Силерге  аз гана илим берилген

Бисмиллаахи рахмаанир рахиим

Асыл хадис менен

Силерге  аз гана илим берилген

Урматтуу бир туугандар “Асыл хадис менен” берүүбүздүн жаңы чыгарылышын жакшы салам менен баштайбыз. Аллахтын тынчтыгы, ырайымы жана берекеси сиздер менен болсун.

Сахих аль-Бухаринин шархы Ибн Хажар аль-Аскаланинин Фатх аль-Барисинде: “Силерге  аз гана илим берилген” бөлүмүндө айтылат:

حدثنا قيس بن حفص قال حدثنا عبد الواحد قال حدثنا الأعمش سليمان بن مهران، عن إبراهيم عن علقمة عن عبد الله قال: بينا أنا أمشي مع النبي صلى الله عليه وسلم في خرب المدينة وهو يتوكأ على عسيب معه، فمر بنفر من اليهود فقال: بعضهم لبعض سلوه عن الروح وقال: بعضهم لا تسألوه لا يجيء فيه بشيء تكرهونه، فقال بعضهم: لنسألنه، فقام رجل منهم فقال: يا أبا القاسم ما الروح؟ فسكت فقلت: إنه يوحى إليه، فقمت فلما انجلى عنه قال: {وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُم مِّن الْعِلْمِ إِلاَّ قَلِيلاً}.

Бизге Кайс бин Хафс  Абдуллахтан риваят кыллы. Мен Пайгамбар менен (ага Аллахтын салам-салаваттары болсун), Мединанын урандыларынынан өтүп бара жатканда, ал өзү менен кошо алып жүргөн пальма бутагына жөлөнүп турган, бир топ жөөттөрдүн жанынан өтүп бара жатып, алардын бири экинчисине: Андан рух жөнүндө сурагыла, – дешти: Ал айтты: Айрымдары андан сурабагыла, анткени ал силерге жакпаган нерсени айтып койбосун, – дешти. Айрымдары: Келгиле, андан сурайлы, – дешти. Ошондо алардын бири ордунан туруп: Эй, Абул-Касым, рух (жан) деген эмне? – деп сурады. Ал унчукпай калды, мен: Ал ага аян кылынып жатат, – дедим. Мен ордумдан турдум, ошондо аян бүткөндө ал мындай деди:

{وَيَسْأَلُونَكَ عَنِ الرُّوحِ قُلِ الرُّوحُ مِنْ أَمْرِ رَبِّي وَمَا أُوتِيتُم مِّن الْعِلْمِ إِلاَّ قَلِيلاً}

Алар сенден рух жөнүндө сурашат. Айткын: рух (рух) менин Эгемдин буйругунан. Силерге аз гана илим берилген.

Урматтуу бир туугандар:

“Аларга аз гана илим берилген”. Андыктан эч ким акылына, билимине жана өзүнө алданбасын, анткени адам алсыз, кемчиликтүү жана муктаж. Эгер пайгамбар (ага Аллахтын дубалары жана тынчтыгы болсун), асман менен вахий аркылуу байланышпаганда, бул жакшылыктар жана бул өкүмдөр ага жетип келмек эмес. Ошондуктан, андан билбеген бир маселе жөнүндө сурашканда, ал Жабрейил (а.с.) түшүп, ага кабар бергенге чейин жооп берчү эмес, ошондуктан ал бул маселени так билип туруп иш кылчу.

Эй мусулмандар:

Ушундай жол аркылуу, адам бекем жана туруктуу кадамдар менен, так жана белгилүү бир жолдо баратат, ошондуктан ким аны карманса, каалаган максатка  жетишине эч кандай шек санабайт. Ошондуктан мындай жол менен, инсан чалынып, олку-солку болуп, башын айлантып жүрбөйт, коркуп, тартынып, артка чегинбейт, тескерисинче, Аллах ага берген убадасын аткарат деген бекем ишеним менен алга карай жүрөт.

Эй мусулмандар:

Бүгүн бизге урматтуу Элчибизге (ага Аллахтын салам-салаваты болсун) түшүрүлгөн жолду кармануу канчалык зарыл? Бул жолдон башка бардык жолдордун баарын колдонуп көргөндөн кийин, бул жолду кармануу бизге канчалык зарыл? Пайгамбарлык үлгү боюнча экинчи Халифалыкты куруу жолу пайгамбарыбыз биринчи Ислам мамлекетин курганда бул ачык-айкын жолду карманган эмес беле? Анда эмне үчүн биз бул пайгамбарлык жолду кармандуудан тайсалдап жатабыз? Биз кээде туура  кээде катага түшө турган  адамзаты эмеспизби? Же биз өзүбүздү өтө илимдүү, акылдуу жана рационалдуу деп ойлойбузбу? Эгер ошондой болсо, биз: Маселе ушуну менен эмес, тескерисинче, маселе Алла Таала  бизге буйруган жолду канчалык берилгендик  менен кармануу аркылуу гана чечилет деп айтабыз.

Оо, Аллахым, бизге мусулмандарды бириктирип, азап-тозоктон арылтуучу, пайгамбарлык үлгүгө ээрчиген туура жолду көрсөткөн халифат курууну тездет. Оо, Аллахым, жер жүзүн Өзүңдүн даңазалуу жүзүңдүн нуру менен жарык кыл.

Аллах буйруса, келерки “Асыл хадис менен” берүүбүздөн жолугушканга чейин сиздерди Аллахтын камкордугуна, коргоосуна жана коопсуздугуна калтырабыз. Сиздерге Аллахтын тынчтыгы, ырайымы жана берекеси  болсун.

1447-х, 3-зулкаада.

2026-ж, 20-апрель.