Давлатлар хавфсизлиги ва халқлар суверенитетига хавф солаётган Американи ким тўхтатади?!
Давлатлар хавфсизлиги ва халқлар суверенитетига хавф солаётган Американи ким тўхтатади?!
АҚШ президенти Доналд Трамп 2026 йил 3 январ, шанба куни эрта тонгда Қўшма Штатлар Венесуэлага ҳужум қилиб, мамлакатни узоқ вақт бошқарган президент Николас Мадурони бир кечанинг ўзида қўлга олганини эълон қилди. Бу воқеа гиёҳванд моддалар савдоси ва ноқонуний бошқаруви туфайли унга бир неча ойлик босим ўтказилгандан сўнг содир бўлди. (Рейтер).
Изоҳ:
АҚШнинг Венесуэла ҳуқуқларини қўпол равишда бузиши тасодифан юз бергани йўқ. АҚШ сўнгги ойларда гиёҳванд моддалар савдосига қарши кураш баҳонасида Венесуэлага нисбатан ҳужумларини кучайтирган эди. Охирги ҳужумдан олдин сўнгги ҳафталарда 62 кишининг ҳаётига зомин бўлган ўн бешта ҳужум учун жавобгарликни ўз зиммасига олди.
АҚШ Лотин Америкаси мамлакатларини ўзининг минтақавий таъсир доирасининг бир қисми, яъни «орқа ҳовлиси» деб ҳисоблаб, ўзини уларнинг табиий бойликларига ҳақли деб билади. Венесуэла табиий ресурсларга энг бой давлатлардан бири бўлиб, миқдори 300 миллиард баррелдан ортиқ бўлган дунёдаги энг катта нефт захирасига ва миқдори 195 триллион куб футдан ортиқ деб баҳоланган дунёда тўртинчи энг катта табиий газ захирасига эгадир. Венесуэла ва Хитой ўртасидаги савдо ҳажми 2024 йилда 6,5 миллиард долларга етди ва яна ортиши кутилмоқда. Унинг Хитойга яқинлашуви Американи безовта қилиши аниқ.
АҚШ Монро доктринасини қайта тиклаш баҳонасида Жанубий Америкада агрессив равишда кенгайиб, минтақадаги, айниқса Венесуэладаги ўзининг моддий ва сиёсий манфаатларини таъминлашга интилмоқда. Бу билан у минтақавий хавфсизлик ва халқларнинг ўз раҳбарларини танлаш ҳуқуқини оёқ ости қилмоқда. Агар Америка тўхтатилмаса, бу биринчиси ҳам, охиргиси ҳам бўлмайди. Унинг стратегияси ўз разведка хизматлари орқали ички тўнтариш қўзғашга ёки ҳарбий мухолифат ичида етакчилик бўшлиғини вужудга келтириб, бу бўшлиқни ўз малайларидан бири билан тўлдиришга асосланган. Бундай ҳолда, Американи қўллаб-қувватловчи Венесуэла мухолифатининг етакчиси Мария Корина Мачадо раҳбар бўлиши мумкин, деб тахмин қилинмоқда. У яқинда Нобел тинчлик мукофотига сазовор бўлиб, ўзининг сиёсий мавқеини мустаҳкамлаган эди.
Эй мусулмонлар, эй дунё халқлари!
Давлатлар хавфсизлиги ва халқлар суверенитети билан боғлиқ халқаро қоидаларни оёқ ости қилиб, мисли кўрилмаган такаббурлик ва манманлик билан ҳаракат қилаётган Американи қандай қилиб дунёнинг етакчи давлати сифатида қабул қилиш мумкин? Биз унинг зўравонлигидан қўрқмаслигимиз керак, чунки бу зўравонлик унинг кучлилигининг исботи эмас, балки заифлигининг белгисидир. Бундан буён Америка ўзининг эркинлик, демократия ёки инсон ҳуқуқлари асосидаги мафкуравий сиёсати билан дунёга етакчилик қилишга лойиқ эмас. Ғазодаги воқеалар бу шиорларнинг ёлғонлигини ва унинг иккиюзламачилигини фош қилди.
Трамп даврида Америка ҳарбий жиҳатдан ҳам, иқтисодий жиҳатдан ҳам очиқ мустамлакачиликка қайтди. Бироқ, бу тенденция унинг манфаатларига тўғридан-тўғри қаршиликларни кучайтирди. Эй дунё аҳолиси, француз мутафаккири Эммануел Тодтнинг «Империядан кейинги аср: Америка тартибининг қулаши (2001)» номли китобидаги сўзларига диққат билан эътибор беринг: «Америка ўз ҳукмронлигини сақлаб қолиш учун муқаррар равишда сиёсий ва ҳарбий жанглар олиб боришга мажбур бўлади, чунки бу ҳукмронлик унинг ҳаёт мувозанатини таъминлаш учун зарур бўлиб қолди».
Бугун биз мана шу даҳшатли башоратнинг амалга ошаётганига гувоҳ бўлиб турибмиз.
Шундай экан, эй мусулмонлар, инсониятни Американинг тобора кучайиб бораётган ҳукмронлиги зулматидан Исломнинг адолати ва нурига сиздан бошқа ким олиб чиқа олади? Дунё мамлакатлари мўл-кўл ресурсларга эга бўлишига қарамай уни қашшоқлаштирган бузуқ капитализмга ҳазорий альтернатив кимда бор? Исломнинг неъматини тушуниб, уни уч қитъага тарқалган халқларга етказа оладиган ва бугунги кунда Ислом умматининг устунлари бўлиб турган сиздан бошқа ким бор?
Ҳижрий 1342 йил ражаб ойида Халифалик давлатининг қулаши нафақат сиз учун, балки бутун инсоният учун катта йўқотиш бўлди. Кучга таянган ваҳший золимланинг ҳукмронлигига бир асрдан кўпроқ вақт ўтди. Аллоҳ Таоло дунё жамоатчилиги фикрини ва халқаро шароитларни, сизнинг инсониятга адолатли етакчилар сифатида қайтишингиз учун тайёрлаб қўйди. Шунинг учун тайёр бўлинг, Пайғамбарлик минҳожи асосидаги Рошид Халифаликни қайта тиклаш учун жиддий ҳаракат қилинг. Шунда Аллоҳ Таоло сизга ёрдам беради ва Америка ва Ғарб цивилизацияси вайрон қилган нарсаларни ислоҳ қилади.
Аллоҳ Таоло шундай марҳамат қилади:
وَمَا كُنَّا مُهْلِكِي الْقُرَىٰ إِلَّا وَأَهْلُهَا ظَالِمُونَ
«Биз қишлоқ-шаҳарларни фақат уларнинг аҳолиси золим — кофир бўлган ҳолдагина ҳалок қилгувчи бўлдик.» (Қасос: 59)
