Америка Венесуэлага ҳужум қилди
Америка Венесуэлага ҳужум қилди
АҚШ президенти Доналд Трамп Қўшма Штатлар Венесуэлага ҳужум қилиб, мамлакат раҳбари Николас Мадуро ва унинг рафиқасини Венесуэладан олиб чиқиб кетганини эълон қилди. У бу ҳақда 3 январ куни ўзининг Truth ижтимоий тармоғида ёзди. Трампнинг сўзларига кўра, ҳарбий амалиёт куч органлари билан ҳамкорликда амалга оширилган.
Бундан аввал, 3 январ ўтар кечаси Венесуэла пойтахти Каракасда бир нечта портлашлар юз бергани ҳақида хабарлар тарқалган эди. Олинган хабарларга кўра, шаҳарнинг баъзи ҳудудларида электр узилиб қолган ва шаҳар устидан самолётлар учиб ўтиши ортидан портлашлар юз берган. CBS News агентлигининг хабар беришича, Венесуэлага ҳужум қилиш буйруғи АҚШ президенти Доналд Трамп томонидан берилган.
Изоҳ:
Нобел тинчлик мукофотини олишга интилган Трамп АҚШ раҳбарлигини қўлга киритгандан буён бир қатор халқаро ҳужумларни амалга оширди. Эронни бомлади, Яманга ҳам ҳужум қилди, (Исроил)нинг қўли билан Ғазо ва Сурия минтақаларини бомбардимон қилишда давом этмоқда. Гренландияни аннексия қилишни талаб қилди ва Канадани Америка штатларидан бирига айлантирмоқчи бўлди. Энди у нефт конларига бой Венесуэлани бомбардимон қилмоқда. Венесуэла дунёдаги энг бой табиий ресурсларга эга давлатлардан биридир. У нефт захиралари бўйича дунёда биринчи ўринда туради. Унда 300 миллиард баррелдан ортиқ тасдиқланган нефт захиралари мавжуд. Шунингдек, Венесуэла 195 триллион куб футдан ортиқ табиий газ захиралари билан дунёда тўртинчи ўринда туради.
Американинг Қизил танли туб аҳолисини қириб йўқ қилган ва ўлкаларни мустамлака қилган АҚШ сиёсати ҳали ҳам давом этмоқда. АҚШнинг бундай жиноятларни содир этишга журъат этишининг сабаби, ер юзида унга муносиб жавоб қайтара оладиган кучнинг йўқлигидир. Шунингдек Венесуэланинг Хитой ва Россия билан савдо алоқаларини мустаҳкамлаши АҚШнинг тинчини бузган омиллардан бири ҳисобланади. 2024 йилда Хитой ва Венесуэла ўртасидаги савдо алоқалари 6,5 миллиард долларга етди ва бу кўрсаткич яна-да ўсиб бормоқда.
Бу воқеада кўзга ташланган нарса шу бўлдики, АҚШ ҳали ҳам аввалгидек такаббурлик ва зўравонлик билан ҳаракат олиб бормоқда. Бу унинг кучли эканлигининг белгиси эмас, балки заифлиги ва муваффақиятсизлигининг белгисидир. Француз мутафаккири Эммануел Тодд буни ўзининг «Империядан кейинги аср» китобида шундай таърифлайди: «Америка ўз кучини кўрсатиш учун эмас, балки ўзининг заифлигини яшириш учун ошкоро куч ишлатмоқда».
Аллоҳ таоло айтади:
وَمَا كُنَّا مُهْلِكِي الْقُرَىٰ إِلَّا وَأَهْلُهَا ظَالِمُونَ
«Биз қишлоқ-шаҳарларни фақат уларнинг аҳолиси золим — кофир бўлган ҳолдагина ҳалок қилгувчи бўлдик”. (Қасос: 59)
Нурдин Асаналиев
