Европадаги бўрон Германияга ҳам етиб келди
Европадаги бўрон Германияга ҳам етиб келди
Германиянинг турли минтақаларида ўн минглаб ёшлар намойишга чиқди. Бу эса, Европада сиёсий элитадан ҳамда яшаш шароитларидан норози бўлган «Z авлод» ёшлари бошчилигидаги норозилик акцияларининг навбатдаги тўлқини бўлди. Намойишлар чоғида айрим зўравонлик ҳаракатлари ва полиция билан тўқнашувлар ҳам кузатилди. (Германиянинг «Дойче Велле» ахборот агентлиги, 31.10.2026).
Изоҳ:
Европадаги 2026 йилнинг кузи араб мамлакатларидаги 2010 йилнинг қишини ёдга солмоқда! Чунки намойишлар ва норозилик акциялари бир ўлкадан бошқасига шиддат билан тарқала бошлади. Франциядаги талабаларнинг норозилик ҳаракатлари ҳукумат ва элитага қарши чинакам исёнга айланиб, ундан сўнг Бельгия, Италия ва Испанияга кўчиб ўтди. Энди эса навбатдаги манзил — Германияга ҳам етиб келди.
«Z авлод» деб аталаётган авлод, бошқача айтганда, ёшлар ва интернетда фаол бўлган қатлам Европа воқеаларининг олдинги сафига чиқди. Улар «Араб баҳори» даврида Тунис, Миср, Сурия ва бошқа юртларда ҳам майдоннинг олдинги қаторида туришган эди.
Ғарб турли ҳийла-найранглар билан «Араб баҳори»ни оғир қишга айлантиришда муваффақиятга эришганидан кейин собиқ раҳбарлардан ҳам ёмонроқ, шафқатсиз кимсаларни тахтга олиб келишга эришган эди.
Бугун эса сеҳр сеҳргарнинг ўзига қарши ишламоқда. Чунки ғазаб тўлқинлари бутун Европа бўйлаб ёйилмоқда. Уларнинг айримлари худди Франциядаги каби зўравонликлар билан кечяпти. Ҳибсга олишлар, ёнғинлар ва қон тўкилишлар Европа ҳукуматлари мусулмонлар орасида ташкил қилишга уриниб келган кўринишларни эсга солади.
Бугун халқнинг сабр косаси тўлди. Украина урушидан ҳамда Эронга қарши урушдан сўнг энергия нархларининг қимматлашиши ва Хитой билан иқтисодий рақобатнинг кучайиши туфайли Европа ҳукуматларининг, айниқса Франция, Германия ва Британиянинг хазиналари банкрот ҳолатга келиб қолди. Шу боис улар норозилик билдириб наммойишга чиқаётганларнинг талабларини бажаришга ожизлик қилмоқдалар. Бироқ европалик ёшлар «демократия ўйини» эндиликда ўзларининг эҳтиёжларини қондира олмаслигини англай бошладилар.
Хўш, у ҳолда Ғарб «маърифат» деб атаган зулмат тузумининг ўрнига инсониятга тўғри йўл, адолат ва нур олиб борадиган ҳақиқий йўлни ким кўрсатади? Чунки бу тузумнинг асл башараси фош бўлиб, унинг замирида геноцид, урушлар, диктатура режимларини қўллаб-қувватлаш ва ҳатто муслима қизларнинг румолига қарши кураш ётгани аён бўлди. Ҳатто у инсонлар Аллоҳнинг нури ва ҳидоятига эргашиб кетишларидан қўрқиб, динга тегишли бўлган барча нарсага қарши очиқдан-очиқ уруш олиб борилаётгани фош бўлди.
Билол Ат-Тамими
