Бадр согушунда периштелердин жардамга келүүсү жана согуштан олжо алууга уруксат берилиши

Бисмиллаахи рахмаанир рахиим

Асыл хадис менен

Бадр согушунда периштелердин жардамга келүүсү жана согуштан олжо алууга уруксат берилиши

Урматтуу бир туугандар “Асыл хадис менен” берүүбүздүн жаңы чыгарылышын жакшы салам менен баштайбыз. Аллахтын тынчтыгы, ырайымы жана берекеси сиздер менен болсун.

Бул тууралуу Сахих аль-Имам Муслимдин шархы Ан-Нававиде “Бадр согушунда периштелердин жардамга келүүсү жана согуштан олжо алууга уруксат берилиши” бөлүмүндө айтылат:

حدثنا هناد بن السري حدثنا ابن المبارك عن عكرمة بن عمار حدثني سماك الحنفي قال: سمعت ابن عباس يقول: حدثني عمر بن الخطاب قال: “لما كان يوم بدر نظر رسول الله صلى الله عليه وسلم إلى المشركين وهم ألف، وأصحابه ثلاث مائة وتسعة عشر رجلا، فاستقبل نبي الله- صلى الله عليه وسلم- القبلة ثم مد يديه، فجعل يهتف بربه: اللهم أنجز لي ما وعدتني اللهم آت ما وعدتني، اللهم إن تهلك هذه العصابة من أهل الإسلام لا تعبد في الأرض، فما زال يهتف بربه مادا يديه مستقبل القبلة حتى سقط رداؤه عن منكبيه، فأتاه أبو بكر فأخذ رداءه فألقاه على منكبيه ثم التزمه من ورائه وقال: يا نبي الله كفاك مناشدتك ربك، فإنه سينجز لك ما وعدك، فأنزل الله عز وجل ((إِذْ تَسْتَغِيثُونَ رَبَّكُمْ فَاسْتَجَابَ لَكُمْ أَنِّي مُمِدُّكُم بِأَلْفٍ مِّنَ الْمَلآئِكَةِ مُرْدِفِينَ)). فأمده الله بالملائكة، قال أبو زميل فحدثني ابن عباس قال: بينما رجل من المسلمين يومئذ يشتد في أثر رجل من المشركين أمامه إذ سمع ضربة بالسوط فوقه وصوت الفارس يقول: أقدم حيزوم، فنظر إلى المشرك أمامه فخر مستلقيا فنظر إليه فإذا هو قد خطم أنفه وشق وجهه، فجاء الأنصاري فحدث بذلك رسول الله صلى الله عليه وسلم، فقال: صدقت، ذلك من مدد السماء الثالثة.

Бизге Ханнад бин ас-Сари Ибн Аббастан риваят кылат. Мага Умар бин аль-Хаттаб айтып берген, ал мындай деген: “Бадр күнү Аллахтын элчиси (ага Аллахтын салам-салаваттары болсун) миңдеген мушриктерге карады, Анын сахабалары үч жүз он тогуз кишиден турган. Аллахтын пайгамбары (ага Аллахтын салам-салаваттары болсун) кыбылага карап, анан колдорун көтөрүп, Раббисине жалбара баштады: “Оо, Аллах, мага берген убадаңды аткар. Оо, Аллах, мага берген убадаңды аткар. Оо, Аллах, эгер бул мусулмандар тобу жок болуп кетсе, Сага жер жүзүндө сыйына тургандар калбайт”. Ал колун кыбылага сунуп, чапаны ийнинен түшүп калганга чейин роббисине жалбара берди. Абу Бакр анын жанына келип, чапанын алып, кайра ийнине койду да, артынан кучактап: Оо, Аллахтын пайгамбары, Роббиңе жалбарганың жетиштүү, анткени Ал сага убада кылганын аткарат, – деди. Анан Аллах Таала вахий кылды.

(إِذْ تَسْتَغِيثُونَ رَبَّكُمْ فَاسْتَجَابَ لَكُمْ أَنِّي مُمِدُّكُم بِأَلْفٍ مِّنَ الْمَلآئِكَةِ مُرْدِفِينَ)

“Качан Эгеңерден жардам сураганыңарда, Ал силерге жооп берип: Чындыгында, Мен силерге арт- артынан удаалаш келген миң периште менен жардам берем, – деди“

Ошентип, Аллах ага периштелер менен жардам берди. Абу Замил мындай деди: Ибн Аббас мага мындай деди: Ошол күнү бир мусулман киши алдындагы мушрик адамдын артынан чуркап бара жатканда, үстүндө камчы чабылганын жана чабандестин: “Алга, Хайзум” деген үнүн укту. Ал алдындагы мушрикке караганда, ал жыгылып түшүп, мурду кесилип, бети жарылып калганын көрдү. Ансарий келип, бул тууралуу Аллахтын Элчисине (ага Аллахтын салам-салаваттары болсун) айтты, ал: “Сен чындыкты айттың ал асмандан келген жардам “, – деди.

