Иранга каршы согуш

Иранга каршы согуш

Суроо: Трамп Иранга 48 саат мөөнөт берди, андан соң 5 күн, кийин 10 күн… андан соң 15 пункттан турган план сунуштады. Андан кийин билдирүүлөр аркылуу манёвр жасады. Алардын көбү Трамптан, аз бөлүгү Ирандан чыкты. Андан соң Иран телеканалы Иран Трамптын сунушун четке какканын жарыялады. Булардын жыйынтыгы кандай болот?.. Трамп Иранды өзөктүк жана оор ракеталык куралга ээ болуудан токтотуу максатына жете алабы? Андан соң Иран кайрадан анын орбитасында айланган мамлекет болобу же көз каранды мамлекетке айланабы же көз карандысыз мамлекет болуп калабы?

Чын эле яхудий түзүмү анын коргоо министри айткандай, Америка менен макулдашып, өз аймагын түштүккө Литани дарыясына чейин кеңейтүүнү көздөп жатабы? Анан Ислам мамлекети болгон рошид Халифалык Трампты жана анын тарапташтарын мурдагы Рум падышалары менен Перс падышаларынын жолуна салып, аларды жеңип, айла-амалдарын өздөрүнө каршы кайтарып, Исламды жана мусулмандарды азиз кылып, куфрду жана каапырларды жок кылышын мусулмандар кантип түшүнбөй жатышат?

Жооп:

Жогорудагы суроолордун үч бөлүгүнө тең жооп так болушу үчүн төмөнкүлөрдү карап чыгалы:

Биринчиден: суроонун биринчи бөлүгү — Трамптын максаты Иранды көз каранды мамлекетке айлантуу же анын орбитасында кармоо же болбосо көз карандысыз мамлекет болуу тууралуу:

1. 1. Америка президенти Трамп 2026-жылдын 28-февралында, ишемби күнү эртең менен өзүнүн “Truth Social” платформасында видео жарыялап, Жакынкы Чыгыштагы күчтөрү Иранга каршы ири аскердик операцияларды баштаганын билдирди. Ага анын жакын өнөктөшү Нетаньяху да кошулду. Бул Иран ичинде, айрыкча Ислам революциясынын сакчылар корпусунда, Америкага карата катуу позиция бар экенин көрсөттү. Анткени Трамп администрациясы Иранды толук көз каранды мамлекетке айлантуу үчүн, башкача айтканда аны өз орбитасынан чыгарып салуу үчүн, андан чоң багынууларды талап кыла баштады. Себеби жетекчилерди өлтүрүү менен бир убакта орбитада кармоо мүмкүн эмес нерсе. Америка Иранга каршы согушту аны өз орбитасынан чыгарып, көз карандысыз мамлекет кылуу үчүн баштаган эмес. Тескерисинче, ал биринчи сокку менен эле аны толук көз каранды мамлекетке айлантам деп ишенген. Бул бир гана нерсени билдирет: Трамп администрациясы система ичиндеги айрым жетекчилер менен алдын ала макулдашып, биринчи соккудан кийин, башкача айтканда, каршы чыккан жогорку жетекчилер өлтүрүлгөндөн кийин бийликти ошолор колго алат деп пландаган. Бирок бул ишке ашкан жок! Анткени Ислам революциясынын сакчылар корпусу абалды көзөмөлгө алууга жетише алды.

Ошондуктан Трамп да, яхудий түзүмү да таң калышты. Ирандагы бийлик бекем бойдон калып, мурда болуп көрбөгөндөй күч жана ачык кайраттуулук менен ракеталар жана учкучсуз учактарды учура баштады. Иран соккулары яхудий түзүмүнө жана Перс булуңундагы жана аймактагы Америка базаларына да жетти. Трамп өзү айткандай, бийликке келет деп үмүт кылган айрым адамдар кокусунан өлтүрүлүп калган! Америка бул катуу ирандык жоопту руханий лидери (муршид) өлтүрүлгөндөн кийинки айрым жетекчилердин эмоциялык реакциясы деп ойлоду. Жаңы лидер дайындалганын күтүп турду. Бирок атасынын мураскору болуп Мужтаба дайындалгандан кийин жана бир нече жума өткөн соң, Ирандагы режим Америкага каршы турган күчтөрдүн көзөмөлүндө туруктуу болуп калды. Айрыкча Американын кол салуулары бардык чек араларды ашып кетти.

