Ҳизб ут-Таҳрир – Судан вилояти делегацияси Оқ Нил вилоятидаги Уламолар ҳайъати раиси билан учрашув ўтказди
Матбуот хабари
Ҳизб ут-Таҳрир – Судан вилояти делегацияси Оқ Нил вилоятидаги Уламолар ҳайъати раиси билан учрашув ўтказди
Ҳизб ут-Таҳрир – Судан вилояти делегацияси 2025 йил 8 сентябр, душанба куни Оқ Нил вилояти маркази Рабак шаҳрида катта Аслайя масжиди имом-хатиби, Судан олимлар ҳайъатининг Оқ Нил бўлими раиси аллома шайх Абдуллоҳ Нур Туту билан унинг Аслайя маҳалласидаги уйида учрашув ўтказди. Делегацияга Ҳизб ут-Таҳрир аъзоси доктор Аҳмад Муҳаммад раҳбарлик қилди. Унга Ҳизб ут-Таҳрир аъзолари устозлар Файсал Маданий, Абдулмажид Усмон Абу Ҳожир ва Зайн Абдурраҳмон ҳамроҳлик қилди. Учрашув «Дарфурнинг ажралиб чиқишини олдини олиш» мавзусида Ҳизб томонидан олиб борилаётган кампания доирасида бўлиб ўтди.
Делегация раҳбари доктор Аҳмад ушбу ташриф Дарфурнинг ажралиб чиқишини олдини олиш мақсадида Ҳизб ут-Таҳрир томонидан бошланган кампания доирасида амалга оширилаётганини таъкидлади. У «қонли чегаралар» деб номланган режа орқали аллақачон парчаланганни яна парчалаш йўли билан Дарфурни ажратишга қаратилган Америка режаси эканини очиқлаб, бу режа жанубни ажратиб олишда қўлланган сценарий билан бир хил тарзда амалга оширилаётганини қайд этди. Шу билан бирга, Росулуллоҳ ﷺнинг мўмин бармоғини бир тешикдан икки марта чақтирмаслиги ҳақидаги ҳадисини эслатди. Дарфур ҳам жануб сингари «ўз тақдирини ўзи белгилаш ҳуқуқи» баҳонаси билан бўлиниб кетишига йўл қўймаслик зарурлигини уқтирди. Доктор Аҳмад, шунингдек, Уммат бирлигининг тақдирий аҳамиятга эга эканини қатъий таъкидлаб, кофирларнинг лойиҳаларини фақат уни бирлаштирадиган Халифаликни барпо этиш орқалигина бартараф этиш мумкинлигини алоҳида қайд этди.
Шайх Ҳизбга миннатдорчилик билдиргач, очиқ ва равшан қилиб шундай деди: «Ислом Уммати ва унинг бирлигига оид бундай масалада ташриф бир неча соат билан чекланмаслиги керак». У яна қўшимча қилди: «Ғарб туну кун Умматга қарши макр қилиб, фитналар тузмоқда». Сўнг шайх очиқ сўз билан: «Мендан аниқ нима талаб қилиняпти?» деб сўради. Делегация эса шундай жавоб берди: «Дарфурни ажратишга қаратилган режани барбод қилиш учун одамларга тушунтириш ишларини олиб бориш зарур. Шунингдек, одамлар фақат битта йўл борлигини, у ҳам бўлса, рошид Халифаликни барпо этиш орқали Умматни бирлаштириш эканини билиб олишлари керак». Шайх Ҳизб аъзоларига миннатдорчилик изҳор этиб, бу – Ҳизб ут-Таҳрир аъзолари уни зиёрат қилиш учун келган ташрифлари чоғида улар билан бўлиб ўтган илк учрашув эканини, лекин Ҳизб ҳақида ўқиганини айтди. Бундан ташқари, 2012 йилдаги китоб кўргазмасига ташриф буюрганини ҳам эслатиб ўтди. Умридан қолган қисмини, инша Аллоҳ, Уммат бирлиги лойиҳасига хизмат қилишга бағишлашини ваъда қилиб, «аҳд-паймон Аллоҳ биландир», деб таъкидлади.
Иброҳим Усмон (Абу Халил)
Ҳизб ут-Таҳрирнинг Судан вилоятидаги расмий нотиғи