Урматтуу бир туугандар:

Аллах Таала жер жүзүнө адамдарды эки дүйнөдө тең бактысыз болсун деп эмес, бактылуу болсун деп жараткан.

Адам баласы кандай гана сабатсыз! Ал кандай гана аянычтуу! Ал кандай гана боорукерликке муктаж! Ал ойлонбой иш кылганда, адеп-ахлаксыздык кылганда жана бузукулук кылганда кандай гана жийиркеничтүү!

(إِنَّهُ ظَنَّ أَنْ لَنْ يَحُورَ * بَلَى إِنَّ رَبَّهُ كَانَ بِهِ بَصِيرًا)

“Ал эч качан (роббисине) кайтып келбейм (кайра тирилбейм) деп ойлогон. Чындыгында, Роббиси аны дайыма көрүп турган.) Бул анын күмөнүн жана таануусун чечкиндүү түрдө жокко чыгаруу. Анткени Аллах аны кайра алып келип, жоопко тартат, анын иштеринин жана сөздөрүнүн эч бири Андан жашыруун эмес“.

Аллах Таала аны жаратып, бактылуу болушу үчүн ага ачык жана туура жолду хидаятты түшүрдү. Бирок ал бардык күчү менен жана эң жогорку ылдамдыгы менен азап-кайгынын жолуна түштү, ал аны издеп жана талап кылды, анткени бул анын каалаган максаты болду.

Эй мусулмандар:

Алгачкы мусулмандар Аллахтын ыраазычылыгын көздөп, Анын өкүмдөрүн бекем карманып, өздөрүнүн урматтуу пайгамбары Мухаммаддын (ага Аллахтын салам-салаваты болсун) сүннөтүн жана жолун жолдогондо, Алар жер жүзүндө эч ким татып көрбөгөн бакыттын, кубанычтын жана канааттануунун даамын татып көрүштү, анткени алар Аллахтан ыраазы болушкан, Аллах да алардан ыраазы болгон. Качан алар Аллах менен бирге болгондо, Аллах да алар менен бирге болду. Бадрдагы улуу согушта үчүнчү асмандын периштелери алар менен бирге согушуу үчүн түшүшкөн, анткени алар Аллахка ишенишкен, ошондуктан Аллах да аларды кубаттады.

Эй мусулмандар:

Бүгүнкү күнү силер менен ким бирге согушат? Асман периштелериби же жердеги шайтандарбы? Силерге жеңиш армиясы менен ким жардам берет? Силерден талап кылынган нерсени аткарып койгондой, бир гана Аллахтын жооп бериши гана калгандай кантип колуңарды көтөрүп, Кудуреттүү, Мажбурлоочудан нусрат сурап жалбарып жатасыңар? Эгер Аллахка жалбарылбаса Аллах ачууланат, бул чындык- бирок Аллах Анын мыйзамдары бузулса, ал мындан да катуу ачууланат. Ал күндүзү да, түнү да күнөөгө батып анан колдорун жана үнүн көтөрүп: “Оо, Аллах, бизге убада кылган жеңишти бер”, – дегендерге да ачууланат.

Мусулмандарды ачыктан-ачык куфр конституциялары менен башкарган акимдер бийликте болгондо кантип жеңишке жетишүүгө болот? Үчүнчү же төртүнчү асмандын периштелери кантип түшө алышат, эгерде үммөттү коопсуздукка жана Аллах Тааланын ыраазычылыгына алып бара турган имам жок болсо?

Оо үммөт! Пайгамбардын (ага Аллахтын салам-салаваттары болсун) урматтуу сахабалардын (аларга Аллахтын ыраазычылыгы болсун) абалына, Аллах Таала силерди адамзат үчүн чыгарылган эң жакшы үммөт катары тандап алган абалга кайткыла.

Оо Аллахым, бизди туура жолго сал, бизден мурункуларга бергениңдей эле, бизге да жер жүзүндө бийлик бер, жана бизге Өзүңдүн аскерлериңден күч-кубат жөнөт, алар биз менен, биз да алар менен бирге согушабыз, бул Сен үчүн кыйын эмес. Аамиин, аамиин.

Аллах буйруса, келерки “Асыл хадис менен” берүүбүздөн жолугушканга чейин сиздерди Аллахтын камкордугуна, коргоосуна жана коопсуздугуна калтырабыз. Сиздерге Аллахтын тынчтыгы, ырайымы жана берекеси  болсун.

1447-х, 21– зулхижжа.

2026-ж, 7-июнь.