Исломга қарши ўзини шердек тутган Сиси яҳудийлар қаршисида ювош қўйдек бўлиб қолди

Исломга қарши ўзини шердек тутган Сиси яҳудийлар қаршисида ювош қўйдек бўлиб қолди

Миср президенти Сиси чоршанба куни янги пойтахтдаги Миср ҳарбий академиясининг «Ас-Сафва» халқаро конференциялар марказида Октябрь ғалабаларининг 53 йиллигига бағишлаб «Қаҳрамонлар ватани» номи остида ўтказилган Қуролли Кучларнинг 44-таълим семинарида сўзга чиқди. У Миср сўнгги ўн тўрт йил ичида терроризмга қарши оғир кураш олиб борганини ва бу курашда мамлакат 120 миллиард доллардан ортиқ зарар кўрганини, бундан ташқари, мисрликлар қурбонлар бериб, аскарлар шаҳид бўлганини таъкидлади.

Изоҳ:

Сиси ўзининг золим раҳбарлиги остидаги режими Ғарб йўлидан бориб, «терроризм» номи остида Исломга қарши курашиш учун камбағал миср халқининг 120 миллиард доллар маблағини исроф қилганини айтишдан ор қилмади!

У бу сўзларни Миср халқи қашшоқлик, очлик ва маблағ етишмовчилигидан қийналаётган бир пайтда айтмоқда. У на ўзидан, на Аллоҳнинг бандаларидан уялмай, Миср халқининг дини ва шарафи бўлган Исломга қарши курашиш учун халқнинг пулини талон-торож қилиб, уларнинг қашшоқлигини янада кучайтиргани билан фахрланмоқда!

Айни пайтда, Сиси Аллоҳнинг душманлари бўлган яҳудийлар Миср раҳбариятини қўрқоқликда айблаб, агар яҳудий вужудига тажовуз қилгудек бўлса, Синайдан маҳрум бўлиб қолиши билан таҳдид қилган провокацион сўзларига тўхталганда, тинчлик кабутари ва ювош қўйдек бўлиб қолди. Зеро, у ўзининг яҳудийларга қарши ҳеч қандай яширин режаси ҳам, олдиндан ўйлаб қўйган ёмон нияти ҳам йўқлигига ишонтиришга ҳаракат қилди. Шунингдек, Мисрнинг мақсади фақат Синай эканини ва уни уруш орқали қайтариб олганини айтди.

 «Мисрнинг асосий мақсади — ўз хавфсизлиги ва барқарорлигини сақлаш, элининг бойликларини ҳимоя қилишдир», деди у. Шунингдек, Сиси мамлакатнинг ҳеч қандай яширин режалари йўқлигини, унинг устувор вазифаси тинчлик ҳамда барқарорлик доирасида чегаралар ва миллий хавфсизликни ҳимоя қилиш эканини қатъий таъкидлади. Гўё Сиси учун яҳудий вужуди Аллоҳнинг Расули ﷺ сафар қилган Ал-Ақса масжидини босиб олгани, уч йилдан буён Ғазодаги тинч аҳолига қарши ваҳшийларча уруш очиб, 75 мингга яқин мусулмонни ўлдиргани, 170 мингга яқин кишини ярадор қилиб, 2 миллион кишини кўчиб кетишга мажбур қилгани камлик қилаётгандек! Сисининг назарида буларнинг бари яҳудий тузумини душман деб ҳисоблаши учун етарли эмас экан!

У Фаластинни босиб олган, мусулмонларнинг фарзандларини ўлдирган ва Ғазодаги биродарларимизнинг болалари, аёллари ҳамда кексаларининг қонини аямасдан тўккан яҳудий вужуди ҳақида гап кетганда ювош қўйдек бўлиб қолади. Аммо Исломга қарши кураш хусусида гап кетганда ҳайбатли арслондек ўдағайлайди! Шу тариқа, у Аллоҳ Таолонинг мўминларни васф этган қуйидаги сўзига зид йўл тутмоқда. Унга «мўминларга қаттиққўл, кофирларга меҳрибон» деган сифат муносиб келади. Аллоҳ Таоло айтади:

﴿مُّحَمَّدٌ رَّسُولُ اللَّهِ وَالَّذِينَ مَعَهُ أَشِدَّاء عَلَى الْكُفَّارِ رُحَمَاء بَيْنَهُمْ﴾

«Муҳаммад Аллоҳнинг пайғамбаридир. У билан бирга бўлган (мўмин)лар кофирларга қаҳрли, ўз ораларида (мўминлар билан) эса раҳм-шафқатлидирлар». (Фатҳ сураси, 29-оят)

Бу билан Сиси мустамлакачиларга қарши уруш ўзига қарши очилган уруш эканига, мустамлакачиларнинг тинчлиги эса ўзининг тинчлиги эканига гувоҳлик бермоқда. Бу Аллоҳ Таолонинг қуйидаги сўзини яна бир бор тасдиқлайди:

﴿إِنَّ الَّذِينَ كَفَرُواْ يُنفِقُونَ أَمْوَالَهُمْ لِيَصُدُّواْ عَن سَبِيلِ اللّهِ فَسَيُنفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ وَالَّذِينَ كَفَرُواْ إِلَى جَهَنَّمَ يُحْشَرُونَ﴾

«Албатта, кофир бўлган кимсалар мол-дунёларини Аллоҳнинг йўлидан тўсиш учун ишлатурлар. Бас, уни сарфлайдилар-у, сўнгра ўша (моллари) ўзларига ҳасрат бўлур, сўнгра мағлуб бўлурлар. Кофир бўлган кимсалар жаҳаннамга солиши учун тўпланурлар». (Анфол сураси, 36-оят)

Шунинг учун биз уни оқибати Аллоҳнинг душманларининг оқибатидек бўлиб қолишидан, яъни бу дунёда ҳасрат-надомат, охиратда эса оғир азоб етишидан огоҳлантирамиз.

Охир-оқибат, ғалаба ва зафар фақат Ислом ва тақводорларга ёр бўлади. Аллоҳ Ўз динига, кеч бўлса ҳам, албатта нусрат беради. Аллоҳ Таоло айтади:

﴿إِنَّ الأَرْضَ لِلّهِ يُورِثُهَا مَن يَشَاءُ مِنْ عِبَادِهِ وَالْعَاقِبَةُ لِلْمُتَّقِينَ﴾

«Бу ер шак-шубҳасиз Аллоҳникидир. Уни Ўзи хоҳлаган бандаларига мерос қилиб берур. Оқибат-натижа эса тақводорларники (Аллоҳдан қўрққанларники) бўлур». (Аъроф сураси, 128-оят)

Саид Фазл