Урушларнинг бош сабабчиси Америка экан, қандай қилиб Трамп урушларни тўхтатиш бўйича “мутахассис” бўлиши мумкин?!

19Урушларнинг бош сабабчиси Америка экан, қандай қилиб Трамп урушларни тўхтатиш бўйича “мутахассис” бўлиши мумкин?!

АҚШ президенти Доналд Трамп 2025 йил 12 октабр куни: “Ҳозир Покистон ва Афғонистон ўртасида уруш кетаётганини эшитиб, ўзимга шундай дедим: “Бироз кутаман. Мен яна бир урушни тўхтатаман, чунки мен урушларни тўхтатиш бўйича мутахассисман”.

Бу ёлғон ва баланд парвоз баёнотдир. Аслида, мусулмонлар орасида авж олиб бораётган урушларнинг асл сабабчиси Трамп ўрнатаётган илмоний ва миллиятчиликка асосланган дунё тартибидир. Чунки у мусулмон халқларни энг ашаддий душманлари билан иттифоқ тузишга мажбур қилади.

Биринчидан: Покистон ва Афғонистон ўртасидаги уруш Дюранд чизиғи деб номланувчи миллатчиликдан келиб чиққан чегаранинг натижасидир. Бу чизиқ мусулмонлар вужудини иккига бўлиб, ўртада олов ёққан чизиқдир. Қолаверса, Трамп ўрнатаётган миллиятчи дунё тартиби мусулмонларни элликдан ортиқ кичик давлатларга бўлиб ташлади. Бу давлатчаларнинг чегараларини мустамлакачилар ўз қўллари билан чизиб берган.

Пайғамбаримиз ﷺ шундай марҳамат қилдилар:

هَذَا كِتَابٌ مِنْ مُحَمَّدٍ النَّبِيِّ ﷺ بَيْنَ الْمُسْلِمِينَ وَالْمُؤْمِنِينَ مِنْ قُرَيْشٍ وَيَثْرِبَ وَمَنْ تَبِعَهُمْ فَلَحِقَ بِهِمْ وَجَاهَدَ مَعَهُمْ أَنَّهُمْ أُمَّةٌ وَاحِدَةٌ دُونَ النَّاسِ

“Бу Муҳаммад Пайғамбар ﷺ томонидан қурайшлик ва ясриблик мўмин-мусулмонлар ҳамда уларга эргашган, уларга қўшилган ва улар билан бирга жиҳод қилган кишилар ўртасида (амал қилиниши учун) тузиб берилган келишув бандларидирки, улар бошқалар қаршисида ягона умматдирлар”. (Байҳақий «Сунанул Кубро»да ривоят қилган).

Энди шундай савол туғилади: “Исломий давлат” барпо этилгандан сўнг ансорлар ва муҳожирлар ўртасида чегара тортилганми? Ёки Макка фатҳ қилинганидан кейин ансорлар Мадина билан Макка ўртасида чегара тортганми? Нега бугун мусулмонлар кофирлар чизиб берган миллий чегараларни қабул қилиб, Расулуллоҳ ﷺнинг амрларига қарши чиқмоқдалар?! Бу қандай бўлиши мумкин?!

Иккинчидан: мусулмонларнинг душманлари билан иттифоқ тузиши – бу яҳудий тузуми, ҳинду давлати ёки Америка билан бўладими фарқи йўқ – Трамп ўрнатаётган илмоний дунё тартибининг натижасидир. Бу тартиб, мусулмонлар ўз душманларини ҳурмат қилиш ва улар билан ҳарбий ва иқтисодий иттифоқ тузиш устига қурилади. Натижада улар Умматнинг бойликларини талон-тарож қилиш ва Исломий ўлкалар орасига фитна солишга йўл топишади.