2. 2. Көрүнүп тургандай, Американын жана яхудий түзүмүнүн эсептери туура эмес болуп чыкты. Алар Иранга кол салганда, согуш кыска мөөнөттө, болжол менен төрт күндө жыйынтыкталат деп пландашкан. Бул күтүлбөгөн ири чабуул аркылуу жогорку жетекчиликти, өзөктүк объекттерди жана ракеталарды өндүргөн жана учуруу борборлорун бутага алууну камтыган. Алар режимдин башын жана биринчи катардагы жетекчилерди жок кылгандан кийин, экинчи катардагы жетекчилер багынып, алардын шарттарына моюн сунат деп ойлошкон. Бул Венесуэладагыдай болот деп эсептешкен, анда америкалык күчтөр президентти уурдаганда анын орун басары жана аны менен кошо болгондор Америкага багынышкан. Бирок бул сценарий Иранда ишке ашкан жок. Анын жетекчиси Али Хаменеи жана айрым жогорку жетекчилер өлтүрүлгөнүнө карабастан, Ислам революциясынын сакчылар корпусу бекем туруп, бул агрессияга каршы турууну жана душмандарга сокку урууну чечти. Ошентип, мурда Америка орбитасында айланып жүргөн Иран менен Американын ортосунда ажырым пайда болду. Америка бул мамилени өзгөртүүнү көздөгөн эле, болбосо мындай кол салууга бармак эмес жана андан кийин яхудий түзүмүнө режимдин эң маанилүү жетекчилерин, анын ичинде руханий лидерди өлтүрүүгө уруксат бермек эмес. Бул Америка Иран режиминин саясатын орбитада айланган мамлекеттен толук көз каранды мамлекетке айлантууну максат кылганын көрсөтөт, ошондо ал сүйлөшүүлөрдө өз шарттарын таңуулай алмак. Бирок ал буга жетише алган жок, ошондуктан согушту улантууну чечти.
3. 3. Американын максаты Иран режиминин саясатын өзгөртүү болгонун жана ал режим агрессияга карабастан туруктуу болуп, катуу жооп кайтарат деп күтпөгөнүн дагы бир нече фактылар тастыктайт. Американын Коргоо министри Хегсет 2026-жылдын 10-мартында: «Биз алардын реакциясы сөзсүз так ушундай болот деп күткөнбүз деп айта албайм», — деген. Ошондой эле 2026-жылдын 12-мартында The New York Times гезити маалымдагандай, маалымат булактар: «Трамп жана анын кеңешчилери жогорку жетекчиликти өлтүрүүнүн натыйжасында согушту токтотууга умтулган, бул көбүрөөк прагматик жетекчилердин келишине алып келет деп ишенген», — деп билдиришкен. Башкача айтканда, Америкага багынып, анын шарттарын кабыл алат деп күтүшкөн. Бул тез арада ишке ашпай калганда, Трамп согушту эки жуманын ичинде, балким төрт жуманын ичинде бүтүрүү тууралуу сүйлөй баштады. Ал кандай гана болбосун, өзү жеңгендей көрүнгөн жыйынтык менен аяктоону каалайт. 