Покистон армияси Аллоҳнинг душманлари Трамп ва Нетаняхунинг орзуларини рўёбга чиқариш учун эмас, балки муборак Фаластин заминини озод этиш учун юборилиши лозим!
Матбуот баёноти
Покистон армияси Аллоҳнинг душманлари Трамп ва Нетаняхунинг орзуларини рўёбга чиқариш учун эмас, балки муборак Фаластин заминини озод этиш учун юборилиши лозим!
Ғазо аҳлига ёрдам кўрсатиш, шунингдек, 2023 йил 7 октябрдан буён у ерда оммавий қирғинни давом эттираётган яҳудийларга қарши жанг қилиш учун Покистон ҳарбий кучларини юбориш масаласи шу пайтга қадар муҳокама қилингани йўқ. Бунга «Ғазо узоқда, унга ёрдам бериш вазифаси фақат яқиндагиларга вожиб», деган баҳоналар рўкач қилинди. Бироқ Покистон режимининг хўжайини – Аллоҳнинг душмани Трамп – Ғазода ўз орзуларини рўёбга чиқариш учун режимдан қўшин юборишни талаб қилган заҳоти, мамлакат гўё бир зумда Ғазога қўшни давлатга айланиб, чегаралари ташқарида ҳарбий амалиётлар ўтказишга шай турган армия пайдо бўлди. Шу билан режимнинг Ғазо аҳлига ёрдам бериш учун қўшин юборишга «қурби етмаслиги» ҳақидаги ёлғони фош бўлиб, мусулмонларни ёрдамсиз ташлаб қўйганлиги ўз исботини топди. Шунингдек, ўтган ўн йилликлар давомида гувоҳи бўлиб келганимиздек, Покистон режими мустамлакачи кофирнинг – хусусан, минтақадаги манфаатлари йўлида юртимиз бойликлари ва ҳарбий қудратидан фойдаланиб келаётган Американинг – ўқдонидаги бир ўқ экани яна бир бор тасдиқланди. Бугун эса Америка ана шу имкониятлардан фойдаланиб, ўз манфаатлари ҳамда яҳудий вужуди манфаатларини рўёбга чиқаришни, шу орқали муборак Фаластин заминига янада чуқурроқ суқилиб киришни кўзламоқда. Ҳа, Покистон расмий режими бизни нақадар улкан хорлик ва шармандалик сари етаклаб келди!
Шу ўринда, Покистон бош вазири ўринбосари ҳамда ташқи ишлар вазири Исҳоқ Дарнинг шанба куни ўтказган учрашуви ҳам айнан шу контекстда кечди. Ушбу учрашувда кўплаб чалғитувчи даъволар ва очиқ-ойдин алдовлар билан бир қаторда, Америка ўз ҳаётий манфаатлари йўлида нима талаб қилса, шуни бажаришга бўлган шайлик ҳам яққол намоён бўлди. Албатта, Американинг ҳаётий манфаатлари муборак Фаластин заминини босиб олган яҳудий вужудининг хавфсизлиги ва нуфузини ҳимоя қилишда ўз аксини топади. Мазкур чалғитувчи даъволар қуйидагилардан иборат:
Биринчи: Исҳоқ Дарнинг: «Покистон ўз қўшинларини Ғазодаги тинчликпарвар кучлар таркибига юборишга тайёр, бироқ Фаластин қаршилик ҳаракати – Ҳамасни қуролсизлантиришдаги ҳар қандай ролдан мамлакатни четга тортди», деган гаплари шунчаки чалғитувчи даъво ва алдовдир. Ғазодаги салиб юриши етакчиси Трамп таклиф қилган «тинчликпарвар» кучлар аслида исми жисмига асло мос келмайдиган кучлардир. Зеро, улар Ғазо яқинида жойлашган, Америка томонидан бошқариладиган уруш марказига бўйсунади ҳамда бевосита унинг назорати ва қўмондонлиги остида ҳаракат қилади. Мазкур марказ эса – ҳатто Шаҳбоз Шариф ва унинг режими сохта гувоҳлик қилган Шармуш-Шайх келишувидан кейин ҳам – Ғазода амалга оширилаётган қирғинлар ва вайронагарчиликларни мувофиқлаштиришда давом этмоқда. Шундай экан, Америка ва яҳудий вужуди етакчилик қилаётган қўшинларнинг, аслида, улар томонидан амалга оширилаётган ифлос режаларни бажарувчи ёлланма кучлар эмас, балки тинчликни сақловчи кучлар бўлишига ким ҳам ишонади?! Агар улар чиндан ҳам тинчликпарвар кучлар бўлса, у ҳолда кимнинг тинчлигини сақлайди?! Ахир ушбу лойиҳа ва ташаббуснинг муаллифи айнан Трамп Америкаси эмасми?! Хўш, Америка яҳудий вужудининг ўша сохта «тинчлик келишуви»ни бузганига нисбатан нима қилди?! Уни Ғазо аҳлига қарши содир этилаётган қирғин ва таҳқирларни тўхташга мажбурладими ёки ҳеч бўлмаса буни қораладими? Ёки аксинча, ушбу қирғинларнинг асосий ҳомийси, қўллаб-қувватловчиси ва молиялаштирувчиси сифатида уларни мувофиқлаштириб, бу жиноятларда иштирок этдими, ҳатто уларни бевосита бошқариб ҳам турдими?!
