Шариф режими шариатни Саудия долларларига алмаштирди
Шариф режими шариатни Саудия долларларига алмаштирди
12 октябрда Покистон ҳукумати ҳарбий қисмларни сафарбар этиб, фавқулодда ҳолат режимини жорий қилган ҳолда оммавий норозилик намойишларини куч билан бостиришга уринмоқда. Бироқ намойишчиларга қарши кўрилаётган чораларга қарамай, ҳукуматга қарши кайфият кучайиб бормоқда.
Покистон ҳукуматининг ўз аскарларини қўшимча куч сифатида Саудия Арабистонига юбориш тўғрисидаги қарори мамлакатдаги сиёсий инқирозни янада чуқурлаштириб, уни мафкуравий тўқнашув даражасига кўтарди. Бу қарор Покистоннинг Исломий ўлкалар ўртасидаги қуролли можарога аралашиб қолиш хавфини туғдирмоқда.
Изоҳ:
Шариатга кўра, Шариф ҳукуматининг Саудия Арабистонини қўллаб-қувватлаб, Ямандаги ҳусийларга қарши жангларда иштирок этиш қарори ҳаром ҳаромдир. Шунинг учун бу қарор Покистондаги мусулмонларнинг кескин танқидига учрамоқда.
Покистон ҳукуматининг бу қарори “бир мусулмон бошқа бир мусулмоннинг қонини тўкиши ҳаром”лиги борасидаги Шариат ҳукмини поймол этмоқда. Мусулмонни ноҳақ ўлдириш энг оғир гуноҳлардан биридир. «Муқаддас қадамжоларни ҳимоя қилиш» деган важ эса шунчаки сохта баҳонадан бошқа нарса эмас. Макка ва Мадинага ҳеч қандай хавф йўқ. Демак, Саудия ҳукумати «муқаддас қадамжоларни қўриқлаш» шиорини мўминларнинг диний туйғуларига таъсир кўрсатиш учун қурол сифатида ишлатмоқда.
Бундан ташқари, мазкур можаро Покистоннинг ўзидаги диний тафовутларни ҳам кучайтирмоқда. Мамлакат аҳолисининг 20 фоизини ташкил этувчи шия мазҳаби вакиллари ва қолган суннийлар ўртасидаги бўлинишлар мусулмонларнинг бирдамлигига ҳамда Умматнинг ҳамжиҳатлигига путур етказмоқда.
Покистон ҳукумати Саудия Арабистонидан молиявий транслар, кредитлар ва иқтисодий ёрдамлар олиш илинжида, Ғарбнинг мустамлакачилик манфаатларига хизмат қилувчи урушда унинг режаларини ҳимоя қилиш учун ўз аскарларини сафарбар қилмоқда. Ислом бундай ҳаракатларни кескин қоралайди. Покистон масжидларида ҳам бу қадам моддий манфаат орттириш ва ҳукмрон режимни сақлаб қолиш йўлида «мўминларнинг қонини сотиш» сифатида очиқдан-очиқ танқид қилинмоқда.
Шу тариқа, Покистон ҳукумати кўчалардаги норозилик намойишларини қурол воситасида куч билан бостириш орқали мўминлар назарида ўз қонунийлигини йўқотиб бормоқда. Эндиликда Умматнинг норозилик ҳаракатларидан кўзланган мақсад ва шиорлари кун сайин асосли тус олиб бормоқда. Чунки амалдаги режим Ислом қонунларига қарши ҳаракат қилиб, айни пайтда Умматнинг манфаатларига ҳам қарши чиқмоқда.
Усмон Қашғарий
