Капитализм инсониятга фақат кулфат келтирмоқда
Капитализм инсониятга фақат кулфат келтирмоқда
БМТ Бош котиби Антониу Гутерриш дунёда қуролли тўқнашувлар сони ортиб, замонавий урушларнинг табиати ўзгариб бораётган бир шароитда, ташкилотнинг тинчлик ўрнатиш тизимини такомиллаштириш режасини Бош Ассамблея муҳокамасига тақдим этди.
Гутерришнинг сўзларига кўра, бугунги кунда сайёрамизда 1945 йилдан буён энг кўп урушлар содир бўлмоқда. Хусусан, сўнгги беш йил ичида қуролли можаролар туфайли ҳалок бўлганлар сони охирги 25 йил ичида қурбон бўлганларнинг сонидан ошиб кетди.
БМТ раҳбари низолар тобора технологик тус олиб бораётганига алоҳида урғу берди. Қуролли тўқнашувларда учувчисиз аппаратлардан кенг фойдаланилмоқда. Шунингдек, сунъий интеллектга асосланган ҳалокатли автоном қуролларнинг қўлланилиш эҳтимоли хавотирларни кучайтирмоқда, ядро қуроли хавфи ҳам ҳамон сақланиб қолмоқда.
Шу билан бирга, Гутерришнинг фикрича, кенг кўламли тинчлик шартномалари тобора камайиб бормоқда. Можароларни сиёсий йўл билан ҳал этиш кўрсаткичи сўнгги ўн йилликлардаги энг паст даражага тушиб кетди.
“БМТга аъзо давлатларнинг ёндашувлари тинчликка таҳдид солаётган хавф-хатарларга жавоб қайтариш масаласидагина эмас, балки ана шу хавфларнинг ўзини қандай англаш кераклиги борасида ҳам борган сайин бир-биридан кескин фарқ қилиб бормоқда”, – деди Гутерриш.
