Трампнинг миллий хавфсизлик стратегияси ва унинг Ислом Умматига таъсири

Трампнинг миллий хавфсизлик стратегияси ва унинг Ислом Умматига таъсири

Хабар:

2025 йил 5 декабр куни эълон қилинган АҚШ Миллий Хавфсизлик Стратегиясида Хитой билан савдо мувозанатини сақлашга ва Тайванга бостириб киришнинг олдини олишга чақирилди. Бироқ, бу янги стратегия 2022 йил Жо Байден президентлиги даврида эълон қилинган аввалги стратегиядан фарқли ўлароқ, асосий эътиборни Хитойга қаратмади, шунингдек Пекин билан рақобатни АҚШ учун энг катта чақириқ сифатида ҳам белгиламади. (Ал-Жазира).

Изоҳ:

Трампнинг стратегияси ўзини халқаро майдонда ўзгача, ягона устун куч сифатида намоён қилишга, дунё халқлари ва уларнинг бойликлари устидан ҳукмронлик қилишга ва ушбу стратегияни амалга ошириш учун турли усуллардан фойдаланишга қаратилган. Халқаро мавқедаги «худбинлик» («Аввало Америка») тушунчасидан келиб чиққан стратегияси унинг Фаластин ва Украина масалаларига ёндашувида яққол кўриниб турибди.

Америка Трамп даврида Фаластин масаласида ўз нуқтаи назарини дунёга эълон қилар экан, халқаро барча томонларнинг ролини, шу жумладан Ислом Уммати ва Фаластин халқи ролини ҳам эътиборсиз қолдирди, ҳеч ким билан маслаҳатлашмади. Бу масалада иштирокчиларнинг роли Трамп томонидан белгиланган режанинг ижрочилари бўлиш билан чекланди.

АҚШ Украина масаласида урушни Америка кўз қарашига мувофиқ тугатиш ва Украинадаги ўз манфаатларини рўёбга чиқариш устида Россия билан музокаралар олиб борди. У буни Европа билан ҳам, Украина билан ҳам мувофиқлаштирмасдан амалга оширди. Зеленскийни Трампнинг фикрига қарши чиққани учун Трамп уни қаттиқ танқид қилди ва кейин уни АҚШ юклаган нарсага рози бўлишга мажбур қилди.

АҚШнинг дунё халқлари ва уларнинг бойликлари устидан ҳукмронлик қилиш ғояси Ислом мамлакатларидаги золим ва диктатура режимларни қўллаб-қувватлаш ва мустаҳкамлаш сиёсати орқали аниқ намоён бўлади. Ислом Умматини доим босим остида ушлаб туриш, унинг эркин нафас олишига йўл қўймаслик ҳамда унинг Ғарб мустамлакачилигидан озод бўлишига ва Пайғамбаримиз ﷺ минҳожи асосида Халифалик давлатини барпо этишига йўл қўймаслик учун шундай қилинмоқда. Трампнинг нефт ва турли бойликларга эга бўлган мамлакатларга вақти-вақти билан уюштирган «салиб юришлари» ва у ерлардан олтин қопларини елкалаб ўлкасига қайтиши, унинг Исломий ўлкалар бойликлари устидан ҳукмронлигининг рамзий намунасига айланди. Мудофаа вазирлигининг номини «Уруш вазирлиги» деб ўзгартириш эса Трампнинг иккинчи муддатдаги «қамчи сиёсати»нинг натижасидир.

АҚШнинг янги хавфсизлик стратегияси Байден даврида Хитойни жиловлаш ва чеклаш сиёсатидан сезиларли фарқ қилади. Ҳозирда асосий эътибор Исломга ҳамда Ислом Умматининг қалбида жойлашган минтақага, яъни Яқин Шарқ минтақасига қаратилмоқда. Стратегиянинг 28 саҳифасида шундай дейилади: «Яқин Шарқдаги ҳамкорларимиз радикал илдизларни йўқ қилиш истагини билдиришмоқда. АҚШ сиёсати бу тенденцияни қўллаб-қувватлаши ва давом эттириши лозим». Бу ерда «радикализм» атамасининг ишлатилиши аввалги икки «экстремизм ва терроризм” атамасининг ўрнига қўйилган янги атама ҳисобланади. Америка «чуқур давлат» назарида бу «радикализм» инқилобий ўзгаришлар ва Халифалик ғояси билан бевосита боғлиқдир. АҚШ Давлат котиби 2025 йил 2 декабр куни бу атамани айнан шу маънода қўллаб бундай деган эди: “Ислом радикализми дунёнинг бир қисмини эгаллаб олиб, кичик Халифалик билан кифояланишни кўзлаётгани йўқ, улар кенгайишни хоҳлашади, бу табиатан инқилобий хусусиятга эгадир”.