2021-жылы Афганистандан америкалык аскерлер чыгып кеткендегидей, согуш анын жеңилгенин же алсыз болуп калганын көрсөткөн абалда бүтүшүн каалабайт. Ошондой эле ал согушту ички абалга терс таасир эте электе токтотууну каалайт, айрыкча алдыдагы күздө Конгресстин аралык (орто мөөнөттүү) шайлоолору бар жана андагы жеңилүү 2028-жылдагы президенттик шайлоого таасир этет. Ошондуктан Трамп сөз жүзүндө жеңишке жетишкенин көрсөтүүгө аракет кылууда. Ал 2026-жылдын 11-мартында Axios сайтына: «Иранда бутага ала турган дээрлик эч нерсе калган жок, кол салуулар алгачкы этаптан эле мүмкүн деп ойлогондон да чоң зыян келтирди», — деп айткан. Демек, Трамп сөздөрдү бурмалап, өзүн жеңгендей көрсөтүүдө. Бул болсо Американын абалы кооптуу экенин, ал максаттарына тез жана жоготуусуз жете албаганын көрсөтөт.
4. 4. Андан кийин Трамп жаңы стратегия катары мөөнөттөрдү узартуу аркылуу манёвр жасоого өттү. Ал 22-мартта 48 сааттык акыркы катуу ультиматум жарыялады. Андан соң 23-мартта «конструктивдүү сүйлөшүүлөр жүрүп жатат» деген жүйө менен бул мөөнөттү беш күнгө узартты. Кийин 26-мартта мөөнөттү дагы он күнгө – 6-апрелге чейин узартканын жарыялады. Муну менен катар анын башка карама-каршы билдирүүлөрү да болду. Ал бул стратегия аркылуу Иранга психологиялык жана саясий басым жасап, аны багынууга мажбурлоону көздөйт. Бул мөөнөттөрдү узартуу, балким, Америка Иранга же Харк аралына каршы чектелген кургактагы операция жүргүзүү үчүн, аймакка жөнөтө турган аскердик топтолууну жашыруунун бир жолу да болушу мүмкүн. Ал буга чейин да ушундай ыкманы колдонгон. Демек, ал жаңы күчтөрдү жөнөтүү үчүн манёвр кылууда (акыркы маалыматтарга караганда, Ак үй жана АКШнын Коргоо министрлиги жакынкы күндөрдө Жакынкы Чыгышка кошумча кеминде 10 миң аскер жөнөтүү мүмкүнчүлүгүн карап жатышат… (Mepa News сайты, 27/03/2026). Башкача айтканда, бул мөөнөттөр мурдагыдай эле алдоо үчүн колдонулган манёвр.
5. 5. Трампка жана анын текеберлигине эми «күч аркылуу тынчтык» деп аталган ыкмадан, башкача айтканда, ок астында сүйлөшүү жүргүзүүдөн башка жол калган жок. Ошондуктан ал согушту токтотуу үчүн Иранга Пакистан аркылуу 15 пункттан турган план сунуштады. Бул план төмөнкүлөрдү камтыйт: «өзөктүк мүмкүнчүлүктөрдү толук жоюу, эч качан өзөктүк куралга ээ болбоо боюнча милдеттенме алуу, Иран аймагында уран байытууну токтотуу, бардык байытылган материалдарды жакын убакыттын ичинде Эл аралык атомдук энергия агенттигине өткөрүп берүү, Натанз, Исфахан жана Фордоу объекттерин токтотуу жана жок кылуу, Иран ичиндеги бардык маалыматтарды агенттикке ачып берүү, «өкүл күчтөр» доктринасынан баш тартуу, аймактагы союздаштарына каржылык жана аскердик колдоону токтотуу, Ормуз кысыгын бардык тараптар үчүн ачык жана эркин деңиз жолу катары сактоо, ракеталар маселесин кийинчерээк карап чыгуу т.а. алардын санына жана учуу аралыгына чектөө коюу жана аларды «мыйзамдуу коргонуу» максатында гана колдонуу…» «Аль-Араби аль-Жадид», 25/03/2026).

