Эрон ўзининг мабдаий давлат эмаслигини кайта-кайта исботламоқда

Эрон ўзининг мабдаий давлат эмаслигини кайта-кайта исботламоқда

Хабар:

Вашингтон ва Теҳрон ўртасидагилан музокаралар ракеталар ва қуролли кучларни ўз ичига олади. (Sky News Arabia, 05.02.2026).

Изоҳ:

“New York Times” газетаси расмий вакилларга таяниб хабар беришича, Америка ва Эрон ўртасида 18 Шаъбон жума куни, яъни 2026 йил 6 феврал куни бўлиб ўтиши режалаштирилган музокаралар доираси кенгайтирилган ва томонлар ядровий дастурдан ташқари ракеталар ва қуролли кучлар масаласини ҳам қўшишга келишиб олишган. Эрон ташқи ишлар вазири Аракчи ижтимоий тармоқлар орқали учрашувни ташкил қилгани учун «Уммондаги биродарлари»га миннатдорчилик билдирди. Бу эса, Америка Араб денгизида катта флот йиғиб, Эронни музокараларда ўз шартларига, яъни аввал эълон қилинган яҳудий вужудининг шартларига риоя қилишга буйсиндиргандан кейин сиёсий жараённинг қайтадан алангаланишига сабаб бўлди: «Бизнинг Эронга йўналтирилган катта флотимиз бор… Улар биз билан музокара олиб боришмоқда, чунки улар бизнинг уларга ҳужум қилишимизни хоҳламайди», деди Трамп (TRT Араби).

Эроннинг бу чекиниши ва таслим бўлиши давлатнинг мабдаий эмаслигини кўрсатиб турибди. Аниқроқ айтганда, ўз режими ва тахтини сақлаб қолиш учун Эрон ҳукумати нафақат ядровий дастуридан, балки баллистик ракеталаридан ҳам воз кечди. Буларнинг барчаси Америка томонидан мажбуран юкланган дастурга мувофиқ амалга оширилмоқда. Бунинг натижасида, Эрон Америка томонидан Форс кўрфазидаги кичик давлатларни қўрқитиш ва ҳуркитиш учун ишлатиладиган «қурол»га айланади ва айни пайтда Америка қўллаб-қувватлаб келаётган яҳудий вужуди олдида самарасиз ва заиф давлат бўлиб қолаверади. Бундан кўзланган мақсад минтақадаги энг қудратли бўлиб турган яҳудий вужудининг Трампга бўйсунган кичик давлатлар билан «нормализация» жараёнларини давом эттиришидир.

Бу ҳолат Исломий ўлкалардаги барча давлатлар, қанчалик ривожланган қурол-яроққа эга бўлишидан ва душманларига зарар етказишга қанчалик қодир бўлишидан қатъи назар, чинакам суверен давлатлар эмаслигини кўрсатиб турибди. Улар фақат ўзларига чизиб берилган йўлдан юришади ва ўзларига юклатилган вазифа доирасида ҳаракатланишади!

Америка ва унинг иттифоқчиларини тўхтата оладиган ягона куч – бу бошқарувда ва барча ҳаёт соҳаларида Исломни ижро қиладиган ҳамда даъват ва жиҳод орқали уни дунёга олиб чиқадиган Рошид Халифалик давлатидир. Бугун мусулмонлар уни тиклаш йўлини излай бошладилар. Агар мустамлакачилар бизнинг ўлкаларимизда ўрнаштириб қўйган ёлланма раҳбарлар бўлмаганида эди ва Ғарб сақофати ўлкаларимизга сингдирилмаганида эди, Халифаликнинг қайта тикланиши кўз очиб-юмишдан ҳам осонроқ бўлар эди.

إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا

«Албатта Аллоҳ Ўзи (хоҳлаган) ишига етгувчидир. (Унинг хоҳишига қарши тургувчи кимса йўқдир). Дарҳақиқат Аллоҳ барча нарса учун миқдор-ўлчов қилиб қўйгандир (яъни, ҳаётда рўй берадиган ҳар бир яхши-ёмон воқеа-ҳодиса ёлғиз Аллоҳ хохлаган — белгилаган вақт ва ўлчовда рўй беради)«. (65:3)

Абдул-Азиз Ҳамид – Яман вилояти