Қуръондан сабоқ берганлар қўлга олинди
Қуръондан сабоқ берганлар қўлга олинди
Ўзбекистон пойтахти Тошкент шаҳрида расмий рўйхатдан ўтмай туриб, диний сабоқлар ташкил этганликда гумонланган бир неча кишининг ҳуқуқ-тартибот органлари томонидан ҳибсга олиниши жамиятда кенг норозиликларга сабаб бўлди.
Расмий маълумотларга кўра, Давлат хавфсизлик хизмати ва ички ишлар органлари ижарага олинган иккита хонадонда яширин Қуръон курслари ташкил этилганини аниқлаган. Хонадонларнинг бирида 34 ёшли талаба тўққиз нафар болага Қуръон ўқишни ва Ислом дини асосларини ўргатиб келгани, иккинчисида эса ўша таълим муассасасининг ўқитувчиси ўз рафиқаси билан биргаликда беш нафар болага дарс бергани айтилмоқда.
Бу воқеа Ўзбекистон ҳукуматининг сўнгги йилларда диний таълим соҳаси устидан назоратни кучайтириш сиёсатининг узвий давоми сифатида баҳоланмоқда. Шу билан бирга, бу каби чора-тадбирлар жамиятда катта акс-садо бермоқда. Одамлар Қуръон ва Ислом асосларини ўрганишга давлат томонидан тўсиқлар қўйилаётганига қарши ўз норозиликларини билдиришмоқда.
