ҒАРИБЛАРГА ТУБО ЖАННАТИ БЎЛСИН
ҒАРИБЛАРГА ТУБО ЖАННАТИ БЎЛСИН
- Ибн Умар розияллоҳу анҳудан ривоят қилинади: Росулуллоҳ ﷺ:
«إِنَّ الْإِسْلاَمَ بَدَأَ غَرِيبًا، وَسَيَعُودُ غَرِيبًا كَمَا بَدَأَ، وَهُوَ يَأْرِزُ بَيْنَ الْمَسْجِدَيْنِ كَمَا تَأْرِزُ الْحَيَّةُ جُحْرِهَا»
«Ислом Ғариб бўлиб бошланди, яна бошланганидек Ғарибликка ғайтади ва худди илон инига қайтганидек Ислом ҳам икки масжид орсига қайтади» дедилар.
- Аҳмад Ибн Масъуд розияллоҳу анҳудан ривоят қилади: Росулуллоҳ ﷺ:
«إِنَّ الْإِسْلاَمَ بَدَأَ غَرِيباً، وَسَيَعُودُ غَرِيباً كَمَا بَدَأَ، فَطُوبَى لِلْغُرَبَاءِ. قِيلَ: وَمَنِ الْغُرَبَاءُ؟ قَالَ النُّزَّاعُ مِنَ الْقَبَائِلِ»
«Ислом Ғариб бўлиб бошланди, яна бошланганидек Ғарибликка қайтади, Бас, Ғарибларга Тубо жаннати бўлсин, дедилар. «ғариблар кимлар?» – деб сўралди. қабилаларидан бадарға қилинганлар» деб жавоб бердилар.
Табароний «Салоса» китобида Саҳл ибн Саъд Соъидий розияллоҳу анҳудан ривоят қилади: Росулуллоҳ ﷺ:
«إِنَّ الْإِسْلاَمَ بَدَأَ غَرِيباً، وَسَيَعُودُ غَرِيباً كَمَا بَدَأَ، فَطُوبَى لِلْغُرَبَاءِ. قِيلَ: وَمَنِ الْغُرَبَاءُ يَا رَسُولَ اللهِ؟ قَالَ: الَّذِينَ يُصْلِحُونَ إِذَا فَسَدَ النَّاسُ»
«Ислом Ғариб бўлиб бошланди, яна бошланганидек Ғарибликка ғайтади, Бас, Ғарибларга Тубо жаннати бўлсин, дедилар. Ғариблар кимлар, ё Росулаллоҳ? – деб сўралди. Одамлар бузилиб кетишганда уларни ислоҳ қилувчилар» деб жавоб бердилар.
- Ибн Ваззоҳ Бакр ибн Умар ва Муъофирийдан ривоят қилади: Росулуллоҳ ﷺ:
«طُوبَى لِلْغُرَبَاءِ، الَّذِينَ يُمَسِّكُونَ بِكِتَابِ اللهِ حِينَ يُتْرَكُ، وَيَعْمَلُونَ بِالسُّنَّةِ حِينَ تُطْفَأُ»
«ғарибларга Тубо жаннати бўлсинки, улар Аллоҳнинг китоби тарк қилинган пайтда, уни маҳкам ушлайдилар ва
суннатга амал қилинмай қўйилган пайтда, унга амал қиладилар» дедилар.
- Ибн Жарир Шурайҳ ибн Абидул-Ҳазрамийдан ривоят қилади:
Росулуллоҳ ﷺ:
«إِنَّ الْإِسْلاَمَ بَدَأَ غَرِيباً، وَسَيَعُودُ غَرِيبًا كَمَا بَدَأَ، أَلاَ لاَ غُرْبَةَ عَلَى مُؤْمِنٍ»
Ислом Ғариб бўлиб бошланди, яна бошланганидек Ғарибликка ғайтади. Огоҳ бўлинг, (ана шунда) ҳеч бир мўмин Ғариб бўлмас» дедилар.
- Термизий бир ҳадисни ҳасан ҳадис деб Касир ибн Абдуллоҳ ибн Амр ибн Авф ибн Зайд ибн Милҳадан, у отасидан, отаси бобосидан ривоят қилади: Росулуллоҳ ﷺ бундай дедилар:
«إِنَّ الدِّينَ لَيَأَرِزُ إِلَى الْحِجَازِ كَمَا تَأْرِزُ الْحَيَّةُ إِلَى جُحْرِهَا. وَلَيَعْقِلَنَّ الدِينُ مِنَ الْحِجَازِ مَعْقِلَ الأُرْوِيَّةِ مِنْ رَأْسِ الْجَبَلِ. إِنَّ الدِّينَ بَدَأَ غَرِيبًا وَيَرْجِعُ غَرِيبًا، فَطُوبَى لِلْغُرَبَاءِ الَّذِينَ يُصْلِحُونَ مَا أَفْسَدَ النَّاسُ مِنْ بَعْدِى مِنْ سُنَّتِى»
«Бу Дин худди илон инига қайтганидек, ҳижозга қайтади. Бу Дин худди ёвойи эчкини тоғ тепасига боғланганидек, ҳижозга (мустаҳкам) боғлаб қўйилади. Албатта, Дин ғариблик билан бошланганидек яна ғарибликка қайтади. Бас, ғарибларга Тубо жаннати бўлсинки, улар одамлар мендан кейин суннатимни бузишгандан кейин уни ислоҳ қиладилар».
Бу ҳадисни Исмоил ибн Абдураҳмон Собуний мана бундай ривоят қилди: Росулуллоҳ ﷺ:
«إِنَّ الْإِسْلاَمَ بَدَأَ غَرِيباً، وَسَيَعُودُ غَرِيباً كَمَا بَدَأَ، فَطُوبَى لِلْغُرَبَاءِ. قِيلَ: وَمَنِ الْغُرَبَاءُ يَا رَسُولَ اللهِ؟ قَالَ: الَّذِينَ يُحْيُونَ سُنَّتِى مِنْ بَعِدِى وَيُعَلِّمُونَهَا عَبَادَ اللهِ»
«Ислом Ғариб бўлиб бошланди, яна бошланганидек Ғарибликка ғайтади, Бас, Ғарибларга Тубо жаннати бўлсин, дедилар. Ғариблар кимлар, ё Росулаллоҳ? – деб сўралди. Мендан кейин суннатимни тирилтирган ва уни Аллоҳнинг бандаларига ўргатганлар» дедилар.
