Бугун Рамазон ойининг Ҳилоли кузатилмоқда
Бугун Рамазон ойининг Ҳилоли кузатилмоқда
Бу йил 17 феврал Шаъбон ойининг 29 кунига тўғри келмоқда. Шунинг учун, бугун Шом вақтидан кейин, Рамазоннинг ҳилоли кузатилади. Агар янги ой кўриниши шаръий тасдиғини топса, 18 феврал муборак Рамазон ойининг биринчи куни бўлади. Бироқ, агар янги ой кўринмаса ёки ой кўриниши шаръий тасдиғини топмаса, Шаъбон ойининг саноғини тўла ўттиз кун қилиниб, эртаси 19 феврал куни Рамазоннинг биринчи куни бўлади.
Бухорий бу ҳадисни ўзининг «Саҳиҳ» китобида Муҳаммад ибн Зиёд розияллоҳу анҳудан ривоят қилган ҳадисда Муҳаммад ибн Зиёд шундай дедилар: Мен Абу Ҳурайра розияллоҳу анҳунинг шундай деганини эшитганман: Пайғамбар ﷺ:
«صُومُوا لِرُؤْيَتِهِ وَأَفْطِرُوا لِرُؤْيَتِهِ فَإِنْ غُبِّيَ عَلَيْكُمْ فَأَكْمِلُوا عِدَّةَ شَعْبَانَ ثَلاَثِينَ»
«Ойни кўриб рўзани бошланглар, ойни кўриб рўзани тугатинглар. Агар ҳаво булут бўлса, шаъбон ойининг саноғини тўла ўттиз кун қилинглар», дедилар.
Ибн Аббос розияллоҳу анҳудан ривоят қилган ҳадисда Пайғамбаримиз ﷺ шундай дедилар: «Ойни кўриб рўзани бошланглар, ойни кўриб рўзани тугатинглар. Агар ҳаво булут бўлса, шаъбон ойининг саноғини тўла ўттиз кун қилинглар».
Маълумки, қамарий тақвимга кўра, баъзи ойлар 29 кунда кўринса, айримлари 30 кунида кўринади. Шунинг учун, тугаб бораётган ушбу Шаъбон ойи ҳам 29 кунда ёки 30 кунда кўриниши мумкин. Шу сабабли, бу кун «шубҳа куни» деб аталади. Бу йил 29 шаъбон 17 феврал кунига тўғри келмоқда. Шунинг учун, бугун кечқурун мусулмонлар Рамазоннинг янги ойини (ҳилолини) кузатишлари шарт. Шунинг учун имконияти бор мусулмонлар бу кунда ойни кузатишлари керак. Эслатиб ўтамиз, ойнинг кўрилганлиги ҳақидаги хабар фақат солиҳ (фосиқ бўлмаган) мусулмондан қабул қилинади.
Агар биз ўз мамлакатимизда ойни кўра олмасак, дунёнинг бошқа бурчакларидан ой кўрилганлиги ҳақидаги хабарни кутамиз. Агар бирор мамлакатда бир солиҳ мусулмоннинг ойни кўргани шаръий тасдиқланса, биз учун ҳам рўза бошланади. Бироқ, агар бундай хабар келмаса, биз Шабон ойининг саноғини тўла ўттиз кун қиламиз.
Бурана