Бул пландын пункттарынан ачык көрүнүп турат: Трамптын максаты Иранды орбитада айланып жүргөн мамлекет абалынан чыгарып, Америка айткан бардык нерсени аткарган толук көз каранды мамлекетке айлантуу. Эл аралык басма сөздө да бул документ багынуу документи катары, башкача айтканда, көз каранды мамлекетке айландыруу документи катары бааланган. (Трамп администрациясы Пакистан аркылуу сунуштаган план чындыгында багынуу документи болуп саналат… Доха институту, 26/03/2026).

 Трамп 2026-жылдын 24-мартында өзүнүн сүйүктүү генералы, Пакистан армиясынын кол башчысы генерал Асим Мунир менен телефон аркылуу сүйлөшүп, аны Иранды Трамптын шарттары боюнча келишимге макул болууга мажбурлоого үндөгөн. Бирок ал буга жетише алган жок. Иран бул планды расмий телеканал аркылуу четке какты. Бул четке кагуу Ирандын «көз каранды мамлекетке» айлануудан баш тартканын билдирет. Өз кезегинде Иран беш пункттан турган өз планын сунуштады: «ирандык жетекчилерге каршы багытталган өлтүрүүлөрдү токтотуу, өлкөгө каршы жаңы согуш болбой турганына кепилдик берүү, согуш үчүн компенсация төлөө, душмандык аракеттерди токтотуу жана Ормуз кысыгында Иран эгемендигин таануу…» Euronews, 25/03/2026). Бул ирандык сунушта өзөктүк жана ракеталык курал жөнүндө сөз болбогону менен, ал америкалык 15 пункттан турган планга дал келбейт. Ошентип, сүйлөшүүлөр ордунда туруп калды.

6. 6. Ошого карабастан, байланыштар ачык эмес ыкмалар менен уланып жатат. Ирандын тышкы иштер министри Аббас Аракчи 31.03.2026 күнү «Аль-Жазирага» берген маегинде: «Азыр болуп жаткан нерсе түз же ортомчулар аркылуу жүргүзүлгөн сүйлөшүүлөр эмес. Мен мурдагыдай эле америкалык өкүл Уитковтон түз билдирүүлөрдү алып жатам, бирок бул сүйлөшүү жүргүзүп жатабыз дегенди билдирбейт. Иран ичинде кандайдыр бир тарап менен сүйлөшүүлөр жүрүп жатат деген туура эмес. Билдирүүлөр тышкы иштер министрлиги аркылуу жетет жана коопсуздук органдарынын ортосунда байланыштар бар… бул Улуттук коопсуздук кеңешинин көзөмөлүндө», — деди. Ал дагы: «Биз сүйлөшүүлөр боюнча эч кандай чечим кабыл алган жокпуз, бирок аларга байланыштуу эскертүүлөрүбүз бар. Согушту токтотуу боюнча шарттарыбыз ачык. Биз ок атышууну токтотууну кабыл кылбайбыз, биз толук согушту токтотууга, Иранда гана эмес, бүтүндөй аймакта согушту токтотууга умтулабыз», — деди. Ошондой эле: «Ирандын шарттары — кол салуулар кайталанбай турганына кепилдик жана келтирилген зыян үчүн компенсация алуу», — деп кошумчалады.

Бул сөздөрдөн белгилүү болгондой, байланыштар бар, бирок сүйлөшүүлөр жок! Бул болсо Иран режиминде сүйлөшүүгө даяр болгон тараптар бар экенин көрсөтөт. Ошондой эле Америка каалаган учурда согушту токтотуп, сүйлөшүүлөрдү баштай алат, анткени байланыштар Аракчи айткандай уланып жатат. Бирок Ислам революциясынын сакчылар корпусу режим ичиндеги башка күчтөргө караганда катуураак позицияда турат. Ал дагы эле Перс булуңунда, анын айланасында жана басып алынган жерде Америка кызыкчылыктарына сокку урууда жана сүйлөшүүгө каршы турууда.

