Солиқ идораси фуқароларнинг қарзларини банк ҳисоб рақамларидан тўғридан-тўғри ечиб олади

Солиқ идораси фуқароларнинг қарзларини банк ҳисоб рақамларидан тўғридан-тўғри ечиб олади

Давлат солиқ хизматининг маълум қилишича, 30 кун давомида тўланмаган солиқ пуллари эндиликда фуқароларнинг банк ҳисоб рақамлари ва электрон ҳамёнларидан тўғридан-тўғри ечиб олинади. Ушбу жараён қуйидаги тартибда амалга оширилади:

• Расмий огоҳлантириш: Солиқ тўловчига мавжуд қарздорлиги ҳақида расмий билдиришнома топширилади.
• Ихтиёрий муддат: Билдиришнома берилган кундан бошлаб, фуқарога қарзни ўз ихтиёри билан тўлаши учун 30 кун муҳлат берилади.
• Мажбурий ундириш: Агар ушбу тўлов белгиланган муддат ичида амалга оширилмаса, Солиқ хизмати банкдаги ҳисоблардан ёки электрон ҳамёнлардан маблағни автоматик тарзда ундиришни бошлайди.

Изоҳ:

Гарчи бу каби солиқ йиғиш усуллари айрим капиталистик мамлакатларда қўлланилса-да, аслида бу — аллақачон иқтисодий жиҳатдан қийналган халқнинг юкини янада оғирлаштиришдан бошқа нарса эмас. Айниқса, электрон ҳамёнларидан маблағлари тушунарсиз тарзда ғойиб бўлаётганидан шикоят қилиб келаётган фуқаролар учун, бу ҳолат яна бир хавфли вазиятни юзага келтиради. Бошқача айтганда, солиқ пулларининг меъёрдан ортиқ олиниши ёки маблағларнинг огоҳлантиришсиз камайиши каби тушунмовчиликлар келиб чиқиши муқаррар.

Асосий муаммо эса, мамлакатнинг қаттиққўл капиталистик солиқ сиёсати сари юз тутаётганидир. Бу тизимда давлат бюджетини тўлиқ солиқлар ҳисобидан тўлдириш ва иш ҳақи билан бирга солиқ турларини ҳам кўпайтириш кўзда тутилади. Натижада, халқнинг даромади ошгандек туюлса-да, нарх-наво ва мажбурий тўловларнинг шиддат билан ўсиши турмуш даражасининг аввалгидек оғир, балки ундан ҳам мушкул ҳолатга тушиб қолишига сабаб бўлади. Асосий бойлик эса бир ҳовуч капиталистлар қўлида тўпланиб, омма халқнинг қашшоқлашиб боиши давом этаверади.

Бунинг акси ўлароқ, Ислом дини оддий халқ зиммасига ҳар хил турдаги солиқ ва тўловларни юклашни тақиқлайди. Аксинча, бойлардан закот йиғиб, уни шариатда белгиланган ҳақдорларга йўналтиришни таъминлайди. Мана шунинг ўзиёқ Умматнинг асосий эҳтиёжларини ҳеч қандай қарзларсиз қоплашга кифоя қилади. Шундай экан, бугунги зулмга асосланган тузумдан қутулиб, ўзлигимиз бўлган Ислом билан тўлиқ яшашга ва уни бошқарувнинг барча соҳаларида татбиқ этишга интилишимиз лозим.

Нурдин Асаналиев