Расулуллоҳ ﷺнинг очик-ойдин йўли

بِسْمِ اللهِ الرَّحْمٰنِ الرَّحِيمِ

Ҳадиси Шариф билан

Расулуллоҳ ﷺнинг очик-ойдин йўли

Азиз мухлислар, “Ҳадиси Шариф билан” номли рукнимизнинг янги сонини самимий саломлар билан бошлаймиз. Сизларга Аллоҳ Таолонинг саломи, раҳмати ва баракоти бўлсин.

عَنْ عَبْدِ الرَّحْمَنِ بْنِ عَمْرٍو السُّلَمِيِّ أَنَّهُ سَمِعَ الْعِرْبَاضَ بْنَ سَارِيَةَ يَقُولُ: وَعَظَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ مَوْعِظَةً ذَرَفَتْ مِنْهَا الْعُيُونُ وَوَجِلَتْ مِنْهَا الْقُلُوبُ،فَقُلْنَا: يَا رَسُولَ اللَّهِ إِنَّ هَذِهِ لَمَوْعِظَةُ مُوَدِّعٍ فَمَاذَا تَعْهَدُ إِلَيْنَا؟ قَالَ: “قَدْ تَرَكْتُكُمْ عَلَى الْبَيْضَاءِ لَيْلُهَا كَنَهَارِهَا، لَا يَزِيغُ عَنْهَا بَعْدِي إِلَّا هَالِكٌ، مَنْ يَعِشْ مِنْكُمْ فَسَيَرَى اخْتِلَافًا كَثِيرًا، فَعَلَيْكُمْ بِمَا عَرَفْتُمْ مِنْ سُنَّتِي وَسُنَّةِ الْخُلَفَاءِ الرَّاشِدِينَ الْمَهْدِيِّينَ عَضُّوا عَلَيْهَا بِالنَّوَاجِذِ”. رواه ابن ماجه

Абдурраҳмон ибн Амр ас-Суламий розияллоҳу анҳу Ирбод ибн Сория розияллоҳу анҳудан эшитганларини шундай ривоят қилади: “Бир куни Аллоҳнинг Расули ﷺ бизга шундай таъсирли насиҳат қилдиларки, ундан кўзларимиз ёшга тўлди, қалбларимиз титраб кетди. Шунда биз: “Эй Аллоҳнинг Расули! Бу худди видолашув насиҳатига ўхшаяпти, бизга яна нимани панд-насиҳат қиласиз?” дедик. У зот шундай дедилар: “Мен сизларни кечаси кундузидек ёруғ бўлган оппоқ (соф) йўлда қолдирдим. Мендан кейин фақат ҳалок бўлувчигина у йўлдан оғади. Сизлардан ким узоқ яшаса, кўплаб ихтилофларга гувоҳ бўлади. Бас, ўзингиз билган менинг суннатимни ва тўғри йўлдаги рошид халифаларнинг суннатини маҳкам тутинг ва уларга озиқ тишларигиз билан қаттиқ ёпишинг”. (Ибн Можа ривояти).

Азиз биродарлар!

Мусулмонлар асрлар давомида цивилизация, қадр-қиммат, тараққиёт ва эзгулик борасида дунёда пешқадам бўлиб, ушбу улуғ давлат соясида Исломни ҳаётга татбиқ этиб келишди. Бу давлат ўз замонида фиқҳ, илм-фан ва маърифатда инсоният тарихида мисли кўрилмаган юксак чўққиларга эришди. Ғарбда Пиреней тоғларидан то шарқда Хитойгача, шимолда Марказий Россиядан жанубда Марказий Африкагача чўзилган улкан цивилизацияга асос солди. Бу цивилизация саҳобалар, тобеъинлар ва улардан кейин ўтган зотларнинг қони билан барпо этилган улуғвор, соф ва порлоқ шон-шарафдир. Биз Пайғамбаримиз ﷺдан мерос қолган васиятни маҳкам тутар эканмиз, йўлимизда қанчадан-қанча фикрлар ихтилофига дуч келсак-да, у зотнинг йўлидан асло адашмаслигимиз ва буни асло унутмаслигимиз лозим.

Эй мусулмонлар!

Турли эгри йўлларни босиб ўтган мусулмонлар, миллатчилик ва ватанпарварлик ғоялари синовидан ўтгач, Пайғамбари ﷺнинг очиқ-ойдин йўлини йўқотиб қўйдилар. Улар социализм ва капитализмни, демократия ва эркинликни, дунёвий конституцияларни, парламентлар ҳамда қонун чиқарувчи кенгашларни ўз бошларидан ўтказиб кўрдилар. Бироқ буларнинг ҳеч бири уларга фойда келтирмади, аксинча, дардига дард, юкига юк қўшди холос. Ҳа, Ислом Уммати ўзларининг асл йўли бўлган халифаликни четга суриб қўйиб, аччиқ-чучукни татиб кўрди. Ҳаттоки ҳурматли Пайғамбаримиз ﷺнинг: “لَا يَزِيغُ عَنْهَا بَعْدِي إِلَّا هَالِكٌ“ “Мендан кейин фақат ҳалок бўлувчигина бу йўлдан оғади”, деган огоҳлантирув сўзлари ҳам эътиборсиз қолдирилди.

Мана, бугун бу лоқайдликнинг аччиқ мевасини ўз кўзингиз билан кўриб турибсиз: ўзларини ва халқларини кофир мустамлакачиларга сотиб юборган малай ҳукмдорларни кўриб турибсиз. Уммат ўз мавқеини йўқотди, имкониятлари зое кетди ва хорлик ҳамда қашшоқлик ботқоғига ботди. Буларнинг барчаси кўз ўнгимизда содир бўлаётгани учун уларни ортиқ таърифлаб ўтиришнинг ҳожати йўқ.

Шу боис, эй мусулмонлар, барчангизни севимли Пайғамбаримиз Муҳаммад ﷺнинг суннатига, у зот кўрсатиб кетган порлоқ ва очиқ-ойдин йўлга қайта даъват этамиз. Шунингдек, пайғамбарлик минҳожи асосидаги иккинчи рошид Халифаликни тиклаш ҳамда ер юзида Аллоҳнинг ҳукмларини қарор топтириш учун чин дилдан ва фидокорона ҳаракат қилишга чақирамиз.

Эй Аллоҳим, мусулмонларни бирлаштирадиган, уларни азоб-уқубатлардан халос этадиган ҳамда Пайғамбарлик минҳожи асосидаги тўғри йўлдан юриб, Умматни ҳам тўғри йўлга бошлайдиган Халифалик давлати тикланишини тезлаштиргин! Эй Аллоҳим, Ер юзини Ўз жамолинг нури билан мунаввар қилгин. Амин.

Азиз биродарлар, навбатдаги «Ҳадиси Шариф билан» номли рукнимизгача Аллоҳ Таолонинг паноҳида бўлинг. Сизларга Аллоҳ Таолонинг саломи, раҳмати ва баракоти бўлсин.

Ҳижрий 1448 йил, 1-робиус соний.

Милодий 2026 йил, 13 сентябрь.