7. 7. Жогорудагы пункттарды кылдат карап чыгып, терең ойлонуп жыйынтык чыгарсак, суроонун биринчи бөлүгүнө жооп төмөнкүчө болот:

а) Ислам революциясынын сакчылар корпусу Иранды Америка таасиринен чыгарып, аны кайра орбитасына кайтарбай, көз карандысыз мамлекет кылуу үчүн олуттуу каршылык көрсөтүүдө. Ирандын Ислам революциясынын сакчылар корпусу: «Ормуз кысыгында душмандардын кандай гана кыймылы болбосун деңиз күчтөрү тарабынан чечкиндүү жоопко кабылат». (MTV Ливан, 4/3/2026)… Ирандын Ислам революциясынын сакчылар корпусунун өкүлү Ибрахим Зулфикари бейшемби күнү согуш душмандар жеңилип жана багынмайынча улана берерин баса белгилеп, соккулар мурдагыдан да катуу жана кеңири болот» — деп айтты. (Аль-Айям жаңылыктары, 2/4/2026)…

Ирандын Ислам революциясынын сакчылар корпусу шаршемби күнү стратегиялык мааниге ээ Ормуз кысыгы өлкөнүн душмандарына жабык бойдон калат деп билдирди, ошол эле учурда Трамп ок атышууну токтотуу маселесин кысык кайра ачылганда гана карай турганын айткан. (Ахбар аль-Яум, 1/4/2026).

Ислам революциясынын сакчылар корпусу өзүнүн Телеграм каналында: «Мындан ары ар бир өлтүрүү аракетине америкалык компанияны жок кылуу менен жооп берилет», — деп билдирди. (Аль-Арабия нет, 1/4/2026).

б. Ал эми Ирандагы режим өкүлдөрү күч менен алсыздык ортосунда олку-солку абалда турушат. Алардын эң чоң каалоосу мүмкүн болсо Иранды Американын таасир орбитасында кармап калуу. Алар үчүн Ирандын аймактагы башка көптөгөн мамлекеттер сыяктуу Америкага көз каранды мамлекетке айланышы да чоң маселе эмес. Көрүнүп тургандай, Трамп Иран ичинде сүйлөшө ала турган «ылайыктуу» адамдарга ээ. АКШ президенти Дональд Трамп шейшемби күнү кечинде: «Мен Ирандагы туура адамдар менен иштеп жатам», — деп айткан. АКШ кимдер менен сүйлөшүп жатканын сурашканда, Трамп: «Аларды өлтүрүп салышпасын деп», — деп жооп берген. France 24 (англисче), 23/3/2026)…

 Reuters агенттигине пакистандык булак билдиргендей, (израиль) Пакистандын Вашингтонго кайрылуусунан кийин тышкы иштер министри Аббас Аракчи менен парламент төрагасы Мухаммад-Багер Галибафты өлтүрүү тизмесинен убактылуу чыгарган, анткени «эгер алар да жок кылынса, сүйлөшө турган эч ким калбайт». (Аль-Жазира нет, 26/3/2026).

в) Ал эми Трамптын бул согуштагы максаты Иранды өзүнө толук баш ийген, анын буйруктарын аткарган мамлекетке айлантуу. Ал Ирандын мунайын жана газын көзөмөлдөп, Ормуз кысыгындагы таасирди андан көбүрөөк үлүш менен бөлүшүүнү каалайт! Америка согушту өз максаттарына мүмкүн болушунча көбүрөөк жеткире турган нукта алып барууну көздөйт. Ал үчүн кырдаалды курчутуп, ал тургай Иран Перс булуңундагы энергетикалык объекттерге жооп сокку урса да, мунай баасы кескин өсүп кетсе да, Ирандын энергетикалык объекттерине сокку урууга бара алат. Ошондой эле Америка Ормуз кысыгын ачпай эле, ага тыюу салуу киргизе алат, башкача айтканда, Ирандын же Иран уруксат берген мунай танкерлеринин Араб деңизи аркылуу өтүшүнө тоскоолдук кыла алат.

