Миллий хавфсизлик бўйича давлат қўмитасининг раиси Ташиев ишдан бўшатилди
Миллий хавфсизлик бўйича давлат қўмитасининг раиси Ташиев ишдан бўшатилди
Қирғизистон президенти Садир Жапаров 10 феврал куни Миллий хавфсизлик бўйича давлат қўмитасининг раиси Камчибек Ташиевни ишдан бўшатиш тўғрисидаги фармонни имзолади. Ташиев билан бирга унинг уч нафар ўринбосари ҳам ишдан олиниб, уларнинг ўрнига бошқа раҳбарлар тайинланди.
Президент матбуот котибининг маълум қилишича, бу қарор «биринчи навбатда давлат манфаати учун, шунингдек жамиятда, жумладан давлат тузилмалари ўртасида бўлиниш ва парчаланишнинг олдини олиш ва бирдамликни мустаҳкамлаш учун» қабул қилинган.
Баъзи манбалар Ташиев ўзининг ишдан бўшатилганлигини чет эл манбаларидан эшитганлиги ва бу қарор Ташиев учун кутилмаган қарор бўлгани ҳақида ёзишди.
9 феврал куни мамлакатдаги 75 нафар собиқ ва амалдаги амалдорлар ҳукуматга мурожаат йўллагани ҳақида хабар тарқалди. Улар амалдаги ҳукуматни президентлик сайловларини иложи борича тезроқ ўтказишга чақиришган.
Бундан аввал, Ташиевга яқин депутатлар Жогорку Кенешда президентнинг хусусий автомактабларни ёпиш масаласидаги қарорига қарши баёнот беришган эди.
Юқоридагилардан келиб чиқиб, Ҳизб ут-Таҳрирнинг Қирғизистондаги ахборот бўлими қуйидагиларни таъкидлайди:
Қирғизистоннинг «мустақиллиги» тарихида Ташиев-Жапаров каби бир қанча тандемлар шаклланди. Бу тандемлар тарафлардан бирининг ўз манфаатларига эришиши биланоқ дарҳол қулаб, тарих ахлат қутисига улоқтирилди. Уларнинг охиргиси Атамбаев ва Жеенбеков ўртасида шаклланиб, бу иковлоннинг тандеми Атамбаевнинг ҳибсга олиниши ва қуролли можаро билан якунланганлиги ҳаммага маълум. Демак, бу манфаатга асосланган капиталистик бошқарувнинг табиий натижасидир. Шунинг учун сиёсатчилар тузоғига тушиб қолиб, партиялардан бирини қўллаб-қувватлаш орқали халқнинг парчаланишига йўл қўйиб бўлмайди.
Бундан ташқари, агар сиёсий инқироз юзага келса, ҳеч шубҳа йўқки, минтақадаги империалистлар ўз таъсирини кучайтириш учун сиёсий воқеаларга аралашади ва мамлакатни талон-тарож қилиш учун бир-бири билан рақобатга киришади. Шунинг учун қирғиз ҳамжамияти ҳозирги воқеаларга совуққонлик ва сиёсий онг билан ёндошиб, мустамлакачилар манфаати учун мамлакатда беқарорлик юзага келишига йўл қўймаслиги керак.
Ҳизб ут-Таҳрирнинг Қирғизистондаги матбуот бўлими
11.02.26
