Трамп мусулмонлар юртларидаги ҳукмдорлардан иборат тобеларини шарманда-ю шармисорлик келишуви сари етакламоқда

بِسْمِ اللهِ الرَّحْمٰنِ الرَّحِيمِ

Трамп мусулмонлар юртларидаги ҳукмдорлардан иборат тобеларини шарманда-ю шармисорлик келишуви сари етакламоқда

Улар эса Ҳошим Ғазосини мандат ва мустамлакачилик чангали остига киритиш билан унинг қаршисида бошларини эгишмоқда!

(Хавфсизлик кенгаши сешанба куни америка президенти Дональд Трампнинг Ғазо секторига оид режасини маъқуллади, бундан олдин Қўшма штатлар тақдим этган резолюция лойиҳасини тасдиқлаб, Трампнинг Секторда тинчлик ташаббусини қўллаб-қувватлаган эди. Трамп хавфсизлик кенгашининг Ғазо бўйича резолюцияни ёқлаб овоз берганини тарихий лаҳза деб баҳолади… ВВС 18.11.2025). Оммавий ахборот воситалари нашр қилган америка президенти Дональд Трампнинг Ғазодаги можарога барҳам беришга оид 2025 йил 29 сентябрда чиққан 20 пунктдан ташкил топган режасини маъқуллаш бўлган 2803-рақамли бу резолюция нимадан иборат.

Хавфсизлик кенгашининг мазкур резолюциясидаги энг хатарли пунктлар қуйидагилардир:

1-  “Тинчлик кенгаши”(ВоР)ни тузиш, у халқаро юридик шахсиятлардан иборат ўтиш даври органи сифатида ишнинг асосий режасини белгилаб беради ва Ғазони қайта тиклашни молиялаштиришни координациялаш билан шуғулланади. Буни комплекс режага ва шунга алоқадор халқаро ҳуқуқ принципларига мувофиқ ҳолда олиб боради, ва бу то Фаластин маъмурияти ўзининг ислоҳот программасини якунига еткизгунига қадар давом этади.

2-  Ўтиш даври бошқарувини амалга ошириш, жумладан, Фаластин технократ қўмитасини назорат қилиш ва қўллаб-қувватлаш, у Сектор аҳолиси орасидаги сиёсий бўлмаган, малакали фаластинликлардан тузилади.

3-  Тинчлик кенгаши билан ҳамкорлик қилувчи аъзо давлатларга ва кенгашнинг ўзига ҳам Ғазода муваққат халқаро барқарорлаштирувчи кучлар (ISF) ни тузишга рухсат берилади, бу кучлар тинчлик кенгашига мақбул бўлган ягона қўмондонлик остида жойлаштирилади, уларда ҳамкор давлатлар кучлари ҳам иштирок этади. Тайёргарликдан ўтган ва аъзолари синчиклаб текширилган янги Фаластин полиция кучлари ҳам тузилади, бу кучлардан Ғазода чегара минтақалари хавфсизлигини таъминлашда ва тинчлик вазиятини барқарорлаштиришда фойдаланилади, барқарорликни Ғазода қуролсизлантиришни таъминлаш, ва шу жумладан, ер ости ҳарбий, террорчилик ва ҳужум туннеллари инфраструктураларини йўқ қилиш ва уларнинг қайта тикланишига йўл қўймаслик орқали амалга оширилади.

4-  Тинчлик кенгаши ва рухсат берилган халқаро фуқаро ва хавфсизлик иштирокчилари бу резолюцияга кўра 2027 йил 31 декабргача ваколатини сақлаб қолади, кенгаш томонидан кейинчалик бўладиган ҳар қандай тадбирни амалга ошириш гарови бўлган ҳолда иш олиб боради, одамларнинг Ғазога кириш ва чиқишларини енгиллатиш чораларини кўриш билан шуғулланади.. Тинчлик кенгашидан юқорида айтилганлар борасида эришилган олдинга силжишлар ҳақида ҳар олти ойда хавфсизлик кенгашига ёзма равишда ҳисобот топшириш талаб қилинади.

Эй мусулмонлар: хавфсизлик кенгашининг бу резолюциясига назар ташлаган киши унинг Ғазони мандат ва мустамлака қилиш эканини тушуниши учун чуқур фикрлашига муҳтож бўлмайди.  Чунки унда бошқарув органи (тинчлик кенгаши) тузиш режаси турибди. Бу кенгаш “барқарорликни сақловчи халқаро кучлар”ни тузади ва бу кенгаш ва у тузадиган кучлар икки йилдан кўпроқ вақтгача, яъни 2027 йил 31 декабргача давом этади. Ваҳоланки у охири йўқ муддатдир, бугина эмас, балки у “кенгаш томонидан кейинчалик бўладиган ҳар қандай тадбир-чоранинг” гаровидир. Қолаверса, бу кенгаш “ўтиш даври бошқарув органи”ни ҳам тузади, фақат шу шарт биланки, бу орган – бошқарув ишларидан чеккада бўлиши учун – сиёсий бўлмаслиги лозим. У билангина кифояланмайди, аксинча бу кенгаш одамларнинг Ғазога кириши ва чиқишини ҳам назорат қилади!! Яъни бу машъум резолюция мандат ва мустамлака қилишдан ҳам ўтиб тушган бир қарордир!

Эй мусулмонлар: Бу Хавфсизлик Кенгашининг қарори бир дақиқалик иш эмас, балки уни Трамп мусулмон юртларидаги ҳукмдорлардан иборат тарафдорлари билан биргаликда 2025-йил сентябр ойида Бирлашган Миллатлар Ташкилотида бўлиб ўтган йиғилишдан бошлаб тайёрлаган. Трамп Саудия Арабистони, Бирлашган Араб Амирликлари, Қатар, Миср, Иордания, Туркия ва Индонезияни ўз ичига олган йиғилишга раислик қилди, бу эса 2025-йил 23-сентябр, сешанба куни Бирлашган Миллатлар Ташкилотининг Бош Ассамблеяси йиғилишлари чоғида бўлиб ўтди ва уни энг муҳим йиғилиш деб атади. Кейин уларга 20 банддан иборат режани тақдим этди ёки мажбуран юклади. Унинг йигирма банддан иборат режаси Ғазонинг йўқ қилиниши, унга васийлик қилиниши ва уни мустамлакага айлантирилиши ҳақида бўлиб, шунда Ғазо Трамп ва унинг яҳудий арзандалари завқланадиган боғга айланиши керак эди! Сўнгра Сиси Кинона (Миср) диёрида Трамп ва унинг фалокатли режаси, яъни Ғазонинг Трамп ва унинг яқин дўсти Нетаняҳу назорати остида йўқ бўлиши шарафига тантана уюштирди… Мусулмонлар юртларидаги рувайбиза ҳокимлар Трампга бўлган садоқатлари ва унинг режасини амалга оширишни уларга юкланганлиги билан жуда хурсанд бўлишди! Ушбу ҳукмдорлар кофирларга бўлган садоқатлари дунёда ҳам, охиратда ҳам хорлик келтирадиган жиноят эканлигини унутишди ёки ўзларини унутганга олишди.

سَيُصِيبُ الَّذِينَ أَجْرَمُوا صَغَارٌ عِنْدَ اللَّهِ وَعَذَابٌ شَدِيدٌ بِمَا كَانُوا يَمْكُرُونَ

Яқинда бундай жинояткорларга қилиб ўтган ҳийла-найранглари сабабли Аллоҳ ҳузурида хорлик ва қаттиқ азоб етажакдир.[Анъом: 124]

Эй мусулмонлар юртларидаги қўшинлар! Ҳошим Ғазосини сотиб юборилаётгани ва сотиб олинаётганини кўриб-эшитиб туриб ҳам томирларингиздаги қонлар жунбишга келмайдими? Сизлар яҳудийларнинг Ғазодаги болалар, қариялар ва аёллар устидан қилаётган қирғинларини кўриб-эшитиб туриб ҳам, икки яхшиликдан бирига ошиқмайсизларми? Сизлар Ғазода одамлар, дарахтлар ва тошлардан тортиб ҳеч нарсани четда қолдирмасдан қилинаётган ваҳшиёна ҳужумдан паноҳ топиш учун масжидлар, мактаблар ва шифохоналарда яширинган одамларнинг устидан бомбардимон қилинаётганлари учун интиқом олмайсизларми? Сизлар дунё ва охират азизлигига ошиқиб, Аллоҳга ёрдам бермайсизми, У ҳам сизга ёрдам беради!

يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ * وَالَّذِينَ كَفَرُوا فَتَعْساً لَهُمْ وَأَضَلَّ أَعْمَالَهُم

Эй мўминлар, агар сизлар Аллоҳга ёрдам берсангизлар (яъни Унинг йўлида жиҳод қилсангизлар), У зот ҳам сизларга ёрдам берур ва жанг майдонида қадамларингизни собит-барқарор қилур. Кофир бўлган кимсалар учун эса ҳалокат бўлур ва (Аллоҳ) уларнинг амалларини зое кетказур. [Муҳаммад: 7-8]

Эй мусулмонлар қўшинларидаги аскарлар, сизлар олдинги Ислом лашкарининг изидан бориб, Фаластин ва Ҳошим Ғазосини озод қилишга қодир эмасмисизлар? Ҳа, сизлар, албатта, қодирсизлар. Чунки сизлар яҳудий вужудини худди қўлдаги билагузукдек ўраб турибсиз, лекин сизларга самимий, фидоий етакчи керак.. Оранггизда  сизларни, хор-зорлик битилган ва сизлар билан жанг қилса, албатта, мағлуб бўладиган душманга қарши урушга бошлайдиган шундай бир қўмондон йўқми?

وَإِنْ يُقَاتِلُوكُمْ يُوَلُّوكُمُ الْأَدْبَارَ ثُمَّ لَا يُنْصَرُونَ

Агар сизлар билан уришсалар, кетларига қараб қочадилар. Сўнгра уларга (ҳеч ким томонидан) ёрдам берилмайди. [Оли Имрон: 111]

Ва ундан кейин бу қўмондон Ислом лашкарига етакчилик қилиб, Ҳошим Ғазосини, биринчи қиблани ва учинчи ҳарамни озод қилади, унинг атроф-жавонибларидан худди Умарул Форуқ фатҳ қилган пайтида, Салоҳиддин Байтул-Мақдисни озод этганида, Aбдулҳамид муборак ерни яҳудлар шарридан ҳимоя қилганида янграганидек, ғалаба такбирлари янграйди… Ва ундан кейин Расулуллоҳ ﷺнинг хушхабари амалга ошади: «Сизлар яҳудийлар билан жанг қиласиз ва уларни ўлдирасиз…» бу ҳадисни Муслим ўз Саҳиҳида чиқарган.

Эй мусулмонлар юртларидаги қўшинлар: Ғазо сизлардан ёрдам сўрамоқда, бас, унга ёрдам беринглар:

وَإِنِ اسْتَنْصَرُوكُمْ فِي الدِّينِ فَعَلَيْكُمُ النَّصْرُ

Агар улар дин йўлида сизлардан ёрдам сўрасалар, ёрдам қилиш зиммангиздадир. [Анфол: 72]

Дарҳақиқат, паймона тўлиб, иш энди васийлик-у мустамлакачиликка қадар етиб борди! Сизларнинг Муқаддас Замин – Исро ва Меърож ерини Дорул-Исломга қайтариш учун душманга қарши жанг қилишни йиғиштириб,  ҳокимларингизга бўйсунишингизга келсак, бу бўйсуниш сизларни дунёда шармандалик ва охиратда эса аламли азобга мубтало қилади.. Ҳатто сизлар бўйсунаётган бу ҳокимлар сизлардан тезда воз кечишади… Сўнгра пушаймон бўласизлар, аммо унда кеч бўлади.

إِذْ تَبَرَّأَ الَّذِينَ اتُّبِعُوا مِنَ الَّذِينَ اتَّبَعُوا وَرَأَوُا الْعَذَابَ وَتَقَطَّعَتْ بِهِمُ الْأَسْبَابُ * وَقَالَ الَّذِينَ اتَّبَعُوا لَوْ أَنَّ لَنَا كَرَّةً فَنَتَبَرَّأَ مِنْهُمْ كَمَا تَبَرَّءُوا مِنَّا كَذَلِكَ يُرِيهِمُ اللَّهُ أَعْمَالَهُمْ حَسَرَاتٍ عَلَيْهِمْ وَمَا هُمْ بِخَارِجِينَ مِنَ النَّارِ

У кунда пешволар эргашувчилардан тонадилар ва ҳаммалари азобни (кўзлари билан) кўрадилар. (У кунда уларни боғлаб турадиган) баҳонаю сабаблар узилади. Эргашувчилар: «Қанийди, яна бир карра (яшашнинг) иложи бўлса-ю, улар биздан тонганларидек, биз ҳам улардан тонсак», дейдилар. Шундай қилиб, Аллоҳ таоло уларнинг қилган амалларини ўзларига ҳасрат-надомат қилиб кўрсатади ва улар жаҳаннамдан чиқувчи бўлмайдилар. [Бақара: 166-167]

إنَّ فِي ذَلِكَ لَذِكْرَى لِمَنْ كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ

Албатта бунда (огоҳ) қалб эгаси бўлган ёки ўзи ҳозир бўлган ҳолда (яъни сидқидилдан) қулоқ тутган киши учун эслатма-ибратлар бордир. [Қоф: 37].

Ҳизб ут-Таҳрир 

28 жумодул увло 1447ҳ

19 ноябр 2025м