• Трамптын Иранды көз каранды абалга тартуу тууралуу кыялдары, анын ичинде өз адамдары бар болгончо токтобойт… Эгер ошол адамдар бийликти колго алышса, Трамптын максаттары ишке ашат.
• Ал эми согуштун жүрүшүнө жараша Трамп бул адамдардан үмүтүн үзүп, ошол эле учурда Ислам революциясынын сакчылар корпусу аскердик жактан туруктуу бойдон калып, өлкөнүн биримдигин кайра бекемдесе, анда Иран көз карандысыздыкка багыт алат. Анткени бул согуш Иранды Американын орбитасында кармап турган акыркы байланыштарды үздү.

Экинчиден: суроонун экинчи бөлүгү — Ливан тууралуу жана яхудий түзүмү Американын макулдугу менен түштүктү Литани дарыясына чейин кошуп алууга умтулуп жатабы?

1. Ливан боюнча 26.03.2026 күнү «Аль-Жазира» булактарга таянып: «Иран ортомчуларга ок атышууну токтотуу боюнча кандайдыр бир келишимде Ливан да камтылышы керектигин билдирген», — деп маалымдады. Ал эми 24.03.2026 күнү Исраэл Кац анын күчтөрү Түштүк Ливандын Литани дарыясына чейинки аймагын көзөмөлгө аларын жарыялаган: «Көчүп кеткен тургундар Түндүк (израилдин) коопсуздугу камсыз болмоюнча Литаниден түштүккө кайтып келе алышпайт», — деген. Ал дагы, өз күчтөрү Хизбулла колдонгон Литани дарыясынын үстүндөгү бардык беш көпүрөнү жардырды… калган көпүрөлөрдү да көзөмөлгө алып, Литани дарыясына чейин созулган коопсуздук аймагын түзөт деген. («Аш-Шарк аль-Аусат», 24/3/2026). Ошондой эле Ливандын премьер-министри 19.03.2026 күнү CNN каналына: «Мен президент Трампка кат жөнөтүп, (израил) тарап менен дароо сүйлөшүүлөргө кирүүгө даяр экенибизди билдирдим», — деп айткан.
2. Демек, яхудий түзүмүнүн билдирүүлөрү Түштүк Ливанда Литани дарыясына чейин буфердик аймак түзүүнү көздөп жатканын көрсөтөт жана бул аймакты ливандык калктан бошотуу жөнүндө айтылууда. Бирок муну алардын армиясы оңой ишке ашыра албайт, анткени түштүктө каршылык бар. Андан тышкары, яхудий түзүмү өз алдынча согушууга жөндөмдүү эмес, алар адамдардын колдоосуна таянат, анткени Аллах менен болгон байланышын үзүп коюшкан. Ошондуктан, Америка агрессиясы токтосо, алар да өзүнөн-өзү алсырап калат.

Үчүнчүдөн: суроонун үчүнчү бөлүгү — Халифалык мамлекети тууралуу. Ал Исламга жана мусулмандарга иззатты кайтарып, куфрду жана каапырларды кор кылат:

1. Ислам өлкөлөрүнүн башкаруучуларынан жакшылык күтүүгө болбойт, алардын акылына келиши өтө кыйын. Ошондуктан таянчу күч Ислам үммөтү. Ал өз мамлекетин тикелеп, бир мамлекет болуп бириккенде рошид Халифалык мамлекети болуп, аң-сезимдүү саясий жетекчилик жана бекем эрк менен башкарылганда күч-кубат пайда болот. Алардын иш-аракеттери тарых барактарында жазылган. Алар кыска убакытта эки улуу империяны т.а. Персия менен Румду жеңишкен. Андан кийин чыгыштан батышка чейин жортуулдарын улантып, элдерди баш ийдиришкен, алардын алдында чоң аскерлер жеңилген, падышалардын, императорлордун жана кисралардын таажылары алардын бут алдына кулаган. Мына ушундай тагдыр Америкага да болот, Аллахтын уруксаты менен ал жеңилет, өз базаларын жабууга жана аскерлерин Атлантика артына жыйып, артка чегинүүгө мажбур болот, жеңилүү жана маскаралык менен кайтып кетет. Ошондо анын Трампы жана ага окшогондордун мурду жерге сүртүлөт.