Илмонийлик – бу Исломни сиёсат, иқтисод ва ташқи алоқалардан ажратишдир. Шунинг учун бугунги режимлар мусулмон халқларга қарши уруш олиб бораётган душманлар билан муносабат ўрнатиб, қаттиқ гуноҳкор бўлишмоқда. Аллоҳ Таоло айтади:

إِنَّمَا يَنْهَاكُمُ اللَّهُ عَنِ الَّذِينَ قَاتَلُوكُمْ فِي الدِّينِ وَأَخْرَجُوكُمْ مِنْ دِيَارِكُمْ وَظَاهَرُوا عَلَى إِخْرَاجِكُمْ أَنْ تَوَلَّوْهُمْ وَمَنْ يَتَوَلَّهُمْ فَأُولَئِكَ هُمُ الظَّالِمُونَ

“Аллоҳ сизларни фақат динларингиз тўғрисида сизлар билан урушган ва сизларни ўз диёрларингиздан ҳайдаб чиқарган ҳамда сизларни ҳайдаб чиқаришда бир-бирларига ёрдамлашган кимсалардан — улар  билан дўстлашишларингиздан қайтарур. Кимки улар дўстлашса, бас, ана ўшалар золим кимсаларнинг ўзидир”. (60:9).

Яна шундай савол туғилади: Америка Ироқ ва Афғонистонга бостириб кириб, яҳудий вужуди ва ҳинд давлатига мусулмонлар ерларини босиб олишида ёрдам берганидан кейин ҳам унинг Исломга душманлигига шубҳа қоладими?! Ҳиндистон Кашмирга бостириб кириб, Исломга қарши курашар экан, унинг мусулмонларга душман эканига шубҳа қоладими?! Яҳудий режими барокатли ерларга бостириб кириб, Ғазони вайрон қилар экан, унинг мусулмонларга душманлигига шубҳа қоладими?!

У ҳолда Афғонистон мусулмонлари Ҳиндистон билан иттифоқ тузишга қандан рози бўлишлари мумкин?! Ёки Покистон мусулмонлари Америка билан иттифоқ тузиб, яҳудий вужуди билан муносабатларни нормаллаштиришга қандай йўл қўйишлари мумкин?! Қанақасига?!

Эй Покистон, Афғонистон ва босиб олинган Кашмир ҳамда Бангладеш мусулмонлари! Аллоҳ Таоло айтади:

مَثَلُ الَّذِينَ اتَّخَذُوا مِن دُونِ اللَّهِ أَوْلِيَاءَ كَمَثَلِ الْعَنْكَبُوتِ اتَّخَذَتْ بَيْتاً وَإِنَّ أَوْهَنَ الْبُيُوتِ لَبَيْتُ الْعَنْكَبُوتِ لَوْ كَانُوا يَعْلَمُونَ

Аллоҳдан ўзга «дўстлар»ни ушлаган кимсаларнинг мисоли худди (ўзи учун) уй қуриб олиб, (ўша уйидан паноҳ истаган) ўргимчакка ўхшайди. Албатта уйларнинг энг нимжони ўргимчак уясидир. Агар улар билсалар эди, (ўргимчак уяси каби ожиз бутлардан паноҳ истамаган бўлур эдилар)”. (29:41).

Бизнинг аждодларимиз инглиз мустамлакачилигига тобе бўлишмаган, лекин биз илмоний, миллатчилик ва мустамлакачи дунё тартибидан қутула олмаяпмиз. Шунинг учун ҳам биз бугун парчаланган ва ожиз ҳолдамиз. Душманларимиз кечаю кундуз бизга ҳужум қилмоқда. Биз эса бир-биримиз билан урушиб, душманларимиз билан иттифоқ тузяпмиз.

Ислом ўлкаларини озод қилиш ва бирлаштиришнинг ягона йўли Пайғамбарлик минҳожи асосидаги Халифалик давлатини қайта тиклашдир. Чунки у босиб олинган Исломий юртларни озод қилади ва илмоний, миллиятчи дунё тартибини йўқ қилиб, дунёни удан тозалайди. Шундай экан, эй мусулмонлар! Халифалик давлатини тиклаш учун ҳаракат қилинглар!