Москва… Жиноятчилар қучоғи ва қочқинлар бошпанаси!
Москва… Жиноятчилар қучоғи ва қочқинлар бошпанаси!
Янгиликлар:
Чоршанба куни Россия президенти Владимир Путин Кремлда суриялик ҳамкасби Аҳмад ал-Шарани қабул қилди. Томонлар бир қатор масалаларни муҳокама қилишди. Бу Аҳмад ал-Шаранинг Москвага биринчи ташрифидир. Маълумки, Суриянинг ҳокимиятдан ағдарилган собиқ президенти Башар Асад айни пайтда Москвадан бошпана топган.
Учрашувда Путин: “Россия ва Сурия ўртасидаги ҳамкорлик икки давлат учун яхши натижалар беради”, деди. У, шунингдек, Москва ва Дамашқ ўртасидаги муносабатлар 80 йилдан ортиқ вақтдан буён мустаҳкам давом этиб келаётганини таъкидлар экан, “Биз икки давлат ташқи ишлар вазирликлари орқали мулоқотни давом эттиришга тайёрмиз”, деди.
Изоҳ:
Ўтган сафар ўтиш даври ҳукумати таркибига кирган Сурия Ташқи ишлар вазирининг Россияга ташрифи ҳақида “Россия қасос олинадиган давлат! Бу халққа нима бўлди?!”, номли мақоламизда сўз юритган эдик. У мақолада биз Россиянинг Сурияга аралашуви қандай бошлангани, Россия Асад қочиб кетганидан кейин нималар қилгани, унинг ҳукмронлиги остидаги шаҳар ва қишлоқларни қандай вайрон қилганини тасвирлаб берган эдик. Шунингдек, унинг Идлиб минтақаси ва Жиср аш-Шуғурдаги жиноятларини, Аллоҳ ҳузурида шаҳид деб умид қилинган минглаб инсонларнинг ўлимини ва сон-саноқсиз ярадорларнинг изтиробларини эслатган эдик.
Ундан сўнг унинг Сочи ва Остонадаги сиёсий фитналарини тилга олиб, “унинг жиноятлари ва ёвузлигини тасвирлаш учун бир мақола етарли эмас”лигини айтган эдик.
Бугун унга нималарни қўшишимиз мумкин?
Мен ўта хавфли ҳолатга эътиборингизни қаратмоқчиман: Россия Асадни нафақат унинг Суриядаги ҳукмронлиги даврида қўллаб-қувватлади, балки у қочиб кетганидан кейин ҳам унга бошпана бериб, унинг атрофидаги жиноятчиларни ва қўли қонга ботган шерикларини ҳам қучоғига олди. Асад шаҳарларни бомбардимон қилиб, одамларни қирғин қилган пайтда ҳам, Москва унинг қулашининг олдини олишга ҳаракат қилган эди, мана энди қулагандан кейин ҳам уни қучоғига олди. Ҳа, Россия миллиондан ортиқ сурияликни ўлдирган, юз минглаб одамларни жароҳатлаган ва мамлакатни қайта тиклаш учун 400 миллиард доллардан ортиқ маблағ талаб қилинадиган даражада вайрон қилиб қочган жиноятчиларни қабул қилди!
У бугун қаерда? У Россияда!
Бизни ўлдирганлар билан, қотилларимизга ёрдам берганлар билан уларни қўллаб-қувватлаб, бағрига олган давлат билан бўлган “муносабат”га, қандай ишонишимиз мумкин?!
Уларнинг жиноятлари ва Исломга бўлган нафратлари таърифлаб бўлмайдиган даражада каттадир. Улар бизга қарши урушни “муқаддас уруш” деб аташди. Бундай одамларга ишониш ҳам, қўшни бўлиш ҳам мумкин эмас.
Сиёсатда қотил билан музокара бўлмайди, ўткир пичоққа фақат қилич қарши тура олади. Сиёсат, яъни халқнинг ишини ғамхўрлик билан бошқариш, жабрдийдаларнинг ҳақ-ҳуқуқларини тиклаш – бу жиноятчи рус билан қўл бериб кўришиш билан эмас, балки унга қарши қатъий позицияда туриш билан бўлади. Давлатлар шартномани қотиллардан қасос олгандан кейингина тузади.
Шунинг учун, эҳтиёт бўлинг!
Бу қонхўрлардан, жиноятчиларни ҳимоя қиладиган ёмон ниятлилардан эҳтиёт бўлинг! Чунки отангнинг душмани сенга ҳеч қачон яхшиликни хоҳламайди, ҳатто жилмайиб қўйса ҳам бу фақат ёлғон ва иккиюзламачилик бўлади холос.
