Яҳудий вужуди мустамлакачилик лойиҳасидан иборат бўлиб, Голландия унга асосий таянч вазифасини ўтамоқда
Матбуот баёноти
Яҳудий вужуди мустамлакачилик лойиҳасидан иборат бўлиб, Голландия унга асосий таянч вазифасини ўтамоқда
Оммавий ахборот воситалари янги «NSC» (Ижтимоий шартнома) партиясининг ҳукуматдан чиқишини гўё принципларга асосланган қадам сифатида талқин қилишга шошилди. Гўё бу партия Ғазода фаластинликларнинг даҳшатли азоб-уқубатлари сабабли ўз сиёсий йўналишидан бутунлай воз кечгандек кўрсатилди. Аслида эса бу тасаввур мутлақо нотўғри. Чунки уларнинг ҳукуматдан чиқиши ахлоқий ғазабнинг ифодаси эмас, балки сиёсий ҳисоб-китоблар натижасидир. Шу боис, ушбу ҳолат янги партияни мустамлакачилик лойиҳаси бўлмиш яҳудий вужуди доирасидан ажратмайди, балки унинг аъзолари бу вужуд билан қай даражада чамбарчас боғланиб қолганини яққол очиб беради.
Яҳудий вужуди азалдан, мустамлакачилик лойиҳаси сифатида пайдо бўлган пайтдан бери мусулмонларнинг кўкрагига санчилиб турибди. Бу вужуд минтақани парчалаш, заифлаштириш ва Ғарб манфаатлари йўлида келгинди яҳудийларнинг янги тураржойларига айлантириш мақсадида барпо этилган ва ҳануз шу мақсадда сақланиб турибди. Голландияга келсак, бу давлат ўнлаб йиллар давомида ушбу лойиҳанинг ажралмас қисми сифатида ҳаракат қилиб келмоқда. «VVD» (Эркинлик ва Демократия учун халқ партияси), «BBB» (Фермер Фуқаролар ҳаракати партияси) ва Миллий хавфсизлик кенгаши каби кучлар яҳудий вужудини давлат сифатида эътироф этиб, уни қўллаб-қувватлаб келмоқда. Шу тариқа, улар бир асрдан зиёд вақтдан бери Фаластин халқига зулм ўтказиб келаётган мустамлакачилик лойиҳасини ҳам қўллаб-қувватламоқда.
Жорий ҳукумат билан Миллий хавфсизлик кенгаши ўртасида айтилаётган фарқлар мутлақо сохта. Чунки коалиция очиқдан-очиқ Нетаняхунинг геноцид сиёсатини қўллаб-қувватламоқда, Миллий хавфсизлик кенгаши эса тузилганидан бери уни сукут билан қабул қилиб келмоқда. Аслида уларнинг бирортаси босқинчиликни ҳам, этник тозалашни ҳам, мустамлакачилик воқелигини ҳам муаммо деб билмайди. Улар учун ягона муаммо – Нетаньяху сиёсатининг ҳимоя қилиб бўлмайдиган тарзда амалга оширилаётган услубида, холос. Шунинг учун «NSC»нинг ҳукуматдан чиқиши Ғазога ҳамдардлик ифодаси эмас, балки уч омилга асосланган сиёсий ҳисоб-китобдир. Биринчи: БМТ очиқдан-очиқ геноцид ҳақида баёнот берганидан кейин кучайган халқаро босим; Иккинчи: Гаагадаги оммавий намойишлардан кейин кучайган ички босим; Учинчи: сайловда тарихнинг «нотўғри тарафи»га тушиб қолишдан қўрқиш.
Фаластинликлар учун эса ҳеч нарса ўзгармади. Азоб-уқубат қарийб икки йилдан бери давом этмоқда: ўн минглаб инсонлар ҳалок бўлди, болалар очлик азобини чекяпти, бутун шаҳарлар вайронага айланди. Миллий хавфсизлик кенгаши эса барчасига бефарқ томошабин бўлиб турибди, сукут сақлаяпти ва ёрдам беришдан юз ўгирмоқда. Улар юз ўгирган лаҳза зулмнинг бошланиши эмас, балки сиёсий жиҳатдан уни давом эттириш мумкин бўлмай қолган палла эди.
Буларнинг барчаси Голландия яҳудий вужуди учун оддий вақтинчалик иттифоқчи эмас, балки Ғарбнинг кенг қамровли мустамлакачилик лойиҳасида фаол таянч эканини яққол кўрсатиб турибди. Яҳудий вужуди эса йўлдан адашган оддий давлат эмас, балки азалдан мустамлакачилик мантиғини ўзида мужассам этган лойиҳадир. Шу боис, Голландия партиялари ушбу лойиҳани тан олиб, уни қўллаб-қувватлаётган экан, бу билан унинг давом этишига шерик бўлиб келмоқда.
Шунинг учун ҳам Ғазо ҳеч қачон – на Гаагадан, на Брюсселдан ва на Вашингтондан – Ғарб раҳбарларининг «раҳм-шафқати» деб аталадиган нарса билан озод этилмайди. Чунки бу ҳукуматлар бетараф эмас, балки мусулмон юртларида яҳудий вужуди орқали ифодаланган мустамлакачилик тузумининг асосий меъмори ва қўриқчилари ҳисобланади.
Ҳақиқий озодлик фақат мусулмонлар ўзлари бу лойиҳани рад этиб, бирлашган вақтда рўёбга чиқади. Уммат ўз бирлигини тиклаб, Ғарбга бўйсунишдан холи, Ислом асосида фаолият юритадиган сиёсий ҳокимиятни барпо этгандагина ҳақиқий озодликка эришилади. Ана шунда Фаластин озод қилинади, у билан бирга бутун инсоният ҳам капитализм ва мустамлакачилик зулмидан халос бўлади.
Окай Пала
Ҳизб ут-Таҳрирнинг Голландиядаги матбуот вакили
