Венесуэладан кейин Гренландиями?
Венесуэладан кейин Гренландиями?
АҚШ президенти Гренландия ҳақида яна сўз юритиб, у АҚШ учун муҳим аҳамиятга эгалигини таъкидлади. Айни пайтда, Оқ уй Доналд Трампнинг Венесуэла президенти Николас Мадурони ўғирлашда иштирок этган аскарлар билан тушган суратини эълон қилди.
«Бизга Гренландия жуда керак, албатта, у мудофаа учун зарурдир», деди АҚШ президенти. Унинг сўзларига кўра, орол Россия ва Хитой кемалари билан ўралган.
Шунингдек у Вашингтоннинг аралашуви Венесуэла билан чекланиб қолмаслигини таъкидлаб, Венесуэланинг янги раҳбари Делси Родригесга, Мадурога нисбатан қўлланган чоралардан ҳам қаттиқроқ чоралар кўрилиши мумкинлиги ҳақида огоҳлантирди.
Трампнинг Гренландия ҳақидаги баёнотига жавобан Дания расмийлари Оқ уй раҳбаридан Гренландияга таҳдид қилишни бас қилишни талаб қилди. Бош вазир Метте Фредериксен АҚШнинг Дания Қироллиги таркибига кирувчи ҳудудларни аннексия қилиш ҳуқуқига эга эмаслигини таъкидлади.
Изоҳ:
Халқаро нормалар, халқаро ҳуқуқ, суверенитет, деган нарсалар АҚШнинг кескин ҳаракатлари туфайли йўққа чиққани ўз тасдиғини топмоқда. Қарор фақат кучлиларнинг қўлида эканлиги аён бўлиб қолди.
Демак, иккинчи жаҳон урушидан кейин қўйилган халқаро нормалар ва халқаро ҳуқуқ бугунги кунда мустамлакачи давлатларнинг мустамлакачилик манфаатларига жавоб бермай қолди. АҚШнинг Ироқ ва Афғонистонга бостириб кириши ҳам айнан шу тарзда бошланган эди. Бу вазият АҚШ бошчилигидаги Ғарб учун на мамлакатлар суверенитети, на ҳалок бўлганлар ҳаёти ва на инсон ҳуқуқлари бир тийинга арзимаслигини кўрсатмоқда. Улар фақат ўз манфаатлари ҳақида қайғуриши аниқ кўриниб қолди.
Шундай экан, халқаро вазиятдаги бундай беқарорлик сунъий чегараларни бузиб ташлаш ва Халифалик қалқони остида бирлашиш учун Ислом Уммага берилган олтин фурсатдир, десак муболаға бўлмайди!
Ҳорун Абдулҳақ
