Яҳудий вужудининг Қатарга ҳужуми Аллоҳнинг каломи ҳақлигини яна бир бор исботлади!
Яҳудий вужудининг Қатарга ҳужуми Аллоҳнинг каломи ҳақлигини яна бир бор исботлади!
وَلَنْ تَرْضَى عَنْكَ الْيَهُودُ وَلَا النَّصَارَى حَتَّى تَتَّبِعَ مِلَّتَهُمْ
“Яҳудий ва насронийлар уларнинг динига кирмагунингизча ҳаргиз сиздан рози бўлмайдилар”. (Бақара, 120).
2025 йил 10 сентябрь, чоршанба куни яҳудий вужуди ўзининг зулмкор ва узлуксиз босқинчилигини кучайтириб, Ғазодаги қирғинлар, ҳибсга олишлар ва зўравонликларни тўхтатиш бўйича музокара олиб бораётган Хамас ҳаракатининг вакилларига ҳужум қилди. Бу ҳужум Қатар пойтахти Доҳада амалга оширилди.
Изоҳ:
Бу ҳарбий амалиётнинг бошқа ҳужумлардан ёки мусулмон улкаларига давомли уюштирилаётган бомбардимонлардан фарқи йўқ. Шунингдек бу Уммат шаънига қарши қилинаётган ёлғон даъволарни, яъни “нормаллаштириш” ёки “келишув”лар мусулмонлар қонини сақлаб қолади, деган ёлғонни фош қилди. Дарҳақиқат, ҳукмдорлари Ғарбга малай бўлган Исломий ўлкаларда мусулмонларнинг қонлари тўкилмоқда. “Садоқат” шиорини кўтарган Форс кўрфази давлатларининг ҳукмдорлари бўлсин ёки “душманлик” шиорини кўтараётган Эрон ҳукмдорлари ва уларнинг тарафдорлари бўлсин, ҳеч фарқи йўқ.
Эй Ислом уммати! Яҳудий вужуди Қатарда (яъни, “юмшоқ воситачилик” ниқоби остида бузуқ ахборот воситалари билан Умматни заҳарлайдиган ва мусулмонларнинг пулларини Америка ва унинг ортидаги яҳудий вужудига хизмат қилиш учун сарфлайдиган давлатда) “Ҳамас” етакчиларини ўлдиришга ҳаракат қилди. Бу вужуд аввал ҳам уларни Эронда (яъни, сунъий душманчилик қилиб, кейин ўз манфаати учун ундан воз кечган давлатда) нишонга олган эди. Бинобарин, бу режимлар ва миллий тузилмаларнинг барчаси Аллоҳга, Расулига ва мўминларга хиёнат қилувчилардир. Уларнинг барчаси босқинчиларнинг ҳамтовоғларидир.
Аллоҳ Таоло айтади:
أَفَمَنْ أَسَّسَ بُنْيَانَهُ عَلَى تَقْوَى مِنَ اللَّهِ وَرِضْوَانٍ خَيْرٌ أَمْ مَنْ أَسَّسَ بُنْيَانَهُ عَلَى شَفَا جُرُفٍ هَارٍ فَانْهَارَ بِهِ فِي نَارِ جَهَنَّمَ
“Бас, бу биноларини Аллоҳдан қўрқиш ва Унинг ризолиги асосига қурган киши яхшироқми ёки биноларига емирилаётган жар ёқасини асос қилиб олиб, шу сабабли ўзи ҳам жаҳаннам ўтига қулаган кимсами?!” (Тавба: 109).
Сизлар Ғарб белгилаб берган байроқлар, чегаралар ва Аллоҳнинг ҳукмига қарши бўлган конституцияларни асраб-авайлаш йўлида жонларингизни фидо қилишингиз учун бу тоғут режимлар ўзларининг оммавий ахборот воситалари, мактаб ва университетлари орқали ўн йиллар давомида Ғарбнинг рамзларини азиз ва муқаддас деб қалбларингизга ўрнаштириб қўйди. Лекин улар Ғарб манфаатларини ўз динидан ҳам, умматидан ҳам устун қўювчи кимсалардан бошқа ҳеч ким эмас.
Жамиятлар ўз аҳволларини ўзлари ўзгартирмагунча, Аллоҳ уларнинг аҳволини ўзгартирмайди. Шундай экан, қалбингиздаги ва онгингиздаги фикрларни ўзгартиринг ва динни ҳақиқий ўзгартириш тариқатига кўра барпо этиш учун чин ихлос билан ҳаракат қилаётган мўминлар билан бирга ҳаракат қилинг. Шунда Аллоҳ сизнинг ҳолатингизни ўзгартиради.
Эй азиз Уммат фарзандлари! Динини дунёси эвзига сотган ҳукмдорлардан, сизларни бўлиб ташлаган миллатчиликдан ва картон чегаралардан зафар кутманг. Ҳақиқий зафар бу золим режимларни рад этиб, хоин сиёсий доирани бутунлай ўзгартириш ва ҳақиқий ўзгартиришларни амалга ошириш, яъни Халифалик давлатини барпо этиш билан бўлади. У Исломни реал ҳаётга татбиқ этувчи муассаса бўлиб, фасод ва зулмни бартараф этади, сизларни “Ла илаҳа иллаллоҳ, Муҳаммадур-Расулуллоҳ” шиори остида бирлаштириб, юртингизни мустамлакачилар ва уларнинг малайларидан озод қилади. У ер юзида Аллоҳнинг шариатини ўрнатиб бандаларни инсонларга қуллик қилишдан Роббисига қуллик қилишга олиб чиқади. Шунда бу дунёда ҳамма учун осойишталик бўлади. Чунки ҳозирги тузум одамларни зулм ва мустабидликка дучор қилиб, хор қилди, ҳалокатга етаклади, Аллоҳдан буриб, ўзларининг истак-хоҳишларига қул қилиб қўйди.
وَلَيَنْصُرَنَّ اللَّهُ مَنْ يَنْصُرُهُ إِنَّ اللَّهَ لَقَوِيٌّ عَزِيزٌ
“Албатта Аллоҳ Ўзига (яъни динига) ёрдам берадиган зотларни ғолиб қилур. Шубҳасиз Аллоҳ кучли, қудратлидир”. (Ҳаж: 40).
Ҳизб ут-Таҳрирнинг марказий матбуот бўлими радиоси
