«Муҳаммад» исми Англия ва Уэльсда кетма-кет учинчи йил энг оммабоп исм бўлди
«Муҳаммад» исми Англия ва Уэльсда кетма-кет учинчи йил энг оммабоп исм бўлди
Англия ва Уэльсда янги дунёга келган чақалоқларга қўйилган энг оммабоп исмлар рейтингида «Муҳаммад» исми кетма-кет учинчи йил ҳам пешқадамликни қўлдан бермай келмоқда. Британия Миллий статистика бюросининг (ONS) маълумотларига кўра, 2025 йилда жами 5 957 нафар гўдакка ушбу муборак исм қўйилган.
Бу кўрсаткич 2024 йилга нисбатан анча юқори бўлиб, янги туғилган жажжи Муҳаммадлар сони яна 236 нафарга кўпайган. Эътиборлиси, 2024 йилда ҳам ушбу исм рўйхатнинг энг юқори поғонасини банд этган эди.
Рақамлар шуни кўрсатмоқдаки, исмнинг айнан «Муҳаммад» (Muhammad) шаклидаги ёзилиши энг кўп танланаётган вариант бўлиб қолмоқда. Бундан ташқари, ушбу исмнинг бошқача ёзилиш шакллари ҳам энг машҳур 100 та исм рўйхатидан жой олган. Хусусан, «Моҳаммед» (Mohammed) варианти 20-ўринни, «Моҳаммад» (Mohammad) эса 55- ўринни эгаллаган.
