Шармуш Шайх конференцияси – «тинчлик» шиори остида босқинчиликни мустаҳкамлаш

بِسْمِ اللهِ الرَّحْمٰنِ الرَّحِيمِ

Шармуш Шайх конференцияси – «тинчлик» шиори остида босқинчиликни мустаҳкамлаш

Устоз Саид Фазл

Ҳизб ут-Таҳрирнинг Миср

вилоятидаги матбуот бўлими аъзоси

2025 йил 13 октябр куни Мисрнинг Шармуш Шайх шаҳрида «Шармуш Шайх тинчлик саммити» деб номланган халқаро конференция бўлиб ўтди. Унда йигирмадан ортиқ давлат ва халқаро ташкилот вакиллари иштирок этди. Конференцияга АҚШ президенти Трамп ва Миср президенти Сисий раислик қилди. Шунингдек, бир қатор Араб ва Ғарб давлатлари раҳбарлари, БМТ, Европа Иттифоқи ва Африка Иттифоқи вакиллари ҳам иштирок этди. Бу конференция Ғазога қарши урушни тўхтатиш тўғрисидаги келишув эълон қилинганидан кейин ўтказилди. Келишувга кўра, асирларни алмашиш, ёрдам учун чекланган йўлакларни очиш ва Ғазодаги вазиятни халқаро назорат остида қайта ташкил этиш назарда тутилган эди.

Конференциянинг чақирилиши тасодифий бўлмади, балки у бир қатор сиёсий ва ҳарбий омилларнинг ўзаро боғлиқлиги натижасида юзага келди. Улар қуйидагилардан иборат:

• Урушни тўхтатиш: Дунё бўйлаб, айниқса Европа ва Америкада оммавий босим кучайиши ортидан, Америка яҳудий вужуди хавфсизлигини таъминлайдиган ва тўқнашувнинг қайта бошланишини олдини оладиган узоқ муддатли тинчликни мустаҳкамлаш йўлига ўтди.
• Исломий халқ ҳаракатлари кучайишини олдини олиш: Бу уруш Фаластин масаласини яна жаҳон саҳнаси марказига қайтарди ва мусулмон жамоатларида исломий руҳни уйғотди. Бу эса Ғарб ва малай режимларни Уммат ёки унинг армиялари ҳаракатга келиш эҳтимоли борасида хавотир уйғотди. Шу боис, конференция сиёсий йўл билан вазиятни яна назорат остига олиш учун ўтказилди.
• Ғазо бошқарувини қайта тузиш: Америка секторда янги тартиб ўрнатишга интиляпти. Бу режа Ҳамасни амалий назоратдан четлатиш, халқаро ёки араб назорати остида фуқаролик бошқарувини ташкил этиш, кейин эса босқинчиликни кенгроқ сиёсий келишувларга киритишни назарда тутади.
• Урушдан кейинги босқичга тайёргарлик кўриш: Бунга қайта қуриш ишларини шартли маблағлар ва халқаро назорат билан боғлаш, кузатувчи кучларни жойлаштириш ҳамда яҳудийлар билан расмий каналлар орқали муносабатларни нормаллаштириш киради.

«Тинчлик» ва қайта қуриш шиорлари ортида АҚШ ва яҳудий вужуди лойиҳасига хизмат қилувчи очиқ мақсадлар яширинган:

Биринчи: АҚШ қарашларига мувофиқ урушни тўхтатилган ҳолатни мустаҳкамлаш – яъни вақтинчалик сулҳни можарони музлатиб қўядиган ва унинг қайта авж олишига йўл қўймайдиган доимий ҳолатга айлантириш.

Иккинчи: Ғазо чегараларига халқаро кузатувчи кучларни киритиш ва молиялаштиришни донорларнинг хавфсизлик режасини тасдиқлаши билан боғлаш орқали «хавфсизлик чоралари» шиори остида қаршилик ҳаракатини қуролсизлантириш.

