Ислам өкүмдөрү адамдын табиятына дал келет

Бисмиллаахи рахмаанир рахиим

Асыл хадис менен

Ислам өкүмдөрү адамдын табиятына дал келет

Урматтуу бир туугандар “Асыл хадис менен” берүүбүздүн жаңы чыгарылышын жакшы салам менен баштайбыз. Аллахтын тынчтыгы, ырайымы жана берекеси сиздер менен болсун.

عن سهل بن سعد أن رسول الله صلى الله عليه وسلم قال: «لَا يَزَالُ النَّاسُ بِخَيْرٍ مَا عَجَّلُوا الْفِطْرَ». رواه البخاري برقم 1856.

Сахл ибн Саад (р.а) айтты: Алланын Элчиси ага Алланын салам-салаваты болсун айтты: “Адамдар ооз ачууга шашылса, жакшылыкта (ден соолукта) болушат”.

Урматтуу бир туугандар:

Ислам бизди кубандырып, өз өкүмдөрү менен бизди ыраазы кылат. Ооз ачууну тездетүүнүн чоң хикматы бар, анткени ал бизди диндеги аша чабуудан жана динди оорлоштуруудан алыстатат. Бул жөөттөр менен христиандардын иш-аракеттерине карама-каршы келет жана пайгамбарлардын адеп-ахлагын чагылдырат. Биздин урматтуу элчибиз, ага Аллахтын салам-салаваттары болсун, бул пайгамбарлыктын адеп-ахлактарынын бири экенин жана анда тамактануу адептери камтылганын айтты.

Эй мусулмандар:

Адамдар ооз ачууга шашылышса ден соолукта болушат. Бул биздин Пайгамбарыбыздын, ага Аллахтын салам-салаваттары болсун, “адамдар ооз ачууга шашылышса ден соолукта болушат” деген сөзүнөн ачык көрүнүп турат. Адамдар берилгендиктери менен ибадат кылышат жана шарияттын бир эле өкүмүн аткарууга берилгендиктеринин натыйжасында кандай мол жакшылыктарга ээ болушат, эгер алар Исламдын бардык өкүмдөрүн карманышсачы? Эгер алар өздөрүнүн жаратуучусунун мыйзамын толук ишке ашырышсачы? Эгер алар залим башкаруучулардын бийлигин кулатып, алардын иштерин көзөмөлдөп, аларды туура жолго жетектей турган халифаны дайындашсачы? Исламды колдонуу адамдын табиятына дал келгендиктен, жакшылык мол жана улуу болорунда шек жок. Аллах Таала адамды Өзүнүн мыйзамдары менен толук шайкеш келген тубаса табият менен жараткан. Эгер адам бактылуу жашагысы келсе, ал ушул системаны жана ушул шарият мыйзамын сактап ишке ашырышы керек. Болбосо, ал азап чегип жана бүткүл адамзат бүгүнкү күндө башынан өткөрүп жаткан кыйынчылыктарга туш болот. Ал өзүнүн Теңиринин жана Жаратуучусунун системасынан адашты, эми ал азап чегип жатат. Аллах Тааланын бул сөздөрү бүгүнкү күндөгү адамзат жашоосуна тиешелүү:

(وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا).

“Ким Менин зикиримден (курандан) жүз бурса, анда анын жашоосу сыгылган кыйын жашоо болот”.

Аллах буйруса, келерки “Асыл хадис менен” берүүбүздөн жолугушканга чейин сиздерди Аллахтын камкордугуна, коргоосуна жана коопсуздугуна калтырабыз. Сиздерге Аллахтын тынчтыгы, ырайымы жана берекеси  болсун.

1448-х, 11-сафар.

2026-ж, 25-июль.