Иккинчи: Вазир қаршилик ҳаракатини қуролсизлантириш масаласи юзасидан шундай деди: «Биз бунга тайёр эмасмиз, бу бизнинг вазифамиз эмас, балки Фаластин ҳуқуқ-тартибот идораларининг вазифасидир. Бизнинг вазифамиз тинчликни мажбурлаб ўрнатиш эмас, балки уни сақлашдан иборат. Шу маънода, биз бу кучлар таркибида иштирок этишга, албатта, тайёрмиз. Бош вазир фельдмаршал билан маслаҳатлашгач, иштирок этишимиз ҳақида принципиал жиҳатдан эълон қилди». Бу ҳам навбатдаги чалғитувчи даъводан ўзга нарса эмас. Агар ушбу қўшинлар ҳақиқатан ҳам «тинчликни сақловчи кучлар» бўлса, хўш, яҳудий вужуди Ғазо аҳлига ёки қаршилик ҳаракатига қарши бирор ҳарбий тажовуз бошласа, улар босқинчини тўхтатиб, унга қарши жанг қиладими?! Ёки аксинча, халқаро даражада ва Америка томонидан белгилаб қўйилган вазифага мувофиқ, тинчликпарвар кучлардан талаб қилинганидек, Ғазо аҳлини яҳудий вужудига қаршилик кўрсатишдан тўсувчи куч бўладими?! Қолаверса, ушбу вазир қаршилик ҳаракатининг айнан қайси қуроли ҳақида сўз юритмоқда ўзи?! Агар вазир ва унинг фельдмаршали икки йилдан ортиқ вақт мобайнида содир бўлаётган воқеаларни шунчаки томоша қилиб, бирор жиддий чора кўрмаган экан, наҳотки у яҳудий вужудининг Ғазода қаршилик ҳаракатининг кўплаб аъзоларини қириб, жисмонан йўқ қилиб келаётганини билмаса?! Қолаверса, яҳудий вужудининг хавфсизлик аппарати вазифасини ўтаб келаётган Фаластин маъмурияти кучларини қўллаб-қувватлаш – аслида, босқинчи яҳудий вужудига очиқдан-очиқ мадад бериш, улар билан елкадош туриш ва Ғазо аҳли ҳамда қаршилик ҳаракатининг қолган аъзоларига қарши яҳудийлар билан бир сафда жанг қилиш эмасми?! Аслида эса, ушбу кучларга юкланмоқчи бўлган вазифа Америка ва яҳудий вужуди бошлаган ифлос ишларни охирига етказишдир. Улар Осло маъмуриятининг малайлари билан биргаликда Ғазодаги қаршилик аъзоларининг қолганини ҳам батамом йўқ қилишни кўзламоқда.
Учинчи: Вазир Дарнинг Индонезия томонидан 20 минг аскар таклиф этилгани ҳақидаги баёнотига, шунингдек, бош вазир Шаҳбоз Шарифнинг Покистон иштирокини ижобий кўриб чиқишга «принципиал жиҳатдан» ишора қилиб ўтганига келсак, буларнинг барчаси муборак замин ва муборак Ақсо масжидини босиб олган яҳудий вужудининг асл воқелигидан мутлақо бехабарликдан далолат беради. Зеро, яҳудий вужудига барҳам бериш ва уни бутунлай йўқ қилиш учун 20 минг нафар индонезиялик ёки покистонлик жангчининг ўзи кифоя қилади. Бунинг яққол исботи шуки, Америка ва халқаро салибчи коалиция давлатлари томонидан, қолаверса, Иордания, Миср, Туркия ва Амирликлар каби минтақадаги қўшни давлатлар томонидан чексиз қўллаб-қувватланишига қарамай, яҳудий вужуди қуролсиз Ғазо аҳли ҳамда енгил қуролланган бир неча минг нафар қаршилик аъзоларининг иродасини синдиришга қодир бўлолмади. Эй Дар, наҳотки сен Покистон ёки Индонезиянинг 20 минг нафар шай турган мужоҳид элита қўшинларига яҳудий вужуди бардош бера олади, деб ўйласанг?!
