Борбор Азиядагы демографиялык өсүү

Борбор Азиядагы демографиялык өсүү

Орусия менен Европа демографиялык кризисти башынан өткөрүп жаткан чакта, Борбор Азия калкынын саны тездик менен өсүп жатат. 2000-жылы Борбор Азия өлкөлөрүндө 56 миллионго жакын адам жашаган. Ал эми бүгүнкү күндө, ал сан болжол менен 84 миллионго өзгөрдү. Өсүү тенденциясын эске алганда, 2050-жылга чейин бул көрсөткүч 114 миллионго жетиши мүмкүн. Башкача айтканда, акыркы 50 жылда калк дагы 58 миллионго өсүшү күтүлөт.

Ошондой эле, маалымат үчүн айта кетсек: учурдагы Орусиянын калкынын саны (расмий түрдө) 145 миллионго жакын адамды түзөт, ал эми калктын азаюусун эске алганда, ал сан 2050-жылга карата 134 миллионго чейин кыскарышы мүмкүн. Тагыраагы, жоготуулар 12 миллионго жакын адамды түзөт. Бул Орусиянын мигранттар эсебинен калкынын санын туруктуу кармап калуу саясатын эске алгандагы абал.

Италияда түпкү калктын саны 60 миллиондон 54 миллионго чейин, ал эми Польшада 38 миллиондон 33 миллионго чейин азайышы мүмкүн. Ушул эки өлкөдө эле болжол менен 11 миллион адам азайышы күтүлөт.

Эгерде бүгүнкү күндө Борбор Азиянын ар бир 100 тургунуна Европага караганда бир топ көбүрөөк жаштар туура келсе, анда 2050-жылга карата аймактын калкынын орточо курагы болжол менен 29 жашты түзүшү мүмкүн. Ал эми көптөгөн Европа өлкөлөрүндө бул көрсөткүч 45 жаштан ашат.

Ошентип, жакынкы 25 жылдын ичинде Борбор Азияда мусулман калктын саны болжол менен 30 миллион адамга көбөйөт, ал эми көптөгөн Европа өлкөлөрү менен Орусия калктын санынын кыскаруусуна жана картаюусуна туш болушат. Бул аймактын эң ири демографиялык ресурстарынын бирине айланат.