Орозо айы баштала электен мурун бир же эки күн орозо кармалбашы керек

Бисмиллаахи рахмаанир рахиим

Асыл хадис менен

Орозо айы баштала электен мурун бир же эки күн орозо кармалбашы керек

Урматтуу бир туугандар “Асыл хадис менен” берүүбүздүн жаңы чыгарылышын жакшы салам менен баштайбыз. Аллахтын тынчтыгы, ырайымы жана берекеси сиздер менен болсун.

حَدَّثَنَا مُسْلِمُ بْنُ إِبْرَاهِيمَ، حَدَّثَنَا هِشَامٌ، حَدَّثَنَا يَحْيَى بْنُ أَبِي كَثِيرٍ، عَنْ أَبِي سَلَمَةَ، عَنْ أَبِي هُرَيْرَةَ رضى الله عنه عَنِ النَّبِيِّ صلى الله عليه وسلم قَالَ: “لاَ يَتَقَدَّمَنَّ أَحَدُكُمْ رَمَضَانَ بِصَوْمِ يَوْمٍ أَوْ يَوْمَيْنِ، إِلاَّ أَنْ يَكُونَ رَجُلٌ كَانَ يَصُومُ صَوْمَهُ فَلْيَصُمْ ذَلِكَ الْيَوْمَ “.سنن ابن ماجه

Муслим ибн Ибрахим Абу Хурайрадан (Аллах андан ыраазы болсун) риваят кылды, Пайгамбардан (ага Аллахтын салам-салаваттары болсун) айтты: “Силердин эч кимиңер Рамазандан мурун бир же эки күн орозо кармабасын, эгерде кимдир бирөө дайыма орозо кармаса, анда ошол күнкү орозосун кармай берсин”. (Сунан Ибн Мажа).

Урматтуу бир туугандар:

Эң жакшы сөз – бул Улуу Аллахтын сөзү, ал эми эң жакшы жол – бул Анын Пайгамбары (ага Аллахтын салам-салаваттары болсун) Мухаммаддын жолу.

Бул асыл хадис бизди айрым мусулмандар билбестиктен же ушул маселе аркылуу Аллах Таалага жакындап, такыбалыктарын арттырып жатабыз деп ойлогондуктан кабылып калган маселелерге багыттайт.

Бул Рамазан айын толук бойдон кемчиликсиз кармоо үчүн ушундай кылса болот деп – бул ыйык ай башталганга чейин бир же эки күн мурун орозо кармай баштоо дегенди билдирет. Же ал ай келгенге чейин өзүн машыктырышы мүмкүн, бирок башкалар муну Рамазанга бир же эки күн калганда орозо кармоого көнүп калгандыктан жасашат.

Ким муну орозону туура күнү баштоону ойлоп же ынтызарланып жасаса, орозо айына чейинки мурунку же кийинки айдан бир же эки күн мурун орозо кармаса, бул шарият боюнча бул хадистин тыюу салышы менен арам болот. Ибадат убактысы так белгиленген парз болгондуктан  ага кошумча же кемитүүгө болбойт. Муну кылган адам чоң күнөөгө алып баруучу бидатка түшүп калбашы үчүн,  бул маселе боюнча аалымдар бир пикирде. Ошого карабастан, бул амал айрым мусулмандар арасында кеңири тараган, анткени акимдер биз үчүн баарын, ал тургай ибадаттарыбызды, айрыкча намаз жана орозобузду бузуп, адамдарды башаламан кылып коюшкан.

Ал эми орозо айына өзүн көнүктүрүү үчүн ушундай кылган адам хадистин текстине ылайык, ага укуктуу эмес. Анткени ибадат – бул денени калыбына келтирүүнү талап кылган дене тарбия көнүгүүлөрүнүн бир түрү эмес, тескерисинче, бул материя менен рухту аралаштырган Аллах Таалага болгон таза ибадат. Ар бир ибадаттын түркүктөрү, эрежелери жана шарттары бар, аларды бузууга же ашып кетүүгө болбойт, ошондо биз тыюу салынган нерселерге түшүп калбайбыз. Болгону аны Аллахтын элчиси (ага Аллахтын салам-салаваты болсун) бизге айткандай аткарышыбыз керек.

Ал эми кимдир бирөө дайыма белгилүү күндөрдө орозо кармоого адаттанып калган болсо жана адаттагы кармай турган орозосу  бул ыйык айдын алдындагы күндөргө туш келип калса, анда эч кандай зыян жок, анын далили ушул асыл хадис жана ага  дал келген башка хадистердин тексти болуп саналат.

Биз Аллахтан бул айды кармап, Ал сүйгөн жана ыраазы болгон жол менен орозо кармоого, Анын өкүмдөрүнөн четтебөөгө же аларга кошумчаларды кошпоого жана шайтандын жаңылыктарынан жаңылыктарды киргизбөөгө, ошондой эле жашообузду жана ибадаттарыбызды бузгандардан бизди куткарууга жардам берүүсүн суранабыз. Оомийин.

Аллах буйруса, келерки “Асыл хадис менен” берүүбүздөн жолугушканга чейин сиздерди Аллахтын камкордугуна, коргоосуна жана коопсуздугуна калтырабыз. Сиздерге Аллахтын тынчтыгы, ырайымы жана берекеси  болсун.

1447-х, 3-Рамазан.

2026-ж, 20-февраль.