АҚШнинг Украина бўйича режаси Киевни жидий чекинишга мажбур қилади

АҚШнинг Украина бўйича режаси Киевни жидий чекинишга мажбур қилади

Хабар:

АҚШ Украина учун янги тинчлик режасини тақдим этди. Бу режа Украинадан Россия босиб олган ҳудуддан воз кечишни ва армиясини ярмидан кўпини қисқартиришни талаб қилади. Бу ҳақида мазкур режа билан таниш бўлган юқори лавозимли амалдор чоршанба куни Франс Пресс агентлигига маълум қилди.

Исми сир қолишини сўраган манбанинг таъкидлашича, таклиф қилинган лойиҳа Қрим ярим ороли ва Россия назорати остидаги бошқа ҳудудлар тан олинишини, шунингдек Украина армиясининг сонини 400 мингтагача камайтиришни ўз ичига олади.

Украина президенти Владимир Зеленский эса, уч ярим йилдан ортиқ давом этиб келаётган Россия билан урушни тугатиш учун АҚШнинг бошчилиги кучли ва самарали бўлиб қолиши кераклигини билдирди.

Зеленский Туркия президенти оажаб Тоййиб Эрдуғон билан Анқарадаги музокараларидан сўнг ўзининг Телеграм каналида шундай деб ёзди: «Қон тўкилишини тўхтатиш ва узоқ муддатли тинчликка эришишнинг калити барча шерикларимиз билан мувофиқлаштирилган ҳолда ишлаш ва АҚШ бошчилигининг самарали ва кучли бўлиб қолишидир».

Зеленскийнинг қўшимча қилишича, Америка ва унинг президенти Доналд Трамп «урушни бутунлай тугатиш учун етарли кучга эга бўлган ягона тарафдир».

Изоҳ:

Инсонда тўрт хил қиймат бор: руҳий қиймат, инсоний қиймат, моддий қиймат ва ахлоқий қиймат. Ислом глобал рисолат бўлиб, инсонга – инсон сифатида қарайди ва бу қийматларнинг барчасини рўёбга чиқариш ҳақида бош қотиради. У бу қийматлар ўртасини ажратмайди, балки мусулмондан ўз ишини бажарар экан, Аллоҳ билан алоқасини идрок қилишини талаб қилади.

Юқоридаги келтирилган хабарлардаги диққатга сазовор жиҳат – Туркия Президенти Эрдоғаннинг урушни тугатиш учун воситачи сифатида аралашувидир. Маълумки, Туркия АКШнинг сиёсий орбитасида айланади ва дунёдаги саккизинчи энг кучли армиясига эга бўлишига қарамай, унга хизмат қилишга интилади. Аслида бу армиянинг ақидаси уни ҳарбий жиҳатдан Аллоҳ йўлида жиҳод қилишга ва икки яхшиликдан бири: ё ғалаба ёки шаҳидликка эришишга ундаши керак эди. Бироқ, Эрдоған икки йил мобайнида яҳудий вужудининг қирғинларига дучор бўлган Ғазодаги мусулмонларга ёрдам бериш учун бу армияни ҳаракатга келтирмади. У фақат бақир-чақир қилиб, халқнинг ҳис-туйғуларини тинчлантирадиган оммавий митингларга раҳбарлик қилиш билан чекланди.

Ғазодан олдин ҳам Сурия халқи Россиянинг ҳаво ҳужумларига ва жиноятчи Башар Асаднинг қирғинларига дучор бўлган эди. Шунда ҳам у «Ҳама қирғини такрорланишига йўл қўймаймиз» каби қуруқ сўзлар билан кифояланган эди. Эрдоған инқилоб раҳбарларини Сочи, Женева ва Остонадаги учрашувларга ҳамда бир қатор конференцияларга олиб борди ва инқилобий гуруҳлар ўртасида тўқнашувларни кучайтирди. Ниҳоят, АҚШнинг режаси самара бериб, Ҳайъат Таҳрир уш-Шам ҳаракати саҳнада ёлғиз ўзи ҳукмрон кучга айланди, у Дамашқ назоратини қўлга киритиши билан, Башар Асад қочиб кетди. Унинг ўрнига -Жулоний келди ва уруш ниҳоясига етди. Шундай қилиб, миллионлаган шаҳидлар, сон-саноқсиз муҳожирлар, вайрон бўлган уй-жойлар ва топталган номуслар каби Сурия халқи томонидан берилган қурбонликлар беҳуда зое кетишига сабаб бўлди.

Шунинг учун куч ва имкрниятларга эга бўлган мусулмон армияларга мурожаат қилиш зарур. “Исломга қайтинг! Қуръон ва Суннатга қайтинг! Умматингизга ёрдам беринг! Пайғамбарлик минҳожи асосида Халифалик давлатини барпо этиш учун ҳаракат қилаётган холис мусулмонларга қўлларингизни чўзинг. Халифалик давлати Фаластинни ва бошқа барча Исломий ерларни озод қилади, Судан ва бошқа жойлардаги маъносиз урушларга чек қўяди, инсониятни очиқ йиртқич капитализм зулматидан Ислом адолатига олиб чиқади. Сўнг улар Аллоҳнинг динига тўп-тўп бўлиб кирадилар”.

Аллоҳ Таоло айтади:

﴿إِذَا جَاء نَصْرُ اللَّهِ وَالْفَتْحُ ۝ وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا ۝ فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا﴾.

“(Эй Муҳаммад), қачон Аллоҳнинг ёрдами ва ғалаба келса ва одамлар тўп-тўп бўлишиб, Аллоҳнинг дини (Ислом)га кираётганларини кўрсангиз, дарҳол Парвардигорингизга ҳамд айтиш билан (У зотни ҳар қандай «шерик»лардан) покланг ва У зотдан мағфират сўранг! Зеро У тавбаларни қабул қилгувчи бўлган зотдир». (Ан-Наср: 1-3)