قُل لِّلَّذِينَ كَفَرُواْ سَتُغْلَبُونَ وَتُحْشَرُونَ إِلَى جَهَنَّمَ وَبِئْسَ الْمِهَادُ

«(Эй Мухаммад,) каапыр болгон кимселерге айткын: «Шек-күмөнсүз, (бул дүйнөдө) жеңилесиңер жана (Акыретте) тозокко топтолосуңар. Ал кандай гана жаман жай!» (Али Имран: 12).

2. Чынында, Иран Перс булуңундагы америкалык аскер базаларына сокку уруп жатат, ошондой эле яхудий түзүмүнө да ушундай соккуларды жасады жана бул соккулар белгилүү деңгээлде күчкө ээ. Бирок Ирандын башкаруучулары Америкага чечкиндүү сокку берип, аны артка кайтара алышпайт. Бул Аллахка (динине) жардам берип, Анын өкүмдөрүн колдонгон Халифалык мамлекети болгондо гана мүмкүн болот. Ошондо гана Аллахтын уруксаты менен жеңишке жетет, адилеттиги жана жихады менен дүйнөнү нурландырат жана Аллах аны Өзүнүн жеңиши менен урматтайт:

إِنْ تَنْصُرُوا اللهَ يَنْصُرْكُمْ وَيُثَبِّتْ أَقْدَامَكُمْ

«…Эгер силер Аллага жардам берсеңер (тактап айтканда Анын жолунда жихад кылсаңар), Ал Зат да силерге жардам берет жана согуш майданында кадамдарыңарды бекем, туруктуу кылат». (Мухаммад: 7).

Андан кийин Американы чыныгы жүзү ачылганга чейин, ага кайра-кайра сабак берет. Бүгүн Америка мусулмандарга алардын өз жерлеринде жана өз аэропортторунда туруп аларга каршы согуш жүргүзүп, өзүнүн агенттерин яхудий түзүмүн коргоого түртүп жатат. Халифалык болсо бул агенттердин чептерине кирип барып, аларды кор абалдарында кууп чыгат. Ал өз жолунда мусулман элдерин мобилизациялап, күчүн улам арттырып, акыры Америка базаларын мусулман жерлеринен агызып чыккан чоң селге айланат. Ошондо зор толкун көтөрүлүп, жолундагы башкаруучулардын тактарын кулатып, Палестинаны бошотуп, яхудий түзүмүн тебелеп өтөт. Бул – Аллахтын уруксаты менен – оңой иш, бирок көптөр аны мүмкүн эмес деп эсептешет. Чынында үммөт ичинде оргуп турган акыйда күчү бар, ошондой эле Америкага жана яхудийлерге карата алардын зор зулумдугу үчүн топтолгон өч бар. Аллах Өзүнүн улуу жеңишине уруксат бергенде, жеңиш көрүнүштөрү да алыс болбой калат. Балким, андан кийин Ислам үммөтү жасай турган иштерди жана согуш талаалары сүйлөй турган сөздөрдү азыр калем менен сүрөттөп берүү кыйын болот.

Аллах бул дүйнөдө Өзүнүн сүннөтүн төмөнкү аят менен белгилеген:

{وَكَانَ حَقًّا عَلَیۡنَا نَصۡرُ ٱلۡمُؤۡمِنِینَ}

«Ыйман келтирген заттарды үстөм кылууда Биздин мойнубуздагы чындык болгон». (Рум: 47).

Шавваль айынын 17-күнү, 1447-ж.

04.04.2026-ж.

Хизб ут-Тахрир партиясынын амири Ато бин Халил Абу Рушта