Пайгамбарыбыздын насааты

Бисмиллаахи рахмаанир рахиим

Асыл хадис менен

Пайгамбарыбыздын насааты

Урматтуу бир туугандар “Асыл хадис менен” берүүбүздүн жаңы чыгарылышын жакшы салам менен баштайбыз. Аллахтын тынчтыгы, ырайымы жана берекеси сиздер менен болсун.

Сахих аль-Бухаринин шархы Ибн Хажар аль-Аскаланинин Фатх аль-Барисинде “Пайгамбарыбыз (с.а.в) насааттарды жана илимдерди айтчу”  бөлүмүндө айтылат:

حدثنا محمد بن يوسف قال: أخبرنا سفيان عن الأعمش عن أبي وائل عن ابن مسعود قال: كان النبي صلى الله عليه وسلم يتخولنا بالموعظة في الأيام كراهة السآمة علينا.

Бизге Мухаммад бин Юсуф Ибн Масуддун риваятын айтып берди. Ал мындай деди: “Пайгамбар (ага Аллахтын салам-салаваттары болсун) бизге насаат айтуу үчүн белгилүү бир күндөрдү тандайт эле, анткени ал бизди зериктирүүнү жактырчу эмес”.

Урматтуу бир туугандар:

Насаат айтуу үчүн туура убакытты тандоо жана мүмкүнчүлүктү пайдалануу, биздин урматтуу Элчибиз (ага Аллахтын саламы жана салаваты болсун), бизди үндөгөн нерселердин бири. Ага Аллахтын саламы жана салаваты болсун, сахабаларына белгилүү бир убактарда насаат айтып кайрылган. Бул алардын зеригип, чарчабашы үчүн. Бүгүнкү күндө биз адамдарга ушундай кайрылабыз, бирок кээ бир адамдар бул талкууга карата, мисалы, “Халифалык” деген сөздүн кайталануусунан же Аллах түшүргөн нерсе менен башкарууну кайра орнотуу жөнүндө көп айтылгандыгынан тажап жаткандыктарын билдиришет. Бирок бул тажабаш керек болгон нерсе.

Эй мусулмандар:

Адамдарга насаат берүү дегенибиз, биз аларга алар уккусу келген нерсени гана айтышыбыз керек дегенди билдирбейт, тескерисинче, алар Аллах жана Анын Элчиси (ага Аллахтын салам-салаваты болсун) бизге угууну буйруган нерсени угушу керек. Азыркы учурда адамдарга Аллах түшүргөндөн башка нерсе менен өкүм жүргүзүп жатканын эскертүүдөн өткөн эскертүүгө татыктуураак нерсе барбы? Алар үчүн Куран жана Сүннөт менен башкарылган Ислам мамлекетин калыбына келтирүү үчүн амал кылып жаткандар менен бирге амал кылууга чакыруудан  да өткөн маанилүү эмне болушу мүмкүн? Дал ушул мамлекет мусулмандарды, атүгүл бүткүл дүйнөнү адилетсиздиктин укуругунан жана чириген капитализмдин караңгылыгынан куткарат.

Оо, Аллахым, бизге мусулмандарды бириктирип, азап-тозоктон арылта турган, пайгамбарлык үлгүгө ээрчиген туура жолду көрсөткөн Халифалыкты курууну тездет. Оо, Аллахым, жер жүзүн Өзүңдүн даңазалуу жүзүңдүн нуру менен жарык кыл.

Оо, Аллахым, аамиин, аамиин.

Аллах буйруса, келерки “Асыл хадис менен” берүүбүздөн жолугушканга чейин сиздерди Аллахтын камкордугуна, коргоосуна жана коопсуздугуна калтырабыз. Сиздерге Аллахтын тынчтыгы, ырайымы жана берекеси  болсун.

1447-х, 9- жумадис саани.

2025-ж, 30-ноябрь.