Режим ўзининг сиёсий ва ҳарбий қанотлари билан бирга ушбу ифлос амалиётда ўзига қандай хиёнаткорона вазифа юклатилганини яхши билади. Шу сабабли, ўз обрўсини – агар шу обрўдан асар қолган бўлса, албатта – сақлаб қолиш учун макр-ҳийла, ёлғон ва фирибга қўл урди. Ўтган ойда Мудофаа вазири Хожа Осифнинг «ғазабланиб қилган чиқиши» ҳақида тарқалган хабарларни ҳам айнан шу контекстда тушуниш мумкин. Ўшанда у ҳукумат матбуот котиби Даниял Чаудрийнинг «юбориладиган кучлар ваколати Ҳамасни қуролсизлантиришни ҳам ўз ичига олади», деган баёнотини бақир-чақир билан кескин қоралаган эди. Энди эса, ушбу «ғазабнок» кимсага бир савол бор: агар бу кучлар зиммасига қаршилик ҳаракатини қуролсизлантириш вазифаси юклатилмаган бўлса, у ҳолда, улар қаршилик ҳаракатининг яҳудий вужудига қарши амалиётларига рухсат бердими?! Жиҳод шарафига ноил бўлишлари учун уларни қурол-яроғ ва аскарлар билан таъминлайдими?! Ёхуд Трамп келишувида белгилаб қўйилганидек ва бу кучларнинг ифлос ролидан кутилганидек, улар қаршилик ҳаракатини тўсиб, унга қарши жанг қиладими?! Хожа Осифнинг Америка ва яҳудий вужуди қўмондонлиги остида хизмат қиладиган ёлланма қўшинлар таркибида иштирок этишга тайёрлигини рад этиб чиқмагани ҳамда тафсилотларни эса ошкор қилишдан ўзини тийгани – ушбу вазифани айнан Трамп ва яҳудий вужуди истаганидек ҳамда улар рози бўладиган тарзда бажармоқчи эканини тасдиқлайди. Унинг сохта «ғазаби» эса, аслида, Покистон аҳлининг кўзига кул сепиш, режимнинг хиёнаткорона позициясини хаспўшлаш ва масалани чалкаштиришдан ўзга нарса эмас. Токи бу хиёнатни халққа сингдириш ва унинг босқичларида иштирок этиш бемалол амалга ошсин.
Эй Покистон армияси сафларидаги холис ҳарбийлар! Агар қўшинларингизни муборак Фаластин заминига юбораётган бўлсангиз, у ҳолда, бу сафарбарлик бутун Фаластинни озод этиш, Байтул Мақдис ва унинг атрофини яҳудий вужуди ифлослигидан поклаш учун амалга ошсин! Аллоҳга қасамки, агар сизлар Ислом ва мусулмонларга қарши тил бириктирувчи БМТ байроғини эмас, балки Тавҳид байроғини баланд кўтарувчи холис раҳбарият қўл остида бўлганингизда, ушбу шарафли вазифани аллақачон бажарган бўлар эдингиз! Бас, Трампнинг оғзига қараб иш тутаётган раҳбариятингизни тўхтатиб қолинг! Уларни ҳокимиятдан улоқтириб, ўрнига ўз орангиздан чиққан холис етакчиларни олиб келинг! Шунда улар Покистонда пайғамбарлик минҳожи асосидаги Рошид Халифаликни барпо этадиган Ҳизб ут-Таҳрирга нусрат бериш орқали Ислом ва мусулмонларни азиз қилсинлар! Зеро, Халифалик муборак заминни Америка ва яҳудий вужуди ифлослигидан поклаш учун қўшинларни сафарбар қилиб, сўнгги икки йил ичида шаҳид бўлган 70 мингдан зиёд биродарларимиз қони учун қасос олади!
يَٰٓأَيُّهَا ٱلَّذِينَ ءَامَنُواْ مَا لَكُمۡ إِذَا قِيلَ لَكُمُ ٱنفِرُواْ فِي سَبِيلِ ٱللَّهِ ٱثَّاقَلۡتُمۡ إِلَى ٱلۡأَرۡضِۚ أَرَضِيتُم بِٱلۡحَيَوٰةِ ٱلدُّنۡيَا مِنَ ٱلۡأٓخِرَةِۚ فَمَا مَتَٰعُ ٱلۡحَيَوٰةِ ٱلدُّنۡيَا فِي ٱلۡأٓخِرَةِ إِلَّا قَلِيلٌ * إِلَّا تَنفِرُواْ يُعَذِّبۡكُمۡ عَذَابًا أَلِيمٗا وَيَسۡتَبۡدِلۡ قَوۡمًا غَيۡرَكُمۡ وَلَا تَضُرُّوهُ شَيۡٔٗاۗ وَٱللَّهُ عَلَىٰ كُلِّ شَيۡءٖ قَدِيرٌ
«Эй мўминлар, сизга нима бўлдики, Аллоҳ йўлида (жиҳодга) чиқинг, дейилса, ўз ерингизга (яъни, юртингизга) ёпишиб олдингиз?! Охират (неъматлари)дан юз ўгириб, ҳаёти дунё (лаззатлари)га рози бўлурмисиз?! Охират олдида бу дунё матоси жуда оз нарса-ку?! Агар (жиҳодга) чиқмасангиз, (Аллоҳ) сизни аламли азоб билан азоблайди ва ўрнингизга бошқа бир қавмни келтириб қўяди. Сиз эса Аллоҳга бирон зиён етказа олмайсиз. Аллоҳ ҳамма нарсага қодирдир» [Тавба 38-39]
Ҳизб ут-Таҳрирнинг Покистондаги матбуот бўлими
