АКШ Ирактан чыгууну пландап жатат
АКШ Ирактан чыгууну пландап жатат
«ABC News» басылмасы белгилегендей, Америка өз аскерлерин сентябрь айынын акырына чейин Ирактан алып чыгууну пландап жатышат. Бул 2003-жылы Иракка басып кирген АКШ аскерлеринин Ирактан чыгарыларын билдирет.
2024-жылы Вашингтон менен Багдад АКШ башында турган «Ислам мамлекети» тобуна каршы кыйла чектелген аскердик операцияларды акырындык менен токтотуу боюнча макулдашкан.
Өткөн жылы америкалык аскерлер Ирактын көпчүлүк аймактарындагы базалардан өз бөлүктөрүн чыгарып кетишкен, бирок жарым автономиялуу Түндүк Күрд аймагында аскердик катышуусун сактап калышкан. 28-февралда АКШ менен “Израил” Иранга каршы согушту баштагандан бери, бул аймактагы базалар үзгүлтүксүз чабуулдарга кабылып келген.
Шаршемби күнү Ирактын премьер-министри Али аль-Заиди АКШнын Борбордук командачылыгын жетектеген адмирал Брэд Купер менен жолугушту. Жолугушуудан кийин аль-Заиди 30-сентябрды Ирактагы ИГИЛге каршы Глобалдык коалициянын аскердик миссиясын аяктоонун жана анын аскерлерин толук чыгаруунун «так жана акыркы датасы» деп атады.
АКШнын өкүлдөрүнүн бири америкалык аскерлерди чыгаруу 30-сентябрга чейин аяктайт деп күтүлүп жатканын ырастаган. Бирок ал Иракта канча америкалык аскер калганын жана алар кайсы жерге кайра жайгаштырыла турганын айтуудан баш тарткан.
2003-жылы башталган АКШнын Иракка баскынчылыгы өлкөнү кыйратып, оор гуманитардык кризистин башталышына алып келген. Мамлекеттик институттардын жана коопсуздук системасынын бузулушу башаламандыкка жана ар кандай зомбулуктун күчөшүнө себеп болду.
Жүз миңдеген адамдар согуштун түздөн-түз курмандыгы болсо, дагы жүз миңдегени кийинки зомбулуктан жана инфраструктуранын кыйрашынан каза болгон. Миллиондогон ирактыктар үйлөрүн таштап кетүүгө аргасыз болушкан. Саламаттык сактоо, суу менен камсыздоо, электр энергиясы жана башка негизги тармактар да олуттуу зыян тарткан.
АКШ мурунку бийлик системасын талкалап, анын ордуна туруксуз, күчсүз Американы ээрчиген мамлекетти тикеледи. Согуштун Ирак мусулман эли үчүн баасы өтө оор болду. Учурдагы Ирак каржылык жактан Американын туткунуна айланып, мазхабдык жаңжалдарды тутандырган сыноо талаасына айланып калды.