Учинчи: сектор учун технократик ёки араб қўшма бошқарувини тузиш. Яъни бу бошқарув Ғарб малайлари бошчилигида ҳақиқий қарорни АҚШ ва Ғарб қўлига топшириб, Ҳамас ва бошқа қуролли тузилмалар таъсирини тугатади.

Тўртинчи: Кэмп-Дэвид шартномасига мувофиқ ва яҳудий вужуди билан ишларни мувофиқлаштириш орқали ушбу келишувлар учун Мисрни хавфсизлик кафили сифатида мустаҳкамлаш. Бу эса Миср режимига ҳибсга олиш, ўлдириш ва қувғин қилиш эркинлигини берадиган ҳамда яҳудийлар амалга оширишда муваффақиятсизликка учраган ишни, яъни қаршилик ҳаракатини йўқ қилишни амалга оширишига йўл очадиган хавфсизлик вазиятини яратади.

Бешинчи: Фаластин масаласини инсонпарварлик муаммосига айлантириб, ерни озод қилиш ва босқинчи вужудни йўқ қилиш ўрнига қайта қуриш, молиялаштириш ва турмуш шароитини яхшилашга эътиборни қаратиш.

Конференция кофир мустамлакачи Ғарб билан мусулмон ҳукмдорлар ўртасидаги узвий иттифоқни яна бир бор намойиш этди. АҚШ бошчилигидаги Ғарб Фаластинга озод қилиниши керак бўлган босиб олинган ер сифатида эмас, балки яҳудий вужудининг доимий устунлигини таъминлаш учун ҳал қилиниши керак бўлган хавфсизлик масаласи сифатида қарайди. Шу боис у бу масалани йўқ қилиш ва яҳудий вужудини минтақага интеграция қилиш учун барча сиёсий кучидан фойдаланади.

Араб ҳукмдорлари, айниқса Миср ҳукмдорлари, АҚШ лойиҳасининг ижрочи воситаларидир: улар яҳудийлар чегараларини ҳимоя қилади, қаршилик гуруҳларига босим ўтказади, ўтказиш йўлакларини ёпади ва «тинчлик» конференцияларини хиёнат учун сиёсий ниқоб сифатида тақдим этади.

Бу масала фақат Миср билан чекланиб қолмади: Иордания, Қатар, Бирлашган Араб Амирликлари ва Саудия ҳукмдорлари ҳам конференцияда қатнашиб, унинг натижаларини маъқуллашди. Бу ҳолат шуни кўрсатадики, ҳукмдорлар Умматнинг бир қисми эмас, балки душман лагерининг бир қисмидир; улар АҚШ буйруқларини бажаради ва Фаластинга ҳақиқий ёрдам беришга қаратилган ҳар қандай ҳаракатни босим ва тазйиқ билан жиловлайди.

Яҳудий вужудини тан олиш ёки Фаластин ерининг бир қисми бўйича музокара олиб боришга асосланган ҳар қандай конференция ёки келишув ботил ва шариатга кўра ҳаромдир. Фаластин – Ислом еридир ва ҳукмдорлар ёки гуруҳлардан ҳеч ким унинг бир қаричини ҳам тасарруф қилишга ҳақли эмас. Балки, Салоҳиддин роҳимаҳуллоҳ Қуддусни озод этганидек, Фаластинни озод этиш учун мусулмон армиялар сафарбар қилиниши керак.

Бу конференция Фаластин масаласини йўқ қилиш лойиҳасининг навбатдаги боби; у масалани ҳарбий майдондан олиб, АҚШ музокаралари столига кўчиради ва бу жараёнда ҳукмдорларнинг хиёнаткор қатламлари иштирок этади. Ғарб ҳеч қачон холис воситачи бўла олмайди, зеро у яҳудий вужудини ташкил қилган, уни ҳимоя қилиб келаётган, молиялаштираётган ва ҳарбий устунлигини кафолатлаётган томондир. Шундай экан, бундай анжуманларда иштирок этиш ёки уларнинг натижаларини қабул қилиш Исломга ва Умматга очиқ хиёнатдир. Чунки бу душманнинг мусулмон ерларида мавжудлигини қонунийлаштириш билан бирга, диққатни ҳақиқий шаръий ечимдан буриб юборишга хизмат қилади.

Ғазо ва бутун Фаластин олдидаги ҳақиқий вазифа баёнотлар чиқариш ёки халқаро конференциялар ўтказилишини кутиш эмас. Бу ерни озод этиш учун жиҳод қилиш, унинг аҳлини қурол ва мард инсонлар билан қўллаб-қувватлашдир. Бундай олий мақсад шартли ёрдамлар ёки сиёсий келишувлар орқали амалга ошмайди. Фаластин атрофидаги Иордания, Миср ва Туркия давлатларининг армиялари яҳудий вужудини бир неча соат ичида тор-мор этишга тўлиқ қодир. Бироқ, ҳукмдорлар Кэмп-Дэвид, Водий Араба ва Осло каби хорлик ва хоинлик шартномаларига содиқ қолиб, бу армияларнинг ҳаракатга келишига тўсқинлик қилишмоқда. Шу боис, армияларни бу ҳукмдорларни қулатиш ва Рошид Халифаликни тиклаш учун ҳаракатга келишга ундаш Умматнинг бурчидир. Зеро, Халифалик ерларни озод қилади ва Умматнинг азизлигини қайта тиклайди.

Эй Кинона аҳли! Шармуш Шайхда содир бўлган воқеа Ғазонинг ортидан берилган навбатдаги зарба ва қаршилик ҳаракати руҳининг қолдиқларини ҳам йўқ қилишга қаратилган Америка келишувларини мажбуран жорий қилиш бўлди. Ғалаба «тинчлик» конференциялари орқали эмас, балки Умматингиз ва динингизни қўллаб-қувватлашингиз, ҳукмдорлар кишанларини узишингиз ва Фаластинни озод этиш учун ҳаракатга келишингиз орқали амалга ошади.

Эй «Кинона» (Миср) армиясидаги садоқатли зобитлар!

Билиб қўйингларки, ҳукмдорларингиз яҳудий вужудини сақлаб қолишда амалий ва фаол иштирок этишмоқда. Бу эса улар учун янги ёки ажабланарли ҳолат эмас. Аксинча, айнан улар яҳудий вужудини Ислом Умматининг юрагида барпо этишга кўмаклашишган. Аммо энг ажабланарлиси – сизнинг мавқеингиз! Нега ҳанузгача ягона Уммат фарзандларини бўлиб парчалаган Сайкс–Пико чегараларига маҳкам ёпишиб олгансизлар? Ҳар қандай мусулмонга очилган урушни бутун мусулмонларга қарши очилган уруш деб ҳисоблайдиган тушунчалар қани? Қачонгача сизлар ҳар бир соҳада ҳаракат қиласизлару, фақат Аллоҳ йўлида, Ислом ва мусулмонларни ҳимоя қилиш йўлидагина ҳаракатсиз қоласизлар?! Шундай экан, малай ҳукмдорларнинг бўйнингизга осган занжирни ечинглар ҳамда Пайғамбарлик минҳожи асосидаги рошид Халифалик соясида Исломни яна татбиқ этиш йўлида ихлос билан ҳаракат қилаётганлар сафида бўлинглар. Зеро, Халифалик сизларни бутун Фаластинни ва босиб олинган барча мусулмон юртларини озод этиш сари етаклайди. Шунда сизлар ансорлар каби улуғ фазилат ва шарафга эга бўласизлар.

Эй Аллоҳим! Бу Уммат учун тўғри йўлга бошловчи бир ишни муҳайё эт! Унда Сенга итоат қилувчилар иззат топиб, Сенга осий бўлганлар хор бўлади. Унда Сенинг Китобинг билан ҳукм юритилиб, Сенинг давлатинг — Ислом Халифалиги — барпо этилади. Унда маъруфга буюрилиб, мункардан қайтарилади ҳамда Фаластин ва барча мусулмон юртлари озод этилади.

Роя газетасининг 2025 йил 22 октябр, чоршанба кунги 570-сонидан