга ва халқаро қарорлар ҳамда Араб тинчлик ташаббусига мувофиқ мустақил Фаластин давлатини барпо этишга чақирдилар. Иштирокчилар халқаро ҳамжамиятнинг сукути инқирозни янада чуқурлаштираётганини урғуладилар. Уларнинг қайд этишича, тажовузнинг давом этиши ва аниқ сиёсий муносабатнинг йўқлиги фуқаролар азобини тобора оғирлаштирмоқда. Шу билан бирга, яҳудий вужуди сиёсатига қарши чиққан яҳудийлар овози мавжудлиги ҳам алоҳида эътироф этилди.

Шайх аллома Тақийюддин Набаҳонийнинг «Ислом давлати» китобида қуйидаги сўзлар келган:

(Мустамлакачилар мусулмонларни давлат ҳақидаги фикрлардан чалғитиш мақсадида уларни арзимас ишлар билан банд этди. Шу боис Умматни исломий даъватдан ҳамда Исломий давлат соясида исломий ҳаётни қайта бошлаш йўлидаги ҳақиқий фаолиятдан буриб қўйиш мақсадида «исломий конференциялар»ни қўллаб-қувватлади. Бу конференциялар эса фақатгина туйғуларни қисман тинчлантириш воситаси сифатида хизмат қилиб, амалга оширилмайдиган қарорларни қабул қилиш ва уларни фақат матбуот ҳамда радио орқали тарқатиш билан чекланар, ҳатто уларни ижро этиш йўлида бирор саъй-ҳаракат ҳам амалга оширилмас эди).

Бу турдаги конференциялар давра суҳбати шаклидаги заиф мавқега эга йиғилишлар сифатида қолмоқда. Улар ҳануз нафис безакка бурканган нутқлар доирасида айланиб, ортидан яҳудий ҳукмронлигини илдизидан қирқадиган ҳақиқий ва қатъий амалий ҳаракатлар амалга оширилмаяпти. Шунинг учун бу каби саъй-ҳаракатлар ҳеч қандай натижа бермайди. Аксинча, Уммат кўксига экиб қўйилган саратонга ўхшаш ўша жирканч вужуднинг манфаатига хизмат қилади.

Ғазога қарши яҳудий вужуди олиб бораётган ваҳшиёна уруш ҳамда унинг куну-тун тўхтовсиз давом этаётган тажовузи масаласида бу «давра суҳбати» яна бир бор қоралаш ва норозилик билдириш, шунингдек, халқаро тизимни аралашишга чақириш билан чекланди. Гўё яҳудий вужуди ва унинг ортида турган Америка уларнинг қоралашларига ёки бу фарёдларига аҳамият бераётгандек! Шундай қилиб, улар гўё танклар, самолётлар ва ракеталардан иборат ҳарбий машиналарга зайтун новдалари (тинчлик рамзи) билан қарши чиққан одамларга ўхшаб қолдилар. Бу эса яҳудийларга жиноятлар, бомбардимонлар ва вайронагарчиликларни бемалол давом эттиринг, чунки сизларга қарши кўриладиган чора фақат қоралаш ва норозилик билдириш билан чекланади, деган очиқ сигнал эди.

Бу йиғилишнинг зерикарли ва одатий бир тадбир экани, мусулмонлар ва уларнинг масалаларини қўллаб-қувватлаш йўлида ҳеч қандай янгилик таклиф этмагани яққол намоён бўлди. Аслида эса, улардан бундан бошқасини кутиш ҳам мумкин эмас эди.

Умматни ва унинг армияларини мусулмонлар фожиалари ҳамда яҳудий вужуди тажовузига чек қўйиш йўлида ҳаракатга келишдан тўсиб турганлар айнан шу ҳукмдорлардир. Уларнинг ортида эса мустамлакачи кофир Ғарбнинг арқонлари турибди. Айтиш мумкинки, бу конференция яҳудий вужуди ҳаётини узайтириб турган яна бир арқон вазифасини ўтамоқда. Ҳар бир онгли ва фаросатли инсонга сир эмаски, бу ҳукмдорлар мустамлакачиликнинг бизнинг юртлардаги асосий таянчидир. Агар улар бўлмаганида, Уммат ўз душманларини мағлуб этиб, юртларини озод қилган ва Парвардигорининг шариати остида азиз ва мукаррам ҳаёт кечирган бўлар эди. Шу боис биз Умматни хорлик, бўлиниш ва заифликдан қутулиш ҳамда Пайғамбарлик минҳожи асосидаги рошид Халифаликни барпо этиш учун биз билан бирга ҳаракат қилишга чақирамиз. Зеро, Халифалик давлатида азизлик ва ғалабага эришамиз.

Халифалик қулатилганидан кейин Умматнинг аҳволи бутунлай ўзгарди. Бу ўзгариш фақат турмуш тарзи ёки халқаро муносабатлардагина эмас, балки ҳаётий ва долзарб масалаларга муносабат услубида ҳам яққол намоён бўлди. Ўтмишда мусулмонларнинг муносабати ифтихор ва қадр-қимматга тўла бўлиб, душманларни ларзага солар эди. Ҳатто бошқа халқлар ҳам мусулмонларнинг қудрат ва шижоатидан қўрқарди. Мусулмонлар эса энг заиф ҳолатларида ҳам зулмга сукут сақламас эдилар. Шу сабабли ўша даврда мусулмонга қарши содир этилган ҳар қандай тажовузга жавобан улкан армиялар ҳаракатга келар эди. Чунки ўша замоннинг тушунчаси аниқ эди: мусулмонларнинг уруши ҳам ягона, тинчлиги ҳам ягона бўлиб, амаллари ҳам шу бирликка мувофиқ йўналтирилар эди.

Бугун эса вазият бутунлай тескари: Биз белимиз эгилиб қолган ҳолатдамиз, барча бизни минишга уринмоқда. Барча тажовузларга нисбатан жавобимиздаги заифлик очиқ ва тўлиқ кўзга ташланмоқда. «Давра суҳбати» яна фақат қораловчи баёнотлар билан чекланди. Ҳолбуки, тўкилган қон ва парчаланган жасадлар манзараси ҳеч қандай жиддий ҳаракатга туртки бермади. Ҳатто қатлиомлар давом этаётган бир пайтда раҳбарлар йиғилиб, бир-бирини мадҳ этиш билан банд бўлдилар.

Умматнинг иззатини тортиб олган ушбу хор тўда қайта-қайта йиғилар экан, уларнинг баёнотлари учун олдиндан қатъий чегара қўйилган: қораланг, норозилик билдиринг, бу синонимлар доирасида истаганингизни айтаверинг, аммо ҳеч қачон мардлар қиладиган ҳақиқий амалга ўтманг. Бу ҳукмдорлар ўнлаб йиллар давомида тажрибадан ўтган бўлиб, бундан ортиғини амалга оширишга қодир эмасликларини яққол намоён қилдилар.

Ҳақиқий азизлик вакилдан ҳам, ёлланма ишчидан ҳам келмайди. Аксинча, юзини Аллоҳга итоат билан буриб, Унинг амрларига қатъий амал қилган ва Аллоҳ рози бўлган низомга эргашганлардан келади. Бундай азизлик бегона ёки паразит секуляр ғоялардан эмас, балки раббоний мабдаий ғоядан балқиб чиқади.

Содир бўлган ва ҳануз давом этаётган тажовуз ҳамда ҳужумларни на бу йиғилганлар, на улар билан бирга «олий мартабали» деб аталувчи мансабдорлар тўхтата олади. Чунки улар ҳақиқий азизлик маъносидан мутлақо маҳрум кимсалардир.

Бу хорлик, пасткашлик ва мутеликни фақат тахтларни ағдариб, Аллоҳнинг ҳукми асосида ҳукм юритадиган ҳукмдор – Пайғамбарлик минҳожи асосидаги рошид халифага байъат орқали бартараф этиш мумкин. Ана шундай халифа армияларни ҳаракатга келтириб, душманнинг зирҳларини синдиради ва тажовузкорларни ҳақ ҳукмига бўйсундириб қўяди. Аллоҳнинг иродаси билан бу воқеа яқин вақт ичида рўёбга чиқиши шубҳасиз.

Роя газетасининг 2025 йил 24 сентябр, чоршанба кунги 566-сонидан