Ғарб мустамлакачиларининг Яқин Шарқдаги малайлари эса радикализмга қарши курашда Трампга ёрдам бериш учун қўлларидан келганини аяшмаяпти. Шунинг учун Исломий ўлкалар раҳбарлари сиёсий Исломий фикрларни, шу жумладан Халифалик лойиҳасини исканжага олиш ва таъқиб қилишни кучайтирди. Бу АҚШнинг Исломий ўлкалардаги мустамлакачилигини мустаҳкамлаш учун кенг суратда олиб бораётган сақофий, ҳуқуқий ва сиёсий кампаниянинг бир қисмидир. Бундан ташқари, стратегияда Вашингтон назарида Яқин Шарқнинг муҳим аҳамиятга эгалиги аниқ кўрсатилган. Унда шундай дейилади: “Форс кўрфазидаги энергия ресурслари очиқ душман қўлига ўтиб қолмаслиги, Ҳурмуз бўғози очиқ туриши, Қизил денгиз кемалар қатнови учун очиқ бўлиши, минтақа АҚШ манфаатларига ёки унинг ҳудудига қарши терроризмнинг  ўчоғига айланмаслиги ва яҳудий вужуди хавфсиз бўлиши — буларнинг барчаси Американинг асосий манфаатлари бўлиб қлаверади”.

Яқин Шарқнинг улкан энергия ресурсларига, савдо ва денгиз кучи учун муҳим бўлган асосий денгиз йўлларига, шунингдек, Америка мустамлакачилигига ва унинг Ислом умматининг юрагига санчилган ханжари бўлмиш яҳудий вужудига қарши оммавий жамоатчилик фикри мавжудлигига шубҳа йўқ. Шунинг учун, Америка мустамлакачилигидан озод бўлиш учун қилинаётган ҳаракатларга йўл қўймаслик учун мусулмонлар ўз динларига қарши тобора кучайиб бораётган ҳужумларга дуч келишлари кутилади. Шу билан бирга, яҳудий вужуди билан нормаллашишга мажбурлаш ва унга қарши ҳужумларнинг олдини олиш учун мусулмон қуролли кучлари ишга солинади.

Нормаллаштириш масаласига келсак, стратегия доираси Яқин Шарқ билан чекланиб қолмай, балки барча Ислом ўлкалар қамраб олиши аниқ кўрсатилган. Стратегиянинг 29 саҳифасида шундай дейилади: «Бизда Иброҳим келишувлари доирасини кенгайтириб, минтақадаги Ислом ўлкаларини ва бошқа давлатларни ҳам қамраб олишда очиқ интилиш мавжуд». Шунинг учун Американинг Исломга қарши уруши Яқин Шарқ билан чекланиб қолмай, балки Индонезиядан Марокашгача бўлган барча Исломий ўлкаларни ҳам қамраб олади!

Эй мусулмонлар, хусусан куч ва имконият эгалари:

Трамп хавфсизлик стратегиясини эълон қилди. У сизнинг динингизга ва давлатларингизга қарши урушни кучайтиришини очиқ айтмоқда. Трамп сизнинг улкан ресурсларга эгалигингизни ва агар сиз ўз динингизга қайтсангиз, Америкага қарши чиқиш қобилиятига эга бўлишингизни жуда яхши билади. У ўз ниятларини очиқчасига эълон қилиб, сизга қарши янги ташаббусларни бошлади. Хўш, сизнинг жавобингиз қандай бўлади?!

Яхшилик – бу Америка мустамлакачилигини ўлкаларимиздан бутунлай қувиб чиқаришдир. Яхшилик – бу ўлкаларимизни барча мустамлакачилик шаклларидан: ҳарбий, сиёсий, иқтисодий, сақофий ва ҳуқуқий босқиндан озод қилишдир. Бунга фақат бузуқ режимлар ва малай ҳукмдорларни йўқ қилиш орқали эришиш мумкин. Ислом Уммати ўз манфаатларига эришиш учун ўз кучларини бирлаштиришлари, Аллоҳ Таолонинг шариатини ҳакам қилишлари ва самимий, онгли сиёсий раҳбарият атрофида бирлашишлари лозим. Шундагина барча Исломий ўлкалар ҳорлик ва зулматдан қутилиб, тўғри йўл ва нурга эришади.

Аллоҳ Таоло айтади:

﴿فَآمِنُوا بِاللَّهِ وَرَسُولِهِ وَالنُّورِ الَّذِي أَنزَلْنَا وَاللَّهُ بِمَا تَعْمَلُونَ خَبِيرٌ﴾

“Бас, Аллоҳга, Унинг Расулига ва Биз нозил қилган нурга иймон келтиринглар. Аллоҳ нима амал қилаётганингиздан ўта хабардордир”. (Тағобун: 8).

Мусъаб Умайр