Яхудийлердин текебердиги күчөп жатат, качанкыга чейин эл аралык түзүмгө арызданабыз?!
Яхудийлердин текебердиги күчөп жатат, качанкыга чейин эл аралык түзүмгө арызданабыз?!
Рейтер агенттиги өз булактарына таянып билдиргендей, Моссаддын жаңы башчысы Жофман 14.08.2026 күнү Сириянын тышкы иштер министри менен телефон аркылуу сүйлөшүп, Сириядагы Түркиянын аскерий күчтөрүнүн жайгашуусун талкуулаган. Андан кийин яхудий түзүмү шейшемби күнү, 18.08.2026да Идлибдин чыгыш айыл аймагындагы Абу аз-Зухур аскерий аэропортуна сокку уруп, аэропорттун учуп-конуу тилкелерин жана ангарларын бутага алган 8 аба чабуулун жасады. Муну коопсуздук маселелеринде учурдагы абалды өзгөртпөй сактап калууну караган мурдагы келишим бар экени жана Сирия Алеппого жакын жердеги авиабазага Түркия күчтөрүнүн жайгашуусуна уруксат берүү аркылуу бул келишимди бузууга аз калгандыгы менен негиздеди.
Ал эми АКШнын Сирия боюнча өкүлү Том Баррак: «Мен яхудий түзүмү, Сирия жана Түркияны камтыган жаңжалды жөнгө салуу механизмин түзүү үчүн катуу иштеп жатам. Түркиянын аймагын көздөй түндүккө багыт алган учактар байкалды жана алар жооп кайтарууга даярданып жатышы мүмкүн эле. Бактыга жараша, акылмандык жана сабырдуулук менен иш кылган тараптар абалдын мындан ары курчушуна жол бербей калышты!» — деди. Ал ошондой эле: «Мындай окуялар яхудий түзүмүндөгү шайлоо өтө турган 27.10.2026га чейин улана берет», — деп кошумчалады. Аксис сайты да Трамп администрациясы Сириядан яхудий түзүмүндөгү шайлоо өткөнгө чейин сабырдуулук көрсөтүүнү талап кылганын кабарлады.
Ал эми Дамасктагы өткөөл администрациянын позициясын анын тышкы иштер министри Шайбани билдирип, мындай деди: «Абу Зухур аэропортунда Түркиянын базасын түзүү, Түркиянын туруктуу аскерий күчтөрүн жайгаштыруу же Түркия күчтөрүн киргизүү боюнча эч кандай ниет болгон эмес. Бул билдирүү «израилдик» тарапка ачык-айкын жеткирилген. Сирия «Израилди» чабуулдарын улантуудан баш тарттыруу үчүн дипломатиялык жолду карманууда. Биз Абу Зухур аскерий аэропортуна жасалган «израилдик» агрессияны айыптайбыз. Бул негизсиз чагымчылык, Сириянын эгемендүүлүгүн бузуу жана аймактык жана дүйнөлүк туруктуулукка коркунуч болуп саналат. Биз «Израил» менен келишимге жетишүүгө аракет кылдык, бирок ал өз милдеттенмелеринен баш тартты. Биз дагы деле чыңалууну азайтуу үчүн «Израил» менен келишимге жетишүүгө кызыкдарбыз».
Аксис сайты Шайбанинин: «Мен «израилге» базада аскерий күч топтоо үчүн Түркия менен кызматташпай жатканыбызды түшүндүрдүм, бирок ошого карабастан ал чабуул жасады», — деген сөзүн келтирди. Ошондой эле аталган сайт Сирия өкмөтү бир нече аптадан бери ушундай окуяларды жөнгө салуу жана чыңалууга жол бербөө максатында Иорданияда биргелешкен координациялык борбор түзүү боюнча АКШ жана яхудий түзүмү менен келишимди ишке ашырууга аракет кылып жатканын кошумчалады. Бирок яхудий түзүмү муну четке кагып, армиясынын Сириянын түштүгүнө кирип баруусун күчөттү.
Яхудий маалымат каражаттары Абу аз-Зухур аэропортуна жасалган соккуну «Нетаньяхунун Идлибдеги шайлоо өнөктүгү» деп аташты. Ал эми АКШнын яхудий түзүмүндөгү элчиси Майк Хакаби бул соккулар өзүнчө атайылап жасалган эмес, тескерисинче, аймактагы Түркиянын аракеттерине байланыштуу багытталган «эскертүүчү билдирүү» деп эсептелерин билдирди. «Аш-Шарк аль-Аусат» сайты болсо мындай деп жазды: «Акыркы эки апта ичинде «израилдик» армия Сирияга 27 аба чабуулун жасап, кургактыктан 36 жолу басып кирип, Сириянын 11 жаранын камакка алды. Муну менен катар саясий жана аскерий жетекчилер тарабынан Түркияга карата коркутуулар айтылды. Алар Түркияны Сириянын аймагында аскерий базаларды түзүп жатат деп айыпташууда. Бирок муну Анкара да, Дамаск да расмий түрдө четке кагууда».
Башар кулагандан бери яхудий түзүмү Сириянын кургактыктагы, деңиздеги жана абадагы аскерий инфраструктурасын бутага алып келет. Анын күчтөрү түштүктө да, түндүктө да ээн-эркин тайраңдап, ары-бери жүрүп, адамдарды камакка алып, суракка алып, талкалап-бүлдүрүп, өздөрүн коопсуз сезип жүрүшөт. Атүгүл Нетаньяху менен анын согуш министри Кац Сириянын түштүгүндө ээн-эркин кыдырып жүрүшөт. Мунун баары акыл-эстүү адамды да таң калтырган таң калычтуу жана шектүү жымжырттыктын астында болуп жатат!
Андан соң, Аллахтын душмандарынын соккусунан коркуп, алардын жалган тынчтыгын жана жарашуусун сурап, аларга кор болуп жалынуудан өткөн кандай кордук, кандай басынуу бар?! Бул адамдар яхудийлердин кекчил, кыянатчыл, айлакер жана келишимдерди бузган калк экенин дагы эле билишпейби?! Булар пайгамбарларды өлтүргөндөр эмеспи?!
Алар яхудийлер менен бир гана тил — куралдын тили жана иззат, баатырдык, эрдик майдандарындагы такбирдин тили гана пайда берерин дагы эле түшүнүшпөдүбү?! Кутулуу жолу белгилүү, анын эшиги да, ачкычы да белгилүү. Даярдык көрүү, туруктуулукту биринчи орунга коюу, кайра куруу жана экономиканы көтөрүү деген шылтоолордун баары жалган жүйөлөр жана шылтоолор гана. Анткени Америка жана анын эрке баласы Сириянын таасирдүү күч факторлорунун бирине да ээ болушуна жол бербөө үчүн аракетин аябайт. Аларга эртели-кеч жерибизди булгап жаткан зөөкүр душманга каршы адамдардын чыгышын тыйып турууга кызмат кыла турган күчтөр гана керек!
Алар өздөрүн учурдагы администрациянын коргоочусу жана союздашы катары көрсөтүп жаткан Американын чыныгы жүзүн дагы эле түшүнүшпөдүбү?! Чындыгында, ал башка ууруларды кылмышын жасоого түртүп, анан өзү таза жана куткаруучу болуп көрүнгөн ууру сыяктуу эмеспи?! Дамаск администрациясына: «Биз болбогондо бүт Сирия яхудийлердин тырмагына түшмөк», — деп милдет кылып, аны талаптарга дагы көбүрөөк баш ийдирүүнү көздөгөн Америка эмеспи?! Иш көзөмөлдөн чыгып кетип, тизгин революция жана жихад жылдары чыгарган калыс жетекчилердин колуна өтүп кетпесин деп, Сириянын күчтүү армияга ээ болушун каалабаган Америка эмеспи?!
Америка 14 жыл бою тамыр жайган революциялык жана жихадий рухту жок кылуу үчүн коопсуздук күчтөрү менен армияны өз каалоосуна ылайык кайра түзүүнү каалайт. Бул үчүн калыстарга кысым көрсөтүп, мурдагы режимдин калдыктарына, яхудийлердин адамы Хижринин жан-жөкөрлөрүнө жана Касадга мүмкүнчүлүк берип, атүгүл аларды чечим кабыл алуу борборуна жайгаштырууну көздөөдө.
Ал эми Абу аз-Зухур аэропортуна жасалган соккуга келсек, мусулман акимдеринин алсыздык көрсөтүп, кожоюндарынын көрсөтмөлөрүнө баш ийип жатканына карабастан, яхудийлер Ислам өлкөлөрүнүн ортосундагы кандай гана жакындашуу болбосун, баштарына алаамат түшчүдөй коркушат. Анткени алар мусулмандардын күч-кубатынын канчалык катуу экенин, кордук, басынуу жана кафир колонизаторлорго болгон көз карандылыктан толук бошонууга багытталган умтулуусун жана эки кыбланын биринчисин азат кылууга болгон жалындаган каалоосун көрүп турушат. Ислам Шамы яхудийлер үчүн бардык маселелерден да коркунучтуу. Алар өздөрүнө болгон тагдырий коркунуч сөзсүз ошол жактан келет деп эсептешет. Муну яхудий түзүмүнүн диаспора иштери боюнча министри Амихай Шикли ачык билдирип, болуп көрбөгөндөй эскертүүлөрдү жасады. Ал өз түзүмү менен Сириянын ортосундагы аскерий кагылышуу эми сөзсүз боло турганын жана эртеби-кечпи жүз берерин баса белгилеп, Дамаск менен Анкаранын соңку жакындашуусу Ирандын өзөктүк маселесинен да кооптуу коркунуч жаратарын билдирди.
Америка Түркиянын туруктуулукту колдоо жана кайра курууга көмөктөшүү боюнча белгилүү бир ролду ойношун каалайт. Бирок анын үстөмдүк кылып, көзөмөл жүргүзүшүн каалабайт жана бүт маселени Түркиянын колуна берүүнү да каалабайт. Тескерисинче, мунун баарын түздөн-түз өзүнө байлоого умтулат.
Яхудийлердин жүрөгүн коркунуч кемирип, акылын жеп жатат. Алар ар бир кыйкырыкты өздөрүнө каршы деп ойлошот. Ошондуктан алар алдын ала чара катары чоңойтулган элестүү күчүн көрсөтүп, Аллахтын жибинен ажырап, адамдардын жиби да эскирип бараткан соң, куткаруучу алкагы деп эсептеген аскерий үстөмдүгүнө өздөрүн ишендирүүгө аракет кылышууда. Айрыкча Европада жана Америкада да Газага жана Ислам үммөтүнө каршы кылган карасанатайлыгы жана кылмыштары үчүн бул бузук түзүмгө карата эл аралык маанай ачык өзгөрүп жаткан учурда ушундай кадамдарга барып жатат. Анын зыянынан адам да, дарак да, таш да аман калган жок.
Ооба, яхудийлердин Сириянын түштүгүндө жана башка жерлерде тайраңдап жүрүшү — жашоого эң катуу берилген адамдардын жүрөгүн ээлеген коркуунун көрүнүшү. Бул мусулмандардын саны жана курал-жарагы аз болуп тургандагы абал болсо, анда мусулмандардын Халифасы башында турган уюшкан, сансыз аскерлер болгондо эмне болот?! Аллахтын уруксаты менен бул, сөзсүз келе турган жакшылык. Аллахтын динин бийик кылуу, Ислам өкүмүн жана анын мамлекетин орнотуу үчүн аракет кылып, колдоп жана нусрат берген адам кандай гана чоң ийгиликке жетет!
Роя гезити
Устаз Насир Шейх Абдулхай
