Суданда очарчилик кучаймоқда
Суданда очарчилик кучаймоқда
БМТ Суданда очарчилик юзага келганини эълон қилди. БМТнинг янги ҳисоботида айтилишича, Суданнинг Ал-Фашир ва Кадугли шаҳарларида Тезкор Ёрдамчи Кучлар шаҳарни эгаллаб олганидан кейин очарчилик бошланган. Ал-Фашир 18 ойлик қамалдан сўнг Тезкор Ёрдамчи Кучлар томонидан босиб олиниб, тинч аҳоли қирғин қилинган ва уй-жойлар вайрон қилиниб, аёллар зўрланган. БМТнинг маълумотларига кўра, Судан ҳозирда дунёдаги энг оғир гуманитар ва озиқ-овқат инқирозини бошдан кечирмоқда. 14 миллион киши ўз уйларини ташлаб кетишга мажбур бўлган ва минглаб тинч аҳоли ўлдирилган.
БУРАНА: Суданда дунёни ларзага солган ва қалбларни титратган ачинарли воқеалар содир бўлмоқда. Бироқ буюк давлатлар “яшил чироқ” ёқиб бермаса бундай воқеалар, айниқса, оммавий қирғинлар содир бўлмайди. Судандаги қирғинлар ва азоб-уқубатларда Американинг ифлос қўли борлиги кундек равшан. Бошқача айтганда, Америка Суданни парчалаб, ҳокимиятга ўзининг ишончли малайларини олиб келишга ҳаракат қилмоқда.
