Америка ўт билан ўйнашмоқда
Америка ўт билан ўйнашмоқда
АҚШ президенти Доналд Трамп Эрондаги ҳарбий амалиётларни тўхтатиш мақсадида жиддий музокаралар олиб борилаётганини маълум қилди. У мазкур музокаралар «янги режим» билан олиб борилаётганини таъкидлар экан, бу борада салмоқли ютуқларга эришилганини қайд этди. Шунингдек, у агар яқин орада кўзланган келишув амалга ошмаса ва Ҳурмуз бўғози денгиз қатнови учун зудлик билан очилмаса, у ҳолда Вашингтон Эроннинг энергия ва сув инфратузилмасини буткул йўқ қилишини қўшимча қилди. (RT, 30.03.2026).
Изоҳ:
Америка мусулмонлар тақдирини қанчалик даражада ўз измига солиб олди?! У ҳеч иккиланмай, ўз ерида туриб мусулмон ўлкаларига зарба бермоқда. Ҳатто ўз учоқларини учиришда уларнинг нефтидан фойдаланмоқда. Энг ажабланарлиси — мусулмонлар ўзларига қарши берилаётган зарбаларда унга кўмак бермоқда! Бундан ҳам ажабланарлиси, Эрон Американинг Ироқ ва Афғонистонни босиб олиши ва у ерда мустаҳкам ўрнашиб олишига энг кўп ёрдам берган режимлардан биридир! Бу ҳақда Эрон расмийлари, жумладан, собиқ президент Аҳмадийнажод ҳам очиқ-ойдин айтиб ўтган эди.
Шу ўринда савол туғилади: бу Американинг улкан муваффақиятими ёки ҳукмдорларнинг мутлақ итоаткорлигими? Биз буларнинг қаторидан Эрон ҳукмдорларини мустасно қилмаймиз. Чунки Эрон ҳукмдорлари ҳам шу кунгача АҚШга итоат қилиб келгани ҳеч кимга сир эмас, фақат бугунга келиб, вазият ўзгарди холос. Америка истаган вақтида вазиятни тескари томонга ўзгартириб қўйиши мумкин. Буни бир неча ой аввал Суриядаги курдларнинг “КСД” ташкилоти билан боғлиқ воқеликда кўрдик. Ўшанда Америка вакили Том Барак: “КСД”нинг роли тугади, бугун Америка Сурия ҳукуматига таянади», — дея баёнот берди.
Худди шундай ҳолат Эрон билан ҳам такрорланмоқда. Америка яҳудий вужудининг устуворлигини таъминлаш учун Эроннинг минтақавий таъсирига нуқта қўйишни истаб қолди. Шу сабабли унинг ядровий ва ракета дастурларини тўхтатиш заруратга айланди. Бироқ хаёлни паришон қилувчи савол ҳамон жавобсиз қолмоқда: қандай қилиб бу ҳукмдорлар ўз мамлакатларининг асосларини ва мустақиллигини «Американи қўллаш» деган пуч хаёл учун осонгина қурбон қилиши мумкин? Ваҳоланки, агар уммат ўз ҳукмдорини чин дилдан қўллаб-қувватласа, ер юзидаги ҳеч қандай куч унга зарар етказа олмайди.
Шунинг учун Ислом Уммати бошқарув тизгини аслида ўз қўлида эканини, бу қўғирчоқ ҳукмдорларни тахтдан улоқтириб, бошқарувни ўз қўлига олиши кераклигини ва Аллоҳ нозил қилган Шариат билан ҳукм юритадиган раҳбарни тайинлаши лозимлигини англаб етмоғи лозим. Ана ўшандагина у ақида асосида бирлашиб, ўз кучи ва ҳарбий салоҳияти билан Ислом душманларини хонавайрон қилувчи тўфонга айланади. Ана шунда Трамп кабилар аҳолиси Европанинг чорак қисмига ёки Американинг учдан бирига тенг келадиган Эрон каби қадимий давлатга таҳдид қилишга ботинолмай қолади! Шундай экан, мусулмонлар ўзларини бузғунчилик билан бошқараётган ҳамда душманни ўз ерларига бошлаб кириб, ҳеч қандай аҳд ва масъулиятни ҳисобга олмай, ўз халқига зарба бераётган хоинларни таниб олишлари лозим!
Билол Ат-